RUTH 2:12 - Bawm Common Language Bible Version

¹² Na thilti ruangah LALPA nih lâwmman a nan pêk seh, a nan humtu siding hen Israel LALPA Pathian na hawng fûk mi nih lâwmman tling tak a nan pêk seh,” a ti.

RUTH 2:12 ပူးပေါင်းရင်းမြစ်များ

SAM 17:8

Na mit hen na duhzia hâwi hen hawng ka vêng le,

SAM 19:11

Na to-aw rangah theihthiamnâk na ka pêk le; ka zûl ruangah lâwmman pêk hen ka um.

SAM 36:7

Pathian, na dâwtnâk dawnglo chu a sung a! Na thla dâidul tangah himnâk kan tawng.

SAM 57:1

Pathian, na ka hum ding hen na sinah ka hawng, ka lakah khuaruat rawh; thlipi fâk tak râng lîm lânlo chu na thla dâidul tangah himnâk ka hâwl.

SAM 58:11

Mi leh tla nih chun, “Mirep tla chu lâwmman pêk an si tak rawh, laikulh lâirêltu Pathian chu a um tatak ngâk,” an ti lai.

SAM 61:4

Ka dam sung zawzawng na mun thenhlimh ah hawng ka umtir le; na thla tangah himnâk hawng ka tawngtir.

SAM 63:7

Hawng ka ṭangpitu na si kumza ruangah, na thla dâidul tangah lâwm hen la ka sak.

SAM 91:4

A thlâ hen a nan tuam lai le; amah vêngnâk ah chun him tak hen na um lai; zumh a kâinâk hen an vêng hen an zauhkhenh lai.

THUFING LASUIBU 11:18

Misual tla nih chun zeikhawm an lawh lo le, sikhawmsele thil dik na ti chun lâwmman na ting ngelchel lai.

THUFING LASUIBU 23:18

Chu hâwi asi chun na mâilei rangah chêu na nei mi asi lai.

JEREMIA 31:16

Na ṭap mi bâng le, na mitthli nâwt. Nan fa tla rangah thil nan ti mi zawng tla chu lâwmman pêk lo hen a um lai lo le, mêlma ram a mi an hawng kîr nawlh lai.

MATHAI 23:37

“Aw Jerusalem, Jerusalem! Khuavâng tla thahtu, na sinah an hawng fial mi tla lung hen thi thlo hen sehtu! Ârpinu nih a fa tla a thla tangah a khurh na hâwi hen na fa tla vei zei zat me khurh ka tum mi kha! Sikhawmsele, na duh lo.

MATHAI 5:12

Lâwm ule, lâwptlo hen um u; vân ah nan lâwmman a tam ruangah. Chu hâwi ber hen nanmah lânah khuavâng um tla khawm an nehsawh na tâwn.

MATHAI 6:1

“Nan thil ṭha ti tla mi muh ding ah, minûng mitmuh ah tilo ding hen a thiamthih u; chu lo chun nan Pa vân a mi sinah lâwmman nan nei lai loh.

LUK 6:35

Sikhawmsele, nan mêlma tla dâwt ule, an ṭhatnâk ding ti ule, pûktir u, lungdawng lo thlo hen, chun nan lâwmman a rokual lai, Chungnung chem fa tla nan si lai. Anih nih chun lâwm ding theih lo minung tla leh misual tla a dâwt tâwn.

KOLOSA 2:18

Âukhawm mah duh thu ko a dawnhkhonâk leh vânmifial sawnhnâk mang hen nan lâwmman chu a nan suh lah na seh, an thil muh tla lakah chun um kumza hen, an taksa lei thinlung ruangah a zûm salam hen, Lû chu tleih thlir ṭung lo hen an um.

2 TIMOTHE 1:18

chu Ni ah chun Lalpa sinah mi khuaruatnâk tawng ding hen Lalpa nih chun anih chu ruat seh! Ephesi khua ah ka rangah rian a ṭuan fâk zia na theih ual asi.

2 TIMOTHE 4:8

tuah lam chun repnâk lallukhuh chu ka rangah siah hen a um rawh; chu chu Lalpa lâirêltu rep tak nih chun chu ni ah a hawng ka pêk lai. Ka sinah cho silo hen, a langhnâk awrhtu kip tla sinah khawm.

HEBRAI 11:26

Mesia ruangah tuarnâk chu Aigupta ram rothil tla ngâk hen sum rokual dauh ah a ruat le, mâilei ah lâwmman pêk ding mi chu a chuanh ruangah.

HEBRAI 11:6

Sikhawmsele, lungnâk lo hen âukhawm nih Pathian lawmhtir kho asi loh. Pathian sinah a hawng kal mi nih chun Pathian chu a um ti leh amah hâwltu tla sinah lâwmman pêk mang asi ti lung ding asi.

HEBRAI 6:10

Tu ah nan ti liau hâwi hen, Kristian unau tla sinah Pathian min hen dâwtnâk ruangah nan ti mi leh nan ṭangpi na nâk tla chu philh ding hen Pathian chu mi replo asi loh.

RUTH 1:16

Ruth nih a sâng le, “An kaltâk ding hen hawng ka fawrh nget lah, nangmah sinah lam hawng ka kaltir ko. Na kalnâk zawng ah ka kal awt, na umnâk zawng ah ka um awt, na mi tla chu ka mi tla an si lai, na Pathian chu ka Pathian asi lai.

RUTH 2:11

Boaz nih a sâng le, “Na pasal a thihnâk thawk hen na ninu tlûnah thil na ti dân ka theih. Na pa leh na nu, na ram mâk hen na theih dahlo mi minung tla sinah na hawng mi khawm ka theih.

RUTH 2:13

Ruth nih a sâng le, “Pu, ka tlûnah thungâi vêl na nei. Na aw nêm tak hen na hawng ka sawnh mi nih ka thinlung a damtir thlo, kei chu na to-aw pakhat khawm ka tluk mi a um lo,” a ti.

RUTH 4:15

Na monu nih a nan dâwt le, fapa pasarih thilti ngâk a fâk hen thil a nan ti piak rawh. Tuah tupa a nan pêk le, anih nih nungnâk thar a nan pêk lai le, na tar leikângah thlangamnâk a nan pêk lai,” an ti.

1 SAMUEL 24:19

Mi nih a mêlma tleih hen âunih nganfâk pêk lo hen suahtu a um lai? Tusûn ni ah na thilti ruangah hin LALPA nih mal a nan sâwm seh.

1 SAMUEL 24:20

Tuah nang chu Israel lalchem na hawng si ngelchel awt, nangmah lâirêl hen lalram chu a um vima lai ti ka ruat.