SAM 112:3 - Bawm Common Language Bible Version

³ A dâwngsung tla chu neih-le-siah hen an um lai, zeiliau zawng ah sul-le-lam tluang hen a um lai.

SAM 112:3 ပူးပေါင်းရင်းမြစ်များ

JOB LASUIBU 5:24

Na puanin sungah thlangam tak hen na um lai le, na dawrâ rual tla na zauh na tik khawm ah him ziar hen na muh na lai.

SAM 111:10

Finghnâk lampi chu LALPA ṭih hi asi; amah thupêk zûltu chu lâirêlnâk tluang a pêk na. Amah chu zungzâl sawr ding mi chu asi.

SAM 111:3

A ti mi zawzawng chu lalnâk leh zahkâinâk hep asi. A repnâk chu zungzâl asi.

SAM 112:9

Mi samphâng sinah tam tak a pêk na le, a vêlneihnâk chu a palh dahlo, thiltikho tak leh zahkâi tak hen a um lai.

SAM 34:10

Chakeibaknei chu a ei ding sam hen sungvâng hen a kal le, khawmsele LALPA ê-aw ngâitu tla nih chun thil ṭha zeikhawm an samphâng lo:

SAM 34:11

Ka hâwi rualnâu tla, hawng ule, ka thu ngâi u, LALPA ṭih ding dân kan sîntir na lai.

THUFING LASUIBU 15:6

Mirep nih an neih an kil le, sikhawmsele tik harsa a hawng tlung chun an neih an thlâu hep.

THUFING LASUIBU 21:20

Mifing chu nei tak leh nuam tak hen an um. Sikhawmsele mi mâwl tla nih chun an tawng zia zia hen an tangka an veih.

THUFING LASUIBU 3:16

Finghnâk nih sansâunâk a nan pêk le, neihnâk leh zahkâinâk khawm a nan pêk.

ISAI 32:17

Mikip nih thil dik an ti ruangah himnâk leh thlangamnâk a um kumza lai rawh.

ISAI 33:6

Phun tla sinah birhnâk a pêk lai. A mi tla chu a hum kumza na le, finghnâk leh theihnâk a pêk na. An ro rokual chem chu LALPA an zahnâk chu asi.

ISAI 51:8

Rulchawn nih puan a ei hep mi hâwi hen an vei dep lai! Sikhawmsele ruangsuahnâk ka hawng tlungtir ding mi chu zungzâl asi lai le, ka nehnâk chu zeiliau zawng a um kumza lai,” a ti.

MATHAI 6:33

Pathian Ram leh a repnâk chu hâwl masa dauh u, chuvachun chubang zawzawng chu a nan pêk sap na awt asi.

2 KORIN 6:10

ngaihsia hâwi hen, sikhawmsele lâwm kumza ṭung hen, mipâm hâwi hen, sikawmsele mi tam tak neitir ṭung hen; zeikhawm nei lo hâwi hen, sikhawmsele zeizawng nei ṭung hen.