RUTH 4:1 - Bawm Common Language Bible Version

¹ Boaz chu kulh kawtkâ topumhnâk ah a va kal le, chunah chun a va to bâk. Churawhchun, Elimelek taksa tlâi naih chemtu Boaz nih a sim mi khawm chu a va kal bâk le, Boaz nih a sinah a kawh, “Kâwipa, hawng le, to bâk,” a ti. Churawhchun, a va kal le, a to bâk.

RUTH 4:1 ပူးပေါင်းရင်းမြစ်များ

GENESIS 19:1

Vânmifial panih Sodom khua ah zânleibâi ah an va kal liauah, Lot chu khuapi kulh kawtkâ ah a to ko. A muh na kâ hen a thawk le, anmah tawng ding hen an sinah a va kal, an mâika ah a kûn le,

GENESIS 23:10

Chu khuapi kulh kawtkâ ah chun Ephron khawm chu Hit mi tla hen tohâwngnâk mun ah a to ko; chunah an um mi zawzawng tla nâ theih hen chun a hawng sâng le,

GENESIS 34:20

Hamor leh a fapa Sekem chu an khua kulh kawtkâ tohâwngnâk mun ah an va kal le, an khua mi tla sinah an va sim:

2 SAMUEL 15:2

Churawhchun, Absalom chu zîngtê a thawk le, kulh kawtkâ lampi ah a va dîr. Lalchem sinah thunawk remh ding hen hawngtu zawng chu a kawh na le, zei thawk hen mi me an si a deih na tâwn. Mi tla nih zei phun an si ti leh an hawng nâk an simh rawh chun,

2 CHRONICLES 18:9

Lalchem panih chu an lal thuam hen anna thuam le, Samaria khua kulh lênglei fâng chîlnâk munah an laltophah tlûnah an to le, khuavâng zawzawng nih an mâika ah thu an sim.

JOB LASUIBU 29:7

Khuapi upa hen kanna tawng zâwn ah, an sinah ka to bâk le,

JOB LASUIBU 31:21

Mi ngâkṭah rangah, lâirêlnâk ah thu hen neh kho asi ti ka theih ruangah ka perpet chun,

SAM 69:12

Khualâi tlâng ah keimah thu karo an sim, Zurî mi tla nih la hen an ka suangkhâng.

THUFING LASUIBU 31:23

A pasal khawm khua lakah ruitu tla hen anna mêltheih.

ISAI 55:1

LALPA nih, “A tîhâl mi zawng hawng u- hinah tî a um! Tangka nei lo mi tla hawng ule, Fâng châwk ule ei u! Hawng u! Nûk leh uain tla châwk u- Zeikhawm nan hêu lai lo!

JEREMIA 32:10

Ka min chu ka rîn le, ka singsiah le, theihpitu tla kan siam le, tangka chu khinghnâk hen kan khingh rawh.

AMOS 5:15

Sual chu hua le, thil dik chu duh le, lâirêlnâk ah chun diknâk hi dingchangnâk asi ti theih rawh. Hi phun thibang um rih mi tla sinah hin LALPA nih khua a ruat lai dahmawh.

ZEKARIA 2:6

LALPA nih a mi tla sinah, “Munkip ah ka nan rektir na le, sikhawmsele tu chun nannih sal ah tâng mi tla, Babulon ram ah mi suak ule, Jerusalem leiah kîr rawh u.

DEUTERONOMY 16:18

“LALPA nan Pathian nih a nan pêk na mi khua kip ah lâirêltu leh rianṭuantu ruat na u. Chubang tla nih zapi tla chu thliar dangnâk nei lo hen lâi an rêl ding asi.

DEUTERONOMY 17:5

chu minung chu khua lênglei ah suah ule, lung hen thi thlo seh u.

DEUTERONOMY 21:19

a nu leh pa nih a umnâk khua mi ruitu tla mâika ah kalpi na sele, lâirêlnâk ah dîrtir seh.

DEUTERONOMY 25:7

Sikhawmsele, a thi mi unaupa nih a umpi duh lo asi chun, khua lakah ruitu tla sinah a va kal lai le, ‘Ka pasal unaupa nih a thilti ding a ti duh lo; a unaupa rangah Israel lakah thlâk siam piak ding a êl,’ a va ti ding asi.

JOSUA 20:4

Chu khua tla lakah zei mi khua tal ah a tek kho lai le, khuapi tual zâwllâi lâirêlnâk mun ah a va kal lai le, ruitu tla sinah thil a hawng umdân tla chu a va sim fiang lai. Churawhchun, annih nih khuapi sungah umnâk ding mun an pêk lai le, chunah chun a um kho lai.

RUTH 3:12

Taksa tlâi na ti mi khawm a dik asi, nangmah zauhkhenhtu ding khawm kasi rêng asi. Sikhawmsele, minung pakhat keimah ngâk hen taksa tlâi nanna naih dauh mi a um.

RUTH 3:18

Naomi nih a sinah, “Tuah hi thu hi a hawng fiang lânlo chu ngâi ziar ko. Boaz nih hi thu hi tusûn ah thlûk lo hen a um rêng lai lo,” a ti.