RUTH 4:4 - Bawm Common Language Bible Version

⁴ chu thu chu nangmah lakah â ngauh hen ka ruat, tuah na duh mi asi chun hinah to mi tla mâika ah châwk rawh, na duh lo khawmsele ka duh lo ti hen sim le, sikhawmsele ting sanghtu chu a masa hen nang na si, na duh lo asi chun kei kasi lai,” a ti. Chu pa nih chun, “Ka châwk lai ta a!” a ti.

RUTH 4:4 ပူးပေါင်းရင်းမြစ်များ

GENESIS 23:11

“Pu, ngâinik, a pûk hen, a lo hen, a ektê hen kan pêk lai. Hi ka mi tla mâika ah hin kan pêk lai; na nupi chu na vûi khonâk ding hen,” ti hen a sâng.

GENESIS 23:18

Hit mi tla tohâwngnâk ah um mi zawzawng nih Abraham tâ asi ti an theihpi rawh.

JEREMIA 32:25

Sikhawmsele, LALPA zahkâi, nang chu theihpitu tla mâika ah phâisen châwk ding hen thu hawng ka pêktu na si, sikhawmsele khuapi chu Babulon mi tla nih lâk ding hen a um rawh,” a ti.

ROM 12:17

Âu sual khawm sual hen rulh lah u. Mi zawzawng ngaih hen thil dawh ruatkan u.

2 KORIN 8:21

Lalpa ngaihnâk cho ah silo hen minung ngaihnâk khawm ah thil dawh kan ruatkan tâwn asi.

DEUTERONOMY 25:8

Churawhchun, khua mi lâirêltu tla nih an kawh lai le, thu an simh lai. Chu nûn khawm ah umpi ding a êl nget asi chun,

PHILIPI 4:8

A dawnghchem ah chun, unau le tla, a dik mi zawng, zah a kâi mi zawng, â rep mi zawng, a thenhlimh mi zawng, duh a kâi mi zawng, a thang dawh mi zawng, ṭhatnâk rerêng a um hen sawr tlâk rêng a um chun chubang chu dawnruat u.

RUTH 2:20

“LALPA nih Boaz chu malsâwm seh,” a ti. “A thi mi leh a dam mi sinah LALPA nih a thutiam chu theihkumza seh,” a ti. Thu a sim vima, “Kanmah hawng kan kilkâwitu lakah mi unau asi ma chu a!” a ti.

RUTH 3:12

Taksa tlâi na ti mi khawm a dik asi, nangmah zauhkhenhtu ding khawm kasi rêng asi. Sikhawmsele, minung pakhat keimah ngâk hen taksa tlâi nanna naih dauh mi a um.

RUTH 3:9

“Âu me na si le?” ti hen a deih. “Ruth kasi, pu” ti hen a sâng. “Nang chu keimah taksa tlâi na si ruangah keimah zauhkhenhtu ding na si, zângfàhtê hen hawng ka umpi rau rawh,” a ti.