SAM 14:3 - Bawm Common Language Bible Version

³ Sikhawmsele, amahlo leiah an pial hep le, an ṭhatlonâk â bang hep le; pakhat khawm thil dik ti an um lo, Pakhattê khawm an um lo.

SAM 14:3 ပူးပေါင်းရင်းမြစ်များ

GENESIS 6:12

Pathian nih laikulh chu a zauh le, sual ngâi hen a muh, mi zawzawng tla chu sual tak hen an um ruangah.

JOB LASUIBU 14:4

Zei thil tal minung a nâwm mi thawk hen chun thil thiang a suak dah loh.

JOB LASUIBU 15:16

Mi nih sualnâk chu tî hâwi hen a din le, asi, minung chu a râwk dep le, zei rua khawm asi lo rawh.

SAM 119:176

Dawrâ tlâu hâwi hen ka vâi le, churuangah hawng le, hawng ka zauh, Na to-aw hi, na dân thu chu ka thlawrhthlâu lo ruangah.

SAM 14:1

Mi â tla nih “Pathian a um lo,” an ti. Anna râwk hep le, thil ṭihnungkâi an ti le, thil dik titu an um lo.

SAM 143:2

Na to-aw hi hawng ka nik lah le; na mitmuh ah âukhawm sual nei lo an um lo.

SAM 38:5

Ka âtnâk ruangah ka mâ tla chu a thû hen a mân.

SAM 58:3

Misual tla chu umdân diklo leikângah an kal le; an suaknâk thawk hen âwkrâwl thu an sim.

EXODUS 12:30

Chu zân chun, lalchem leh a rianṭuantu tla zawzawng leh Aigupta mi zawzawng tla chu an thawk le, in pakhat khawm fapa ruak a um lo mi a um lo ruangah Aigupta ram pumpi ṭap hâu hen a khat.

EXODUS 8:31

LALPA nih Mosi deih mi hâwi hen a ti rawh. Thovâi nih lalchem leh a rianṭuantu tla leh a mi le tla chu an ṭiantâk rawh, thovâi pakhat khawm a um lo rawh.

THUSIMTU 7:20

Tual tlûnah thil dik ti kumzatu leh palh dahlotu pakhat khawm a um lo.

THUSIMTU 7:29

Hi hi ka thil sîn zawzawng tla chu asi: Pathian nih awldek leh mâwl tak hen hawng kan siam le, sikhawmsele kanmah leh kanmah kanna nawktir.

ISAI 53:6

Kan ektê hen dawrâ a tlâu mi hâwi kan si le, mah duhnâk lei chiauah kan kal. Sikhawmsele LALPA nih rêpnâk chu a tlûnah a tlungtir. Kan ektê rêp kan tuar ding mi rûlah a tuar.

ISAI 64:6

Kan ektê hen misual kan si; kan thilti ṭha chem khawm a nâwm mi hep asi. Kan sual ruangah thingnah a uai mi thli nih a sêm ving mi hâwi kan si.

EZEKIEL 36:25

Tî thiang ka nan theh na lai le, nan milem zawzawng leh thil dang a nan nawmhtir natu zawzawng lakah mi ka nan thiangtir na awt.

ROM 3:23

mi zawzawng nih thilsual an ti ver le, Pathian rokualnâk anna ting kho lo rawh.

1 KORIN 6:5

Nan ningzaknâk ding hen ka sim asi. A unau tla kar lakah thu thlûk kho mi mi fing pakhat tal nan lakah nan tawng kho lo menmaw!

2 KORIN 7:1

Chun, duhtak le tla, chubang thutiam chu kan nei ruangah taksa leh thlarau nâwmnâk zawzawng lakah kanna thiangtir lai, Pathian ṭih bû hen thenhlimhnâk rangtlingtir hen.

EPHESI 2:3

Chubang lunglo fa tla lakah chun kannih khawm a lân chun taksa leh thinlung duhkâng ti hen, kan taksa duhnâk tla hâwi hen kan um ver le, midang tla hâwi ber hen Pathian thinrunhnâk tuar ding hen suak mi rêng kan si kha.

DEUTERONOMY 1:35

‘Nan thlâktu tla sinah ka tiamh mi ram ṭha ah hi thlâk misual tak tla hi pakhat khawm nan lût lai lo.