RUTH 4:6 - Bawm Common Language Bible Version

⁶ Chu pa nih chun a sâng le, “Chu hâwi asi chun phâisen chu ka châwk kho awtlo, ka fa tak nih anna ting kho awt lêm lo. Kei ngâk hen nangmah lehlam châwk ko,” a ti.

RUTH 4:6 ပူးပေါင်းရင်းမြစ်များ

GENESIS 38:8

Churawhchun, Juda nih Er unaupa Onan sinah, “Kal le, na unaupa nupi va ihpi; a pasal unaupa na si ruangah na ti ding mi chu va lim rawh, churawhchun na unaupa nih thlâk tla a nei khonâk ding hen,” a ti.

LEVITICUS 25:25

Israel mi lakah mi a pâm hen mun zuar ngelchel ding a suak chun a rualsia amah naih chemtu nih a tlanh piak ding asi.

DEUTERONOMY 25:7

Sikhawmsele, a thi mi unaupa nih a umpi duh lo asi chun, khua lakah ruitu tla sinah a va kal lai le, ‘Ka pasal unaupa nih a thilti ding a ti duh lo; a unaupa rangah Israel lakah thlâk siam piak ding a êl,’ a va ti ding asi.

DEUTERONOMY 25:8

Churawhchun, khua mi lâirêltu tla nih an kawh lai le, thu an simh lai. Chu nûn khawm ah umpi ding a êl nget asi chun,

DEUTERONOMY 25:9

a unaupa nupi chu khua mi ruitu mâika ah a sinah a va kal lai le, a pheikawk pakhat a lît piak lai le, a mêl ah chil a sah lai le, ‘Hi minung hi a unaupa rangah chi thlah ding duhlotu asi,’ a ti lai.

RUTH 2:20

“LALPA nih Boaz chu malsâwm seh,” a ti. “A thi mi leh a dam mi sinah LALPA nih a thutiam chu theihkumza seh,” a ti. Thu a sim vima, “Kanmah hawng kan kilkâwitu lakah mi unau asi ma chu a!” a ti.

RUTH 3:13

Tuzân zân khat hinah um rih le, thâizîng ah a ti ding mi chu a ti lai mawh tilo kan zauhnik lai. Chu hâwi asi chun a ṭha hen a dik asi, asi lo lam chun Pathian nung min sâl hen mawhphurhnâk chu ka ting lai ti ka tiam asi. Tuah hinah khuadei tiang hen it ko,” a ti.

RUTH 3:9

“Âu me na si le?” ti hen a deih. “Ruth kasi, pu” ti hen a sâng. “Nang chu keimah taksa tlâi na si ruangah keimah zauhkhenhtu ding na si, zângfàhtê hen hawng ka umpi rau rawh,” a ti.