SAM 135:3 - Bawm Common Language Bible Version

³ LALPA chu a ṭha ruangah sawr u; a vêlneihnâk ruangah a min chu la hen sawr u.

SAM 135:3 ပူးပေါင်းရင်းမြစ်များ

SAM 100:5

LALPA chu a ṭha; a dâwtnâk chu zungzâl hen a um, zumh a kâinâk chu zungzâl tiang asi.

SAM 106:1

LALPA chu sawr u! LALPA chu a ṭha ruangah a sinah lâwmthu sim ule, a dâwtnâk chu zungzâl asi.

SAM 107:1

“LALPA chu a ṭhatnâk ruangah leh a dâwtnâk zungzâl tiang asi ruangah a sinah lâwmthu sim u!”

SAM 118:1

LALPA chu a ṭha ruangah leh a dâwtnâk chu zungzâl asi ruangah a sinah lâwmthu sim u.

SAM 119:68

Na ṭha hen vêl na nei a! Na thupêk tla hawng ka sîntir.

SAM 136:1

LALPA chu a ṭha hen a dâwtnâk chu zungzâl asi ruangah a sinah Lâwmthu sim u.

SAM 147:1

LALPA chu sawr u! Pathian sawr hen la sak hi a ṭha asi. Amah sawr chu a dik hen a nuam.

SAM 33:1

Nannih mirep zawzawng tla, LALPA thilti ruangah lâwm hen âu ule; nannih a ê-aw ngâitu tla, amah chu sawr u.

SAM 63:5

Ka nungnâk nih a chenh lai le, a khim lai; Na sinah lâwm tak hen sawrnâk la ka hawng sak lai.

MATHAI 19:17

Chun, anih nih chun, “Thil ṭha thu zeirang ah na ka deih? A ṭha mi chu pakhat cho a um; zeikhawm si sele, nungnâk ah lût na duh chun thupêk tla chu zâwt rawh,” a ti.