SAM 109:7 - Bawm Common Language Bible Version

⁷ Anih chu nik hen um sele, a deihnâk chu amah mawhnâk si seh.

SAM 109:7 ပူးပေါင်းရင်းမြစ်များ

THUFING LASUIBU 28:9

Dân zûltu na si lo chun, na thlachamnâk chu Pathian nih ngâi ding a duh lai lo.

THUFING LASUIBU 21:27

Misual nih thilsual an tinâk ah mi mang hen bâwlnâk an pêk mi chu LALPA nih a hua.

THUFING LASUIBU 15:8

Mi ṭha thlachamnâk ah LALPA â lâwm le, sikhawmsele misual tla nih bâwlnâk an hawng put mi chu a hua.

GALATIA 3:10

Dân thilti a um mi vial tla chu siatbarh hen an um ruangah, “Dân lasuibu ah thurîn zawzawng hâwi hen ti ding a um lotu zawzawng chu siatbarh hen um seh,!” ti hen Pathian lasui thu nih a sim ruangah.

ROM 3:19

Dân nih zeizawng a sim mi vial chu Dân thu thu hen um mi tla sinah a sim asi ti kan theih; kâ kip a chîp khonâk ding hen leh laikulh ah mi zawzawng Pathian lâirêl hen an um khonâk ding hen.

MATHAI 23:13

“Nannih Dân sîntirtu leh Farisai perpê tla, nan tlûn a pit! Vân Ram lampi chu midang tla nan khâr piak na tâwn. Nannih tâ nih nan lût lai lo, mi lût ding tla khawm nan siang fâwn lo.

ISAI 66:3

“Zapi tla chu anmah duhzia hen thil an ti. Bâwlnâk ah chaw thahtu mawh, minung thahtu mawh, bâwlnâk ah dawrâ fa thahtu mawh, ui ngâwng merhtu mawh; sangvut aptu mawh, vawk thî aptu mawh; rimthâw ap hen milem sinah thlachamtu chu anna bang hep. Fihnungkâi tak hen sawnh chu an duhzia asi.

ISAI 1:15

“Thlacham hen nan bân nan phar tik khawm ah ka nan zauh na ding asi lo. Zeizat tal thlacham khawm ule, nan kut chu thisen a buaih hep ruangah kan ngâi piak na ding asi lo.