SAM 100:2 - Bawm Common Language Bible Version

² LALPA chu lâwm hen sawnh ule; lâwmnâk la hen a mâika ah hawng u!

SAM 100:2 ပူးပေါင်းရင်းမြစ်များ

1 Lal 8:66

A ni riat ni ah chun Solomon nih mi zapi tla chu in leiah a tlungtir na rawh. LALPA nih a to-aw David leh Israel mi tla rangah mal a sâwm na ruangah Solomon rangah an ektê hen an sawr le, in leiah lâwm tak hen an tlung rawh.

2 CHRONICLES 29:30

Lal leh phun ruitu tla nih Levi tla chu Asap la phuah David nih a rîn mi sawrnâk la LALPA sinah sak ding hen an simh na. Churawhchun, mikip nih lâwm tak hen la an sak le, siksidîr hen Pathian an sawnh.

2 CHRONICLES 31:2

Hezekiah nih bâwlpu leh Levi tla chu anmah rianṭuan dân hâwi vima hen siamṭhat nawlhnâk a neihpi na. Chubang tla chu duahphung thil ap leh kawmhnâk thil ap, Biakin ah Pathian sawnhnâk rianṭuan, lâwmthu simnâk tla asi.

SAM 42:4

A lânah mi zapi tla hen Pathian in leiah kan kal liau tla, zapi lâwptlo tla la sak leh Pathian sawr hen an âu mi tla ka theih zâwn chun ka thinlung a fâk tâwn.

SAM 71:23

Na rangah ṭingṭang ka tum liau chun lâwm hen ka âu lai le; ruang na ka suah ruangah ka thinlung zawzawng hen la ka sak lai.

SAM 95:2

A mâika ah lâwmthusim hen kan kal lai le, lâwm hen a sawrnâk la kan sak lai.

DEUTERONOMY 12:12

Chunah LALPA umnâk ah chun nan fa tla, nan to-aw tla, nan khua lakah Levi um mi tla hen munkhat lâwm tak hen um ule; Levi tla nih anmah rang ê hen mun an nei lo ti theihkumza u.

DEUTERONOMY 16:11

Nan khua ah um mi tla numei, ngâkṭah, ramdang minung, Levi tla, nan fa leh to-aw tla hen, munkhat dut hen lâwm bû hen LALPA mâika ah um u. Hi hi sawnhnâk mun pakhat ah ti u.

DEUTERONOMY 16:14

Nan khua sungah um mi numei, ngâkṭah, ramdang mi, Levi, nan to-aw leh nan fa tla hen a lâwm u.

DEUTERONOMY 28:47

LALPA nih thil zeizawng ah mal an sâwm na le, sikhawmsele nannih lam nih chun thinlung lâwm bû leh lâwptlo bû hen a rian nan ṭuan lai lo.

PHILIPI 4:4

Lalpa ah chun a lâwm kumza u. Ka ti nawlh lai, a lâwm u.