RUTH 2:3 - Bawm Common Language Bible Version

³ Churawhchun, Ruth chu phâisen ah a va kal le, rianṭuantu tla dunglei ah a va kal le, fâng an mâk mi chu a sar vima le, chu phâisen a umnâk chu Boaz tâ asi.

RUTH 2:3 ပူးပေါင်းရင်းမြစ်များ

2 SAMUEL 1:6

Anih nih a sâng le, “Gilboa tlângah ka va um liauah Saul chu a fei lakah dirh kalh hen a um mi ka muh le, a mêlma kari leh rang tla khawm nih an hawng naih khet rawh.

2 SAMUEL 20:1

Gilgal ah mi dukdaklo a min Sheba, Bikri fapa, Benjamin phun lakah mi a um. Chu nih tâwtâwrâwt a tum le, “David rangah nawmh hen! David rangah zûl ding asi lo, ‘Israel mi tla, mah in lei chiauah kal hep ding’ ” ti hen.

2 Lal 8:5

Gehazi nih Lalchem rangah Elisa nih ngâksia a thi rawh mi a nunh mi thu a ruah liau chirah chu nunau khawm nih a thil duh a hawng deih bâk. Gehazi nih lalchem sinah, “Bâwipa, hi nunau leh a fapa mahi a, Elisa nih a nunh piak nawlh mi chu a!” a ti.

MATHAI 10:29

Phâisen phittê panih Assarion khat hen an zuar tâwn lo mazei? Sikhawmsele, an lakah pakhat khawm nan Pa thu lo hen tual ah a tlâ lai lo.

LUK 10:31

Chun, bâwlpu âumawh chu lampi ah chun a va kal kher le, a muh kâ hen khat leikâng hen a rial ving.

2 THESALONIKA 3:12

Chun, chubang tla chu dâisip a ṭuan ding leh anmah tla sang ei ding hen Lalpa Jisu Krist ah thu pêk hen kan fawrh asi.

RUTH 2:2

Ni khat chu Ruth nih Naomi sinah, “Fângât ding hen phâisen ah hawng ka kaltir, an sinah rianṭuannâk tawng kho ding ka lungum,” a ti. Naomi nih a sâng le, “Ka fanu, hâwi lânah va kal rawh,” a ti.

RUTH 2:4

A nehnûnah chun Boaz khawm chu Bethlehem thawk hen a hawng le, rianṭuantu tla chu chibai a bûk na, “LALPA nan sinah um seh,” a ti na. Annih nih an sâng le, “LALPA nih mal an sâwm seh,” an ti.