RUTH 3:13 - Bawm Common Language Bible Version

¹³ Tuzân zân khat hinah um rih le, thâizîng ah a ti ding mi chu a ti lai mawh tilo kan zauhnik lai. Chu hâwi asi chun a ṭha hen a dik asi, asi lo lam chun Pathian nung min sâl hen mawhphurhnâk chu ka ting lai ti ka tiam asi. Tuah hinah khuadei tiang hen it ko,” a ti.

RUTH 3:13 ပူးပေါင်းရင်းမြစ်များ

JEREMIA 12:16

An thinlung zawzawng hen ka mi tla phung an pawm awt hen ‘LALPA a nung kar vial chu’ ti hen thu anna tiam chun Baal sinah thutiam ding hen ka mi tla veikhat an sîntir na hâwi hen ka mi tla lakah mi an si bâk lai le, an sul-le-lam a tluang lai.

JEREMIA 4:2

ka min hen thutiam nan rangah a dik lai. Chu tikah phun zawzawng tla nih anmah malsâwm na ding hen an ka deih lai le, an ka sawr lai,” a ti.

2 KORIN 1:23

Sikhawmsele, ka thlarau lakah theihtu rangah Pathian ka kawh asi, nanmah tla a nan zuah na ding hen asi Korin khua ah ka hawng kal lo mi kha.

HEBRAI 6:16

Minung nih siat anna sirh chun anmah ngâk hen rokual dauh mi sâl hen siat anna sirh tâwn asi; anna êlnâk kip khawm ah birhtirnâk ding hen siatsirh hi thu dawnghnâk asi tâwn.

LÂIRÊL 8:19

Gideon nih, “Ka unau tla, ka nu fapa tla an si. Thah na lah ule chu, an thah na lo ding hen siat ka tleih mi,” a ti.

RUTH 2:20

“LALPA nih Boaz chu malsâwm seh,” a ti. “A thi mi leh a dam mi sinah LALPA nih a thutiam chu theihkumza seh,” a ti. Thu a sim vima, “Kanmah hawng kan kilkâwitu lakah mi unau asi ma chu a!” a ti.

RUTH 3:12

Taksa tlâi na ti mi khawm a dik asi, nangmah zauhkhenhtu ding khawm kasi rêng asi. Sikhawmsele, minung pakhat keimah ngâk hen taksa tlâi nanna naih dauh mi a um.

RUTH 4:5

Boaz nih, “A ṭha ma chu, Naomi sinah mi phâisen na châwk asi chun, Moab numeinu Ruth khawm na châwk sih ding asi. Chu tikah phâisen chu a thi mi pa dâwngsung tâ asi vima ko lai,” a ti.

RUTH 4:6

Chu pa nih chun a sâng le, “Chu hâwi asi chun phâisen chu ka châwk kho awtlo, ka fa tak nih anna ting kho awt lêm lo. Kei ngâk hen nangmah lehlam châwk ko,” a ti.