RUTH 1:16 - Bawm Common Language Bible Version

¹⁶ Ruth nih a sâng le, “An kaltâk ding hen hawng ka fawrh nget lah, nangmah sinah lam hawng ka kaltir ko. Na kalnâk zawng ah ka kal awt, na umnâk zawng ah ka um awt, na mi tla chu ka mi tla an si lai, na Pathian chu ka Pathian asi lai.

RUTH 1:16 ပူးပေါင်းရင်းမြစ်များ

2 SAMUEL 15:21

Sikhawmsele, Ittai nih, “Bâwipa, LALPA min sâl hen ka tiam, thihnâk mun sikhawmsele na kalnâk zawng ah ka hawng awt bâk,” a ti.

SAM 45:10

Lal nupi, ka sim mi chu ngâi rawh, na mi leh na unau tla chu philh na.

THUFING LASUIBU 17:17

Hâwikawmh nih an dâwtnâk an langh kumza le, unau nawknâk ah ṭangpi lotu chu zei rangah ṭhatvaknâk a um lai?

ISAI 14:1

LALPA nih a mi Israel tla lakah khua a ruat nawlh lai le, amah mi ah a thîm na lai. Anmah ram ah a umtir nawlh na lai le, ramdang mi tla khawm an hawng lai le, chunah chun an sinah an um lai.

DANIAL 2:47

Lal nih, “Na Pathian chu pathian zawzawng lakah a rokual chem le, lal tla tlûnah Lal asi le, thilthup tla langhtu asi. Thilthup na simhfiang ruangah chu chu ka theih mi asi,” a ti.

DANIAL 3:29

Tuah âuzawng zei phun leh zei chi zawng, hawlh kip tla khawm nih Sadrak, Mesak leh Abednego Pathian zahlotu chu, an kut kê thlêk ver hen, a in chu nâwmpawng ah siam asi lai, hi hâwi hen ruangsuahtu dang a um lo,” a ti.

DANIAL 4:37

“Tu chun, kei Nebukadnezar nih Vân Lalchem chu ka sawr hen ka zah hen ka chawnglawmh rawh. Thil a ti mi zawng chu a dik hen a rep, zûm tak hen thil titu tla chu âuzawng a nâutir kho,” a ti.

HOSEA 13:4

LALPA nih, “Kei, LALPA, Aigupta thawk hen an suakpi natu chu kasi. Keimah lo chu Pathian nan nei lo. Keimah lâwng hi ruang an suah natu kasi.

ZEKARIA 8:23

Chubang ni ah chun ramdang mi parâ Juda mi pakhat sinah an va kal lai le, ‘Na sinah Pathian a um ti kan theih ruangah na hun dawnghnâk leikângah na vo an pêk ding kan duh,’ an ti lai,” a ti.

MATHAI 8:19

Chun, Dân sîntirtu pakhat a hawng kal le, a sinah, “Sîntirtu, na kalnâk kip ah ka nan zûl lai,” a ti.

JOHAN 13:37

Peter nih a sinah, “Lalpa, zei rangah tu khawm ah ka nan zûl kho awtlo zia? Nangmah ruangah ka nungnâk ka pêk lai,” a ti.

THILTI 21:13

Chun, Pawl nih a sâng le, “Zei rangah nan ṭap le, nan ka ngaihsia tir? Lalpa Jisu min ruangah chun Jerusalem khua ah phuar cho tâwk ka ti lo le, thih khawm ka iam asi,” a ti.

1 THESALONIKA 1:9

Anmah tla ngelchel nih nan lakah zei hâwi sunhsaknâk me kan tawng kan thâwngthâng chu an theihtir na tâwn; Pathian nung leh dik tak rianṭuan ding leh a Fapa Jisu thihnâk lakah mi a thawh mi leh Pathian thinrunhnâk hawng tlung ding lakah hawng kan ruangsuahtu Jisu kha vân a mi ngâk ding hen, ruk tla chu, Pathian leiah nan hawitâk zia khawm kha an theihtir na ber tâwn asi.

JOSUA 24:18

Hi ram ah hin kan hawng kal le, hinah Amor um mi tla khawm a nar ver na. Churuangah chun LALPA rian chu kan ṭuan bâk awt, amah chu kan Pathian asi,” an ti.

THUPHUANG 14:4

Chubang tla chu nunau lakah â nawmh lo mi tla an si; nungâk thenhlimh hâwi an si, Dawrâ Fa kalnâk kip ah zûltu tla an si, Pathian rangah leh Dawrâ Fa rangah rah masa chem siding hen minung tla lakah mi tlanh an si.

RUTH 1:15

Naomi nih a sinah, “Ruth, na hâwinu chu a mi leh a pathian sinah a kîr le, nang khawm a sinah kîr bâk ko,” a ti.

RUTH 1:17

Na thihnâk zawng ah ka thi awt, chunah chun vûi hen ka um lai. Chu hâwi ka ti lo chun LALPA nih ka tlûnah rêpnâk tlungtir sele, nang leh kei chu thihnâk cho lo nih chun hawng kan ṭhen lah seh,” a ti.

RUTH 2:6

Anih nih, “Ramdang mi nungâk, Moab ram thawk hen Naomi a hawng kîr mi sinah a hawng bâk mi ma khi a!

RUTH 4:15

Na monu nih a nan dâwt le, fapa pasarih thilti ngâk a fâk hen thil a nan ti piak rawh. Tuah tupa a nan pêk le, anih nih nungnâk thar a nan pêk lai le, na tar leikângah thlangamnâk a nan pêk lai,” an ti.