RUTH 2:11 - Bawm Common Language Bible Version

¹¹ Boaz nih a sâng le, “Na pasal a thihnâk thawk hen na ninu tlûnah thil na ti dân ka theih. Na pa leh na nu, na ram mâk hen na theih dahlo mi minung tla sinah na hawng mi khawm ka theih.

RUTH 2:11 ပူးပေါင်းရင်းမြစ်များ

2 SAMUEL 21:11

David nih chu hâwi hen Rizpah nih a ti mi a theih rawh chun,

SAM 45:10

Lal nupi, ka sim mi chu ngâi rawh, na mi leh na unau tla chu philh na.

LUK 14:33

Chu hâwi ber hen, nan lakah hin âuzawng a neih zawzawng kaltâk lo mi vial chu ka ṭhiruai asi kho lai loh,” a ti.

LUK 5:11

Chun, an lawng tla chu vakap ah an kalpi le, zeizawng kaltâk hen amah chu an zûl rawh.

LUK 5:23

‘Na sual tla ngaihdam asi rawh,’ ti leh, ‘Thawk le, kê hen kal rawh,’ ti hi a zei mi me sim a awl dauh?

RUTH 1:11

“Ka fanu tla, kîr ko u. Zei rangah ka sinah hawng ding nan duh êu? Nanmah umpitu ding hen fapa dang ring kho ding hen ma nan ka ruat?

RUTH 2:10

Ruth chu a buk le, a mêl tual tawngh khet hen a kûn le, Boaz sinah, “Zei zia me titi na hawng ka lungkham? Ramdang mi minung tlûnah hi tluk ṭhat na suah?” a ti.

RUTH 2:12

Na thilti ruangah LALPA nih lâwmman a nan pêk seh, a nan humtu siding hen Israel LALPA Pathian na hawng fûk mi nih lâwmman tling tak a nan pêk seh,” a ti.

RUTH 3:10

“LALPA nih mal an sâwm seh,” a ti. “Tuah na thilti dân lakah hin dâwngsung nei leh in-le-lo kâu dauh ngâk hen na ninu rangah na zângfahnâk na langhtir. Tuah tlangvâl dang a nei mi mawh a pâm mi mawh khawm na hâwl kho, sikhawmsele chu leikâng chu na awtlo.

RUTH 4:15

Na monu nih a nan dâwt le, fapa pasarih thilti ngâk a fâk hen thil a nan ti piak rawh. Tuah tupa a nan pêk le, anih nih nungnâk thar a nan pêk lai le, na tar leikângah thlangamnâk a nan pêk lai,” an ti.