ROM 9:1 - Bawm Common Language Bible Version

¹ Krist ah chun thudik ka sim asi, ka âwkrâwl lo. Thlarau Thenhlimh zârah chun ka siat le ṭhat theihnâk khawm nih hawng ka theihpi le,

ROM 9:1 ပူးပေါင်းရင်းမြစ်များ

ROM 1:9

Ka thlachamnâk lakah chun bâng lo hen nan min ka lam tâwn le, tutan hin nan sinah ka hawng kalnâk ding hen Pathian thu thu hen tlâwngnâk tik ka tawng rarâm khonâk ding hen ka deih tâwn ti a Fapa Thâwngthâng Ṭha ah ka thlarau ah a rian ka ṭuan tâwn mi Pathian chu a theihtu asi.

ROM 2:15

An nunchan nih chun Dân thilti tla chu an thinlung ah rîn asi ti a zauhtir. Chun, an siat leh ṭhat theihnâk khawm nih hi hi a dik asi ti a theihtir le, an thinlung tla chu â êl le, anna mawhtir thulh, zeimaw zâwnah anna mawhlotir thulh.

ROM 8:16

Thlarau ngelchel nih chun kanmah thlarau hen Pathian fa tla kan si ti hawng kan theihtir tâwn.

ROM 9:2

ka thinlung ah hin hamhnâk fâk tak leh ngaihsiatnâk reh kho lo ka nei asi.

2 KORIN 1:12

Kan putso mi chu hi hi asi: Kan sia leh ṭha theihnâk thu theihtir chu thenhlimhnâk leh Pathian diknâk nei hen, taksa finghnâk ah silo hen, Pathian zângfahnâk dauh hen laikulh ah hin kan changhdân kha nanmah leikângah kan changh dân a ṭha khun.

2 KORIN 1:23

Sikhawmsele, ka thlarau lakah theihtu rangah Pathian ka kawh asi, nanmah tla a nan zuah na ding hen asi Korin khua ah ka hawng kal lo mi kha.

2 KORIN 11:10

Krist thutak keimah lakah um hâwi hen Akaia ram leiah- hi ka putsonâk hi âukhawm nih an ka rehtir lai loh.

2 KORIN 11:31

Jisu Pathian leh Pa, zungzâl a thawsuak hen um mi nih chun âwkrâwl ka sim lo zia a theih.

2 KORIN 12:19

Tu kar lakah hin nanmah tla sinah kan diknâk thu sim hen hawng kan ruat asi dahmawh. Krist ah chun Pathian mitmuh ah asi thu kan sim mi chu. Sikhawmsele, duhtak tla, zeizawng nanmah siamṭhatnâk ding asi.

GALATIA 1:20

Nan sinah thu ka sim mi tla hi Pathian mitmuh ah ka âwkrâwl lo.

PHILIPI 1:8

Krist Jisu siherhnâk ah chun nan ektê hen ka nan ngâi na zia chu Pathian hawng ka theihpitu asi.

1 THESALONIKA 2:5

Zeiliau khawm ah sawr telê nâk mawh, hamkah phenhnâk mawh kan mang mi an theih dah loh ti nan theih kha,

1 TIMOTHE 1:5

Nunsimhnâk san chu thinlung thenhlimh leh sia leh ṭha theihnâk thiang leh lungnâk tak thawk hen a hawng suak mi dâwtnâk chu an nei khonâk ding hen asi.

1 TIMOTHE 2:7

chu chu ti ding hen phuangtu ah leh mifial ah ruat kasi, thudik ka sim, ka âwkrâwl lo, lungnâk leh thudik ah phundang tla sîntirtu ah ruat kasi.

1 TIMOTHE 5:21

Hi bang thu hi duh bîk nei lo hen thliar le dang nei lo hen Pathian leh Krist Jisu leh vânmifial thîm mi tla mitmuh ah zâwt ding hen semsêngâi tak hen ka nan theihtir.