SAM 140:6 - Bawm Common Language Bible Version

⁶ LALPA sinah chun, “Nang chu ka Pathian na si, ṭangpi deih hen ka âu mi hi ngâi rawh LALPA!” ka ti.

SAM 140:6 ပူးပေါင်းရင်းမြစ်များ

SAM 116:1

Ka thlachamnâk a theih hen a ka ngâi piak ruangah, LALPA chu ka dâwt.

SAM 119:57

LALPA, ka duh mi zawzawng chu nangmah na si, na dân zûl ding hen thu ka tiam.

SAM 130:2

LALPA, ka âu hâu hi ngâi le, ṭangpi kan deihnâk hi hawng ka ngâi piak.

SAM 142:4

Ka kiangkam ka zauh le, hawng ka ṭangpitu ding leh hawng ka hum hen hawng ka kilkâwitu ding pakhat khawm an um lo.

SAM 142:5

LALPA, ṭangpi ngiar hen ka hawng âu; LALPA, nang chu, hawng ka humtu, ka dam sungah ka herhnâk zawzawng chu na si.

SAM 143:1

LALPA ka thlachamnâk hi ngâi rawh. Na repnâk hen ka nan deih mi hi hawng ka ngâi le; na zumhkâinâk hen hawng ka sâng rawh!

SAM 16:2

LALPA sinah chun, “Ka LALPA na si; thil ṭha ka nei mi zawng hi nangmah lakah mi asi,” ka ti.

SAM 31:14

Sikhawmsele, LALPA nangmah lakah ka ngauh, nang chu ka Pathian na si.

SAM 57:7

Pathian, lungumnâk rangtling ka nei, la sak hen ka nan sawr lai!

SAM 64:1

Pathian, lawksawngnâk ah ka um le, ka thlachamnâk ngâi! Ka mêlma tla ka ṭih na, ka nungnâk hum rawh!

SAM 91:2

a sinah, “Nang chu hawng ka vêngtu leh hawng ka kilkâwitu na si; ka Pathian na si, nangmah lakah ka ngauh,” a ti kho.

JEREMIA 18:22

Theihthiamnâk umlo thlo hen, an in rawktu ding mi zapi fial khup na le; lâu hen ṭaptir na. Ka tlâknâk ding hen khur an chawh le, hawng ka awh ding hen thang an tunh.

LUNGFÂKNÂK 3:24

LALPA chu ka neih zeizawng asi le churuangah amah lakah lungumnâk ka nei.

ZEKARIA 13:9

Churawhchun, a mun thumnâk a thibang chu mei nih tangka a thiangtir mi hâwi hen ka thiangtir lai. Ngûn nik mi hâwi hen ka nik na lai. Churawhchun, ka sinah thla an cham lai le, ka sâng na lai rawh. Ka mi le an si ti ka simh na lai le, annih khawm nih kan Pathian na si an hawng ka ti bâk lai rawh,” a ti.