SAM 143:7 - Bawm Common Language Bible Version

⁷ LALPA, tuah hawng ka sâng! Ka lung a dawng. Ka lakah mi a thup lah, chu hâwi asi lo chun, laikulh mithi le tla sinah kal mi hâwi kasi lai.

SAM 143:7 ပူးပေါင်းရင်းမြစ်များ

SAM 102:2

Lawksawng hen ka um liauah hawng ka hertâk lah! Hawng ka ngâi le, ka nan kawh tikah khulrang hen hawng ka sâng!

SAM 22:24

Mipâm tla chu a thlawrhthlâu lo le, an tuarnâk tla khawm ngaihlo lem a thlâk lo, anmah tla chu a hawitâk na lo le, ṭangpi an deih tikah chun a sâng na.”

SAM 27:9

ka hawng lai, ka lakah mi a thup lah!” ti hen, ka sâng. Ka lakah na thinrun lah; na to-aw hi hertâk lah. Nang hawng ka ṭangpitu na si; hawng ka mâk lah le, hawng ka kaltâk lah, Ka Pathian, ka Ruangsuahtu.

SAM 28:1

LALPA, hawng ka vêngtu, ka nan auh asi. Ka âu hâu hi ngâi rawh! Na ka sâng lo chun laikulh thihnâk ah a kal mi sinah ka um lebang lai.

SAM 40:17

LALPA, ka chak lo hen ka pâm, sikhawmsele na ka philh lo. Nang chu ka Pathian, ka ruangsuahtu na si, hawng ka ṭangpi ding hen a nam rawh!

SAM 69:17

Na to-aw lakah hin a thup lah le; lawksawngnâk fâk tak ah ka um, tuah hawng ka sâng!

SAM 69:18

Ka sinah hawng le, ka mêlma lakah mi ruang hawng ka suah le, hawng ka hum.

SAM 69:3

Ṭangpi deih hen âunâk ah ka dî thlo, ka rawm tla a fâk ver. Nangmah ṭangpi ding hâwl hen ka mit tla a hivâi ver.

SAM 70:5

Aw Pathian, kei chu ka chak lo hen ṭangpitu ka nei lo, Khulrang hen ka sinah hawng. LALPA, nang chu ka ruangsuahtu na si, hawng ka ṭangpi ding hen a nam rawh!

SAM 71:12

Pathian, ka sinah mi lât takah um lah. Ka Pathian, hawng ka ṭangpi ding hen a nam.

SAM 84:2

Chunah um chu ka duh a! LALPA Biakin ah um ka ngâi. Pathian nung sinah ka pumpiluk hen la ka sak.

THUFING LASUIBU 13:12

Lungumnâk â râwk chun, thinlung khawm â râwk. Sikhawmsele duhnâk dik nih chun lâwmnâk hen thinlung a khattir.

ISAI 38:18

Laikulh thihnâk lakah mi pakhat khawm nih a nan sawr kho lo; A thi mi tla chu zumh na kâinâk lakah anna ngauh kho lo.

ISAI 57:16

Ka mi tla chu nungnâk ka pêk tâwn le, an lakah phiarnâk leh thinthawknâk ka umtir kumza awtlo.

ISAI 8:17

LALPA chu a mi tla lakah mi â thup le, sikhawmsele amah chu ka zumh hen a sinah lungumnâk ka siah.

LUK 21:26

minung tla thlabâr ruangah leh laikulh ah thil hawng tlung ding mi chu dawn ruangah an nang lai; vân thiltikhonâk tla chu â nîn awt ruangah.