SAM 10:5 - Bawm Common Language Bible Version

⁵ Misual chu thil zeizawng ah a dingchang. Pathian lâirêl a theihthiam kho lo; a mêlma tla a nihsanh.

SAM 10:5 ပူးပေါင်းရင်းမြစ်များ

ISAI 26:11

Na mêlma tla nih na rêp na awt mi an theih lo. LALPA ningzak saih na le, tuartir na rawh; rêpnâk na timhtuah mi chu tuartir na. Na minung tla na dâwt na zia muhtir na.

SAM 12:5

Sikhawmsele LALPA nih chun, “Ṭangpi ngâi tla nehsawh an si mi leh nehsawh si mi tla nganfâk tuar hen an rûm mi ruangah tuah ka hawng lai le, an duhzia hen himnâk ka pêk na lai,” a ti.

ROM 3:16

An kalnâk zawng ah veihnâk leh hamhnâk an mâk tâwn.

HOSEA 14:9

Hinah rîn mi tla hi fing tak hen theihthiam mi nih chun thinlung ah kil na seh. LALPA lampi tla chu a dik le, mirep tla nih chu chu an zûl le, an nung. Sikhawinsele misual tla nih an siarlo ruangah an bah le, an tlû.

HOSEA 9:9

Gibeah ah an um liau hâwitê hen an thilti lakah rinh an kâi lo. Pathian nih an sualnâk chu theih hen a rêp na lai.

ISAI 42:25

Churuangah a thinthawknâk theih ding hen hawng kan siam le, siatnâk râltuk hawng kan tuartir. Mei hâwi hen Israel pumpi chu a thinthawknâk nih hawng kan khangh le, sikhawmsele, zei a hawng tlung ti khawm kan theih lo nget rih; chu lakah zeikhawm kan rangah theihnâk kan nei lo.

ISAI 28:15

Thihnâk hen thutiamnâk siam hen nanna zûm le, laikulh thihnâk hen remnâk nan phanh rawh. Siatnâk a hawng tlung tikah zuah na ding hen nanna ruat, perpetnâk leh âwkrâwl thu lakah him ding nanna ngauh ruangah.

ISAI 10:1

Râwk leh siat hen na um rawh! Dân diklo tak hen nan siam le, ka mi tla nan nehsawh.

ISAI 5:12

Na puai lakah ṭingṭang leh khuang leh theikhang tum hen leh uain tla nan din. Sikhawmsele LALPA nih zei thil a ti na theih lo.

THUFING LASUIBU 24:1

Misual chu ngarh lah le, hâwikawmh khawm siam lah na.

THUFING LASUIBU 15:24

Mifing tla nih chun tlûnlei nungnâk lampi an zawh. Tanglei kângah thihnâk lei a zawh mi lampi ah an zawh lo.

THUFING LASUIBU 2:15

zumhkâilo mi leh rinhtlâklo mi minung tla lakah mi chu a nan vêng lai.

THUFING LASUIBU 2:13

sual mûi ah um mi hen repnâk umdân kaltâktu tla,

THUFING LASUIBU 1:19

Rawkmang tla nih rawkmang thu karo an sim le, chu hâwi titu tla tlûnah chun siatnâk a hawng tlung tâwn.

1 Lal 20:13

Chu karah chun khuavâng pakhat lalchem Ahab sinah a kal le, a sinah, “Kawrsen rokual tak chu ṭih lah na le, tusûn ni ah nehtu sinâk ka nan pêk awt, churawhchun kei hi LALPA kasi ti na hawng ka theih lai. LALPA nih a ti,” ti hen a simh.

2 SAMUEL 5:6

David leh a mi tla nih Jerusalem do ding hen kal ding ni a hawng tlung. Jebus mi chunah um mi tla nih chun David nih khuapi a lâk kho ding rêng an ruat lo. Churuang chun, “Hinah hin na hawng lût kho rêng lai loh, mikhêng leh mitchâw nih men an kham pang kho lai,” an ti.

LÂIRÊL 9:38

Churawhchun, Zebul nih a sinah, “Na hawlh tla kha tuah zeiah? Zei rangah Abimelek nâwl kan zulh lai titu pakhat chu nangmah na si. Hi bang tla hi na zauhnawmh na mi an si. Tuah suak le, va do na,” a ti.

LÂIRÊL 9:27

An ektê hen anmah grep dûm chiauah an va kal le, grep tla chu an kawih, uain hâng an siam le, kût an mang. An pathian sawnhnâk in ah an va kal le, chunah chun Abimelek rangah tluktlak leh dehchawh bû hen an din hen an ei.

GENESIS 6:12

Pathian nih laikulh chu a zauh le, sual ngâi hen a muh, mi zawzawng tla chu sual tak hen an um ruangah.

JOB LASUIBU 24:23

Pathian nih him tak hen amah chu a vêng kho, zeiliau zawng ah a tlûnah a mit a rak kumza.

SAM 73:3

misual tla sul-le-lam tluang ka muh hen anna zûm mi chu ka hua ruangah.