RUTH 4:10 - Bawm Common Language Bible Version

¹⁰ Chu lâwng khawm silo hen, Ruth, Moab nunau, Mahlon nupi khawm chu ka nupi asi rawh. Hi nih a thi mi pa dâwngsung thil-le-rî chu a kilkâwi lai le, a dâwngsung thlâk tla chu a khua lakah a mi le tla sinah a um vima lai; chubang lakah chun tusûn ah theihpitu nan si,” a ti.

RUTH 4:10 ပူးပေါင်းရင်းမြစ်များ

GENESIS 29:27

Hi umhnâk dinhni kar khat hi lîm ding ngâk rih. Kum sarih dang ka rian na ka ṭuan piak asi chun Rakel khawm kan pêk lai,” a ti.

GENESIS 38:9

Sikhawmsele, Onan nih chun fa nei khawmsele kei fa ding asi lêm lo a ti le, a ihpi kip ah anna pâwl mi thisen chu lênglei ah a zut tir vima, a unaupa rangah chi a thlâk kho lonâk ding hen.

SAM 109:15

An sualnâk chu LALPA nih theihkumza seh, sikhawmsele philh dep hen um na seh!

SAM 34:16

Khawmsele, thilsual titu tla chu a do na le, an thi tikah philh sawm an si kho ding hen.

THUFING LASUIBU 18:22

Nupi na tawng mi chu thil ṭha na tawng mi asi le, LALPA chu na lakah a ṭha asi ti a lang.

THUFING LASUIBU 19:14

Mi nih a nu leh a pa in leh neih-leh-siah chu a thâwn kho. Sikhawmsele LALPA cho nih nupi fing a pêk kho.

ISAI 48:19

Nan thlâk tla chu sep zat hen an tam lai le, vei lo rawh ding mi an si ti ka theihtir na lai,” a ti.

HOSEA 12:12

Hawng kan thlâktu Jakob chu Mesopotamia ram ah nupi nei ding hen a tek le, midang rangah rianṭuan hen dawrâ a zauhkhenh piak.

HOSEA 3:2

Churawhchun, amah châwknâk ding ah tangka leinga leh sangvut kilogramme zâ leh sâwmnga ka pêk.

ZEKARIA 13:2

Chu tikah chun ram lakah milem min chu ka veih ving lai le, âukhawm nih an theih lai lo rawh. Khuavâng kasi titu zawzawng chu ka thliar lai le, milem sawnh duhnâk khawm ka veih ving lai.

MALAKI 2:14

Zei rangah me a pawm lo nan ti, nan no liauah nanna umhnâk lakah thutiam nan buar mi a theih ruangah asi. Na nupi chu thutiam nan neipi mi asi le, Pathian mâika ah zumhkâi tak a um ding hen thu nan tiam mi chu nan buar.

EPHESI 5:25

Pasal tla, nan nupi tla zângfah na u, Krist nih kawhmi tla a zângfah le, an ruangrûl ah amah â pêk hâwi hen khan,

DEUTERONOMY 25:6

Fapa an nei masa chem mi chu a thi mi pa fapa ah ngaih ding asi, a dâwngsungkhur a chi-le-kuang chu Israel lakah a um vima khonâk ding hen.

HEBRAI 13:4

Mi zawzawng lakah umhnâk hi chawnglawmh hen um seh, nupi pasal khawm zumhkâi tawnh hen um seh. Hur leh ṭângdang pawmtu tla chu Pathian nih lâi a rêl lai.

JOSUA 7:9

Kanaan mi leh ram lakah mi tla nih hi thu hi an theih lai le, hawng kan kulh lai le, hawng kan thah hep ding ko rawh. Chu hâwi asi chun zah na kâinâk hi zeitin na hum kho zia lai ne?” a ti.

RUTH 4:9

Boaz nih chun ruitu leh midang sinah, “Tusûn ni ah Naomi thawk hen Elimelek tâ leh a fa tla Chilion leh Mahlon thil-le-rî ka châwk mi thu ah hin theihpitu nan si.