SAM 131:2 - Bawm Common Language Bible Version

² Chu ngâk hen chun, lungsi tak leh lungngam tak hen um ka duh dauh. Fa chu a nu ṭângka ah â ngauh mi hâwi hen ka thinlung nuam tak hen a um.

SAM 131:2 ပူးပေါင်းရင်းမြစ်များ

SAM 42:11

Zei rangah hi tluk rak hen ka ngaihsia? Zei rangah ka lawksawng? Pathian lakah ka lungumnâk ka siah lai le, ka ruangsuahtu leh ka Pathian chu ka sawr nawlh lai.

SAM 42:5

Zei ruangah hi tluk rak hen ka ngaih a sia? Zei ruangah hi tluk rak ka lawksawng? Pathian sinah ka lungumnâk ka siah lai le, ka ruangsuahtu leh ka Pathian chu veikhat ka sawr nawlh lai.

SAM 43:5

Zeirang hi tluk rak ka ngaih a sia? Zei rangah hi tluk rak ka lawksawng? Pathian sinah ka lungumnâk ka siah lai le, ka Pathian ka ruangsuahtu chu ka sawr nawlh lai.

SAM 62:1

Pathian nih ruang hawng ka suah ding hen, felfê tak hen ka ngâk le; amah sin cho ah ka ngauh.

ISAI 30:15

LALPA zahkâi, Israel Pathian thenhlimh nih, mi zapi tla sinah thu a sim le: “Hawng kîr ule, keimah lakah dâisip hen hawng a ngauh u. Chu tikah nan chak hen nan him lai,” a ti. Sikhawmsele, nan êl.

LUNGFÂKNÂK 3:26

Churuangah ruang hawng kan suah ding mi lakah felfê tak hen amah kan ngâk chun kan rangah a ṭha chem asi.

MARK 10:15

Thungâi tak hen ka nan simh na, âuzawng Pathian Ram chu ngâksiatê nih a lawmh mi hâwi hen lawmh lotu zawng chu a sungah an lût rîlmâl lai loh,” a ti.

LUK 21:19

Nan felfênâk nih nan nungnâk a hum lai.

1 KORIN 14:20

Unau le tla, thinlung leikâng ah ngâksia lah u. Sikhawmsele, sual leikâng lam chun fasêm si ule, thinlung leikâng lam chun upa si u.

1 SAMUEL 24:10

Nangmah ngelchel nih pûk ah na um liauah LALPA nih ka kut ah a nan pêk mi na muh asi. Ka mi tla nih nangmah thah ding hen an hawng ka fawrh le, sikhawmsele ka nan zângfah le, LALPA nih lalchem ah a nan ruat mi asi ruangah tâwmtê khawm nganfâk ka pêk awtlo ka ti.

1 SAMUEL 30:6

David chu thungâi a lawksawng, a mi le tla khawm an fa tla an thlâu ver na ruangah an lung a fâk thlo ruangah David rangah lung hen seh ding an awt; sikhawmsele LALPA a Pathian nih a râlṭhattir,