ROM 8:7 - Bawm Common Language Bible Version

⁷ Taksa duhkâng chu Pathian donâk asi ruangah chu chu Pathian Dân hen a um lo le, um khawm a um kho lo asi.

ROM 8:7 ပူးပေါင်းရင်းမြစ်များ

2 CHRONICLES 19:2

Hanani fapa khuavâng Jehu chu lal hen va tawng ding hen a kal le, a sinah, “Misual leh LALPA huatu murui tla ṭangpi leh bawp hi dik hen ma na theih? Na lakah Pathian thinrunhnâk ding hen thil na ti.

JOB LASUIBU 15:13

Pathian tlûnah thinrun hen a sinah thu na sim.

SAM 53:1

Mi â tla nih chun, an thinlung hen “Pathian a um lo,” an ti. Anna râwk ver le, thil ṭihnungkâi an ti; thil dik ti pakhat khawm an um lo.

EXODUS 20:5

Zei ruk khawm sawnh hen kûn lah u, Kei, LALPA nan Pathian kasi, helnâk rêng ka sâithiam lo. Hawng ka huatu tla chu an thlâk tla tusîn fapâr tiang ka rêp na awt.

JEREMIA 13:23

Mi dum nih a vun a dangtir kho hen keitê nih a ṭial a veih kho mazei? Chu hâwi an ti kho asi chun, nang thilsual cho lo chu zeikhawm tilotu nih thil dik ti ding na theih kho lai.

EZEKIEL 14:5

Chu milem tla nih chun Israel tla chu ka lakah mi kâng dang leiah a pialpi na le, sikhawmsele ka sângnâk hen zumh an kâinâk chu neh ding ka lungum.

MATHAI 12:34

Rûl thlâk tla, nannih sual ko bû hen zeitin me thu ṭha nan sim kho lai? Thinlung ah khat hen a liam mi chu kâ nih a sim tâwn asi.

MATHAI 5:19

Chuvachun, âuzawng hi bang thupêk mê chem lakah hin pakhat mawh buar hen, chu hâwi ti bâk ding hen mi le tla sîntirtu zawng chu Vân Ram ah mi mêchem an ti lai; khawmsele, âuzawng Dân zâwt hen, sîntir bâktu zawng chu Vân Ram ah chun mi lian an ti lai.

JOHAN 7:7

Laikulh nih an hua kho na lo, kei lam chu a ka hua tâwn, a thilti tla a sual ti ka simhfiang ruangah.

ROM 1:28

Chun, Pathian theih an duh lo ruangah thil dawh lo tla ti ding hen a duh lo kâng thinlung neih siang hen Pathian nih a hawitâk na rawh.

ROM 1:30

Chaih mang tla, mi chawngawih mang tla, Pathian, huatkâng hen um mi tla, â liantir mi, mi zûm tla, â khâwng mi tla, thilsual thar suahtu tla, nu leh pa thu ngâilo tla,

ROM 3:31

Asi leh, lung ruangah Dân chu zeikhawm lo ah kan siam mazei? Si rîlmâl lo; Dân chu kan birhtir lehlam asi.

ROM 5:10

Mêlma kan si liau men ah a Fapa thihnâk ruangah Pathian hen rem rawh mi kan si chun rem hen kan um rawh nûnah hin a nungnâk ruangah ruangsuah hen kan um ngelchel lai.

ROM 7:22

Ka thinlung tak hen Pathian dân lakah ka lâwm tâwn.

ROM 8:4

Taksa Dân zâwt lo hen thlarau Dân zâwt dauhtu kanmah lakah hin Dân thuruat chu lîm hen a um khonâk ding hen.

1 KORIN 2:14

Laikulh mi nih chun Thlarau lei thil tla chu a lawmh tâwn lo, anih ngaih chun âtkâi an si; Thlarau ah cho theih kho mi a si ruangah a theih kho lo rerêng asi.

1 KORIN 9:21

Dân nei lo tla ka luh kho na ding hen Dân nei lo tla sinah Dân nei lo hâwi hen ka um tâwn, Pathian Dân lunglo si lêm lo hen, Krist Dân zâwt ṭung hen.

KOLOSA 1:21

Chun, nannih a lânah nan thilsual ti ruangah khan amah lakah mi ṭhen hen nan um le, nan thinlung ah mêlma nan hawng si kha, sikhawmsele, tuah lam chun, a mâika ah thenhlimh tak leh simsâwi um lo leh simsâwi kawplo hen a nan dîrtir na ding hen, a taksa thihnâk ruangah chun amah hen a nan remtir na rawh asi;

KOLOSA 2:18

Âukhawm mah duh thu ko a dawnhkhonâk leh vânmifial sawnhnâk mang hen nan lâwmman chu a nan suh lah na seh, an thil muh tla lakah chun um kumza hen, an taksa lei thinlung ruangah a zûm salam hen, Lû chu tleih thlir ṭung lo hen an um.

2 TIMOTHE 3:4

mi perpê tla, dung le mâi dawn lo tla, â sung-û tir mi tla, Pathian zângfah ngâk hen mah lawmhnâk cho zângfah dauhtu tla an si awt;

HEBRAI 8:10

“Chubang tla nûnah chun Israel dâwngsung tla sinah thudântuk ka siam ding mi chu hi bang hi asi,” Lalpa nih a ti. “Hi nûn chun an thinlung ah ka thupêk tla ka siah lai le, an thinlung ah ka rîn ber lai le, chun, kei an Pathian kasi lai le, annih chu ka mi tla an si lai.

JEM 4:4

Nannih mi zumhkâilo tla, laikulh hâwikawmh sinâk hi Pathian mêlma asi ti nan theih lo ma? Âuzawng laikulh hâwikawmh si a duh mi vial chu Pathian mêlma ah â siam tâwn asi.

2 PETER 2:14

An thinlung ah chun nunau duhnâk an khattir le, sual leikang thilti an chim lo, mi chaklo tla an tlûktir le, an thinlung chu duhnâk ah an zawngh nek le, Pathian siatbarhnâk tangah um mi tla an si.