RUTH 2:13 - Bawm Common Language Bible Version

¹³ Ruth nih a sâng le, “Pu, ka tlûnah thungâi vêl na nei. Na aw nêm tak hen na hawng ka sawnh mi nih ka thinlung a damtir thlo, kei chu na to-aw pakhat khawm ka tluk mi a um lo,” a ti.

RUTH 2:13 ပူးပေါင်းရင်းမြစ်များ

GENESIS 32:6

Chun, mifial tla chu Jakob sinah an hawng kîr le, “Na unaupa Esau chu nangmah hen a tawng ding hen a hawng a thawh ving rawh, minung zali ding an si,” an ti.

GENESIS 33:10

Jakob nih, “Silo, zângfahtê hen na thinlung ka tawng tak mi asi chun ka thilpêk hi lâk rawh,” a ti. Na mêl muh hi Pathian mêl muh tluk hen ka ruat, tuah hi tluk hen ka lakah na ṭha.

GENESIS 33:15

Esau nih, “Takhan chun, ka minung zeimaw zat chu ka nan mâk piak na lai ne,” a ti. Sikhawmsele, Jakob nih a sâng le, “Zeirang khawm a herh loh, na thinlung tawng cho ka duh,” a ti.

GENESIS 33:8

Esau nih, “Zapi minung ka tawng na mi kha zeitin mi? Kha zei zia?” a ti. Jakob nih a sâng le, “Na thinlung ka tawng khonâk ding ka ti le ma kha a,” a ti.

GENESIS 34:3

Churawhchun, chu nunau chu thungâi a mêldî le, a nunau nih duh ding ko hen â ṭang.

GENESIS 43:14

Zeizawng tikho Pathian nih lâirêltu dâwt hen an umtir na seh, chu tikah Benjamin leh nan unau dang khawm nan sinah hawng kîr bâk ding hen. Kei lam nih chun ka fa le thlâu ding asi chun ka thlâu ko lai ma chu,” a ti.

2 SAMUEL 16:4

Lalchem nih Ziba sinah, “Mephiboset thilneih zawzawng chu na tâ asi,” a ti. Ziba nih, “Na to-aw kasi, na duhzia ka ti vima lai,” a ti.

THUFING LASUIBU 15:33

LALPA zah chu thiamnâk asi. Mi chawnglawmh hen na um lânah nâu tak hen na um ding asi.

HOSEA 2:16

Churawhchun, ka pasal hawng ka ti nawlh lai rawh le, a Baal hâwi hen hawng ka ruat lai lo rawh.

PHILIPI 2:3

Zuamchawh leh sung-û tirnâk ruangah zeikhawm ti lo hen, mikip nih nâu tak hen mah ngâk a midang ṭha dauh ah ruat chiau seh.

LÂIRÊL 19:3

Churawhchun, a pasal nih kîrpi nawlh ding hen a dunglei ah ṭhâwl a tum. A to-aw leh a sanatung panih a put na. A nupisûn nih Levi chu insung a zauhtir le, a pu nih a muh rawh chun a lawmh thlo.

RUTH 2:12

Na thilti ruangah LALPA nih lâwmman a nan pêk seh, a nan humtu siding hen Israel LALPA Pathian na hawng fûk mi nih lâwmman tling tak a nan pêk seh,” a ti.

RUTH 2:14

Buh ei hun rawh chun Boaz nih Ruth sinah, “Hawng le, sang hawng ei bâk, uain thar ah nîm bâk,” ati. Churawhchun, rianṭuantu tla sinah a to bâk le, Boaz nih sang em mi a pêk bâk, khim tak hen a ei le, a eibang a lei ngengê.

1 SAMUEL 1:18

Hanah nih a sâng le, “Zângfahtê hen ka tlûnah vêlnei kumza rawh,” a ti. Churawhchun, a kal le, buh tâwm a ei le, a lawksawng a reh rawh.

1 SAMUEL 25:41

Abigail chu tual ah a kûn le, “Kei a to-awnu kasi, to-aw kê tla ṭâwl ding ka tîm kumza,” a ti.