ROM 9:5 - Bawm Common Language Bible Version

⁵ Pu tla chu an tâ asi bâk, taksa leiah Krist chu anmah thawk hen suak asi fâwn; anih chu thil zawzawng tlûnah mi, zungzâl sawr tlâk Pathian asi! Amen.

ROM 9:5 ပူးပေါင်းရင်းမြစ်များ

GENESIS 12:3

Mal a nan sâwmtu chu mal ka sâwm lai, sikhawmsele siat an barhtu chu siat ka barh lai. Chun nangmah ruangah phun zawzawng mal ka sâwm lai,” a ti

GENESIS 49:10

Juda nih lal ṭhianṭhunh â ting lai le, A thlâk tla khawm nih lâi an rêl kumza lai. Phun tla nih a sinah siah an pêk lai. Ê-aw ngâi tak hen a mâika ah an kûn lai.

1 Lal 1:36

Benaiah nih, “Kan ti lai, LALPA na Pathian nih birhtir seh.

1 CHRONICLES 16:36

LALPA Israel Pathian chu sawr u! Tuah leh zungzâl hen amah chu sawr u! Mi zawzawng nih, “Amen,” an ti le, LALPA chu an sawr rawh.

SAM 103:19

LALPA nih a laltophah chu vân ah a toh le, zeizawng tlûnah lalchem ah a um.

SAM 106:48

LALPA, Israel Pathian chu sawr u; tuah leh zeiliau zawng ah sawr u! Mikip nih, “Amen! ” ti na seh. LALPA chu sawr u!

SAM 41:13

LALPA, Israel Pathian chu sawr u! Tuah leh zungzâl tiang hen amah chu sawr u! Amen! Amen!

SAM 45:6

Pathian nih a nan pêk mi lalram chu zungzâl hen a um lai. Na mi le tla chu repnâk hen lâi na rêl lai.

SAM 72:19

A min rokual chu zungzâl hen sawr u, a rokualnâk nih tual zawzawng hi khattir seh. Amen! Amen!

SAM 89:52

LALPA chu sawr kumza rawh! Amen! Amen!

ISAI 11:1

David thlâk lal chi chu thing hâu mi hâwi asi le; sikhawmsele a kûng bul lakah ṭeng thar tla a chawrh mi hâwi hen David thlâk tla thawk hen lal thar a hawng suak lai.

ISAI 7:14

Churuangah Lalpa amah tak nih singsiahnâk a nan pêk lai: Nungâk Thenhlimh a râi mi nih fapa a ring lai le, a min ah ‘Immanuel’ sak asi lai

JEREMIA 28:6

“A chê a! Hi hi LALPA nih a ti ding ka lungum! Babulon thawk hen Biakin ah mi thil-le-rî zawzawng leh mi zapi tla tleih hen an kalpi na lai na ti mi chu asi ngelchel lai ti ka lungum.

MIKAH 5:2

LALPA nih, “Bethlehem, Eprathah, Juda ram khuapi ah a mêchem mi na si, sikhawmsele nangmah thawk hen Israel tla lâirêltu ding a lânah mi a dâwngsung hâwitê si nawlh ding mi ka hawng suaktir awt!

MATHAI 28:20

Chun, ngâinik u, kei zungzâl hen, laikulh dawngh tiang hen nan sinah ka um vima lai,” a ti.

MATHAI 6:13

Sual ding hen lêmnâk ah hawng kan ruai lah le, Misual lakah thawk hen ruang hawng kan suah rawh. Ram leh thiltikhonâk leh rokualnâk, zungzâl hen na tâ asi, Amen.

LUK 20:44

Chuvachun, David nih anih chu ‘Lalpa,’ a ti ṭung chun zeitin a fapa asi kho lai ne?” a ti.

JOHAN 10:30

Kei leh Pa chu pumkhat kan si,” ti hen a sâng.

THILTI 20:28

Pathian kawhmi tla amah thisen hen a châwk mi tla chu châwm ding hen nanmah tla leh nan ho na mi tla zawzawng tlûnah a thiamthih u, Thlarau Thenhlimh nih an tlûnah hotu ah a nan siam na asi.

THILTI 3:13

Abraham, Isak, Jakob tla Pathian, hawng kan thlâktu tla Pathian nih chun a To-aw Jisu a chawnglawmh rawh asi. Anih chu nan tleihtir le, Pilat nih suah a tum khawm ah a mâika ah nan duh lo kha.

ROM 1:25

Pathian thutak chu âwkrâwl ah changtir hen a siamtu sawnh ngâk hen a siam mi chu sawnh hen a rian an ṭuan dauh dangâiah. A siamtu chu zungzâl hen sawr tlâk asi. Amen.

ROM 1:3

Anih chu taksa lei thu ah chun David thlâk ah suak asi le,

ROM 10:12

Juda leh Phundang tla chu zeikhawm ah anna dang lêm lo, Lalpa pakhat an ektê tlûnah Lalpa asi le, a lamtu vial tla tlûnah ṭhatnâk tam tak a nei.

ROM 11:28

Thâwngthâng Ṭha lei dawn chun nanmah tla rangah mêlma an si le, thîm leikâng thu ruat lam chun thlâktu tla ruang khan duhtak tla an si.

1 KORIN 14:16

Chu lo chun thlarau hen malsâwm piak na khawmsele theih dahlo tla umnâk ah um mi nih, nan lâwmthusim ah chun zeitin me “Amen” a ti kho lai, na thusim chu a theih lêm lo mi?

2 KORIN 11:31

Jisu Pathian leh Pa, zungzâl a thawsuak hen um mi nih chun âwkrâwl ka sim lo zia a theih.

DEUTERONOMY 10:15

Sikhawmsele LALPA nih nan thlâktu tla a dâwt zia chu thungâi a fâk le, phundang tla ngâk hen an thîm dauh na le, nannih chu a mi thîm tla nan si.

1 TIMOTHE 3:16

Chun, Pathian sunhsaknâk thuthup chu êi kho lo rê hen a rokual asi: “Taksa ah a hawng lang, Thlarau ah diknâk langhtir ding hen, vânmifial tla nih muh hen Phun tla nâwngah phuang ding hen, laikulh ah hin mi nih lung hen, vân ah lâk hen a um.

1 TIMOTHE 6:15

Chu langhnâk a tik takah sawrtlâk Pathian tak cho, lalchem tla Lalchem, lalpa tla Lalpa nih chun a zauhtir lai.

2 TIMOTHE 2:8

Jisu Krist, David thlâk a mi ka Thâwngthâng Ṭha sim hâwi hen mithi lakah mi thawknawlh kha theih kumza rawh.

HEBRAI 7:24

Jisu lam chu zungzâl um kumza mi asi le, a bâwlpu sinâk chu midang sinah pêk kho asi lo.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.

THUPHUANG 1:18

a nung mi chu kasi, ka thi le, sikhawmsele, ngâinik, zungzâl rangah ka nung nawlh rawh asi. Thihnâk leh mithi khua tlûnah thuneihnâk chu ka nei ber asi.

THUPHUANG 22:16

“Kei, Jisu nih, kawhmi murui tla sinah hi bang thu tla hi theihtir ding hen ka vânmifial chu ka hawng fial asi. David bulpi leh a thlâk, ârfi chêu tak, deirêl ârfi chu kasi” a ti.

THUPHUANG 22:20

Hi thu theihtirtu nih hin, “Ka hawng kal tuan awt,” a ti. Amen, hawng kal ko me, Lalpa Jisu!

THUPHUANG 5:14

Chun, thilnung pali tla nih chun, “Amen,” ti hen an sâng le, upa tla khawm nih bawkbukhup hen an mâimûk rawh.