RUTH 4:11 - Bawm Common Language Bible Version

¹¹ Chubang ruitu tla leh midang tla nih chun, “Theihpitu kan si, na nupi chu Rakel leh Leah nih Jakob rangah fa tam tak an ring piak mi hâwi hen LALPA nih siam seh, nang khawm Ephrath chi lakah Bethlehem khua ah chun minei si hen na min thang seh.

RUTH 4:11 ပူးပေါင်းရင်းမြစ်များ

GENESIS 23:10

Chu khuapi kulh kawtkâ ah chun Ephron khawm chu Hit mi tla hen tohâwngnâk mun ah a to ko; chunah an um mi zawzawng tla nâ theih hen chun a hawng sâng le,

GENESIS 24:60

Hi hâwi hen Rebek chu mal an sâwm: Ka farnu, nang hi, nuai tam tak nu hawng si rawh; na thlâk tla nih an mêlma tla khuapi chu neh na seh!” ti hen!

GENESIS 29:16

Laban nih fanu panih a nei le, a upa dauh mi min chu Leah asi, a ngâksia dauh mi chu Rakel asi.

GENESIS 29:25

A thâizîng khua a dei lânlo chu Jakob nih Leah asi ti a theih lo thlo. Laban sinah a va kal le, “Zei rangah hi hâwi hen na ka ti zia? Rakel tawng ding hen rian ka ṭuan mi lakah zei rangah na ka perpet?” a ti.

GENESIS 29:32

Leah chu a râi le, fapa a ring le, “LALPA nih chun ka lawksawng zia a muh, tu chun ka pasal nih hawng ka dâwt dauh lai rawh,” a ti le; churuang chun a min ah Reuben a sak.

GENESIS 35:23

Leah fa tla chu, Reuben, (Jakob fapa upachem), Simeon, Levi, Juda, Isakar, leh Jebulun.

GENESIS 35:24

Rakel fa tla chu Josef leh Benjamin.

1 Lal 21:8

Jezebel nih lasuikuat a rîn le, Ahab min a deh le, Jezreel khua mi ruitu leh lal rianṭuantu tla sinah a kuat na.

1 CHRONICLES 2:51

A fapa panihnâk Salma nih Bethlehem khua a tuah, a fapa pathumnâk Harep nih Bethgader khua a tuah.

SAM 132:6

Bethlehem ah Thudântuk Bâwm umnâk thu kan theih le, chun, Jearim phâi ah kan tawng.

THUFING LASUIBU 14:1

In tla chu nunau tla finghnâk hen sak asi. Sikhawmsele âtnâk nih a râwk.

THUFING LASUIBU 31:23

A pasal khawm khua lakah ruitu tla hen anna mêltheih.

JEREMIA 32:10

Ka min chu ka rîn le, ka singsiah le, theihpitu tla kan siam le, tangka chu khinghnâk hen kan khingh rawh.

MIKAH 5:2

LALPA nih, “Bethlehem, Eprathah, Juda ram khuapi ah a mêchem mi na si, sikhawmsele nangmah thawk hen Israel tla lâirêltu ding a lânah mi a dâwngsung hâwitê si nawlh ding mi ka hawng suaktir awt!

MATHAI 2:6

‘Nang, Bethlehem, Juda ram ah mi, Juda khuapi lakah na mê chem rîlmâl lo! Na sung thawk hen lâirêltu a hawng suak awt ruangah, ka mi Israel tla vêngtu ding chu, ti hi,’ ” an ti.

DEUTERONOMY 25:7

Sikhawmsele, a thi mi unaupa nih a umpi duh lo asi chun, khua lakah ruitu tla sinah a va kal lai le, ‘Ka pasal unaupa nih a thilti ding a ti duh lo; a unaupa rangah Israel lakah thlâk siam piak ding a êl,’ a va ti ding asi.

DEUTERONOMY 25:9

a unaupa nupi chu khua mi ruitu mâika ah a sinah a va kal lai le, a pheikawk pakhat a lît piak lai le, a mêl ah chil a sah lai le, ‘Hi minung hi a unaupa rangah chi thlah ding duhlotu asi,’ a ti lai.