SAM 11:4 - Bawm Common Language Bible Version

⁴ LALPA chu a Biakin thenhlimh ah a um le, a laltophah chu vânah a um. Munkip ah mi a vêng na le, an thilti tla a theih hep.

SAM 11:4 ပူးပေါင်းရင်းမြစ်များ

1 CHRONICLES 17:5

Israel mi tla Aigupta ram thawk hen ka suakpi na mi thawk hen tusûn ni tiang Biakin ah ka um lo rih; puanin ah ka um le, mun dang dangah ka ṭhial vima.

2 CHRONICLES 16:9

LALPA nih laikulh pumpi hi nâi tek hen a zauh le, amah lakah thinlung zumhkâi tak hen um mi tla sinah chaknâk a pêk na. Â tak hen thil na ti ruangah tu thawk hen na lakah râltuknâk a um kumza lai,” a ti.

JOB LASUIBU 24:23

Pathian nih him tak hen amah chu a vêng kho, zeiliau zawng ah a tlûnah a mit a rak kumza.

SAM 103:19

LALPA nih a laltophah chu vân ah a toh le, zeizawng tlûnah lalchem ah a um.

SAM 113:5

LALPA kan Pathian hâwi hi pakhat khawm an um lo, tlûnlei ving ah a um.

SAM 139:23

Pathian, hawng ka zauhfiang le, ka thinlung hi theih; hawng ka nik le, ka dawn mi tla hi theih rawh.

SAM 14:2

LALPA nih chun, vân thawk hen minung tla amah sawnhtu leh mifing an um rêng mawh ti hen a zauh na.

SAM 18:6

Ka lawksawngnâk ah LALPA ka auh le; hawng ka ṭangpi ding hen ka Pathian chu ka kawh. A biakin thawk hen ka hâu a theih; ṭangpi ding hen ka âu hâu a ngâi.

SAM 2:4

Vân ah a laltophah lakah mi LALPA chu a ni le, An thil ruat do-tla-lo chu zeikhawm a rêl lo.

SAM 33:13

LALPA nih vân thawk hen a bih le, minung tla zawzawng chu a muh na.

SAM 66:7

A thiltikhonâk hen zungzâl lâi a rêl le; phun tla chu a zauh kumza na. âukhawm a lakah an hel lo.

SAM 9:11

Zion ah lâirêltu LALPA chu sawr hen la sak u! A thilti tla chu phun kip sinah sim u!

THUFING LASUIBU 15:3

Mun kip ah thil a hawng um mi chu LALPA nih a muh le, thilsual ma kan ti thil ṭha ma kan ti, amah nih hawng kan zauh ko.

ISAI 66:1

LALPA nih, “Vân chu ka tophah asi, tual chu ka kê thângnâk asi. Chu hâwi asi chun ka umnâk ding hen zeitin mi in nan hawng ka sak piak hen mun nan hawng ka siam piak kho awt?

JEREMIA 17:10

Kei, LALPA nih, minung thinlung tla chu ka hâwl le, Ka nik rawh. An umdân leh an thilti zia hâwi vima hen ka ti na,” a ti.

JEREMIA 23:24

Ka muh kho lo ding hen âukhawm anna thup kho lo. Tual leh vân mun kip ah ka um ti nan theih lo ma?

MIKAH 1:2

Nannih phun zawzawng tla, hi hi theih u, tual tlûnah um mi zawzawng tla, hi hi ngâi u! LALPA Zahkâi nih a nan sâwi awt, a vân Biakin thawk hen thu a sim mi chu ngâi u!

HABAKUK 2:20

LALPA chu a Biakin thenhlimh ah um hen tual tlûnah mikip chu a mâika ah dâisip hen um na seh.

ZEKARIA 2:13

LALPA chu a mun thenhlimh thawk hen a hawng awt ruangah mikip a mâika ah dâisip hen um u.

MATHAI 23:21

Âuzawng Pathian Biakin min sim hen siatsirhtu vial nih chun Pathian Biakin leh a sungah luahtu min sim hen siat a sirh tâwn.

MATHAI 5:34

Kei lam nih chun ka nan simh na, siat rerêng tham lah u; vân min sim hen tham lah u, chu chu Pathian laltophah asi ruangah; tual min sim hen tham lah u, chu chu a kê thângnâk asi ruangah.

THILTI 7:49

‘Lalpa nih, Vân ka laltophah asi le, tual chu ka kê sirhsanh asi. In zei hâwi nan hawng ka sak piak lai? Ka rangah dinhnâk mun zeiah me?

2 THESALONIKA 2:4

anih nih chun Pathian an ti mi leh an sawnh mi zawzawng do hen, an tlûnah um ding tum hen thang a ṭhattir lai: chun Pathian Biakin ah to hen Pathian hâwi rê hen â phuang lai.

HEBRAI 4:13

Thilsiam Pathian mitmuh ah a lang lo mi rerêng a um loh. A thilsiam zawzawng chu a mitmuh ah langh leh pho hen a um. Kanmah ngelchel nih kan thilti zia kan phuang ngelchel ding mi chu amah sinah asi.

THUPHUANG 4:2

Chun, lâkkhat ko ah Thlarau hen ka hawng um sawm le, ngâinik, vân ah chun laltophah ah chun âumawh a to.