ROM 8:34 - Bawm Common Language Bible Version

³⁴ âunih annih rangah mawhtir kho na lai? Jisu Krist chu thihnâk thawk hen a thawk le, Pathian vawrhlei ah to hen, Pathian sinah hawng kan sim piaktu asi lo mazei?

ROM 8:34 ပူးပေါင်းရင်းမြစ်များ

JOB LASUIBU 33:24

Vânmifial nih khuaruat hen, “Suah u! Laikulh thihnâk ah kal ding mi asi lo. Suah ding hen hinah a man pêk asi rawh,” a ti lai.

JOB LASUIBU 34:29

Pathian nih thil zeizawng ti a tum lo mi chu, âukhawm nih an titir kho lo. A mêl a thuh chun minung nih ṭangpitu an nei ding asi lo.

SAM 109:31

Anih nih chun mipâm tla chu a hum na le, thi ding hen an mawhtir na mi chu ruang a suah na ruangah.

SAM 37:33

Sikhawmsele, LALPA nih a mêlma thiltikhonâk lakah mi chu a kaltâk lai lo le, nik hen a um liau khawm ah a mawhtir lo.

ISAI 50:8

Pathian a nâi ruangah ka mualpho awtlo ti ka theih le sual ka nei lo zia a theih. Ka tlûnah mawhphurh hen hawng ka phiar ngamtu âu a um? Lâirêlnâk ah munkhat hen kan kal lai! A hawng ka phiarnâk hawng put seh me!

ISAI 53:12

Churuangah zahkâinâk leh rokualnâk leh mi thiltikho tak sinâk ka pêk lai. Misual tla thi ding rûlah thi hen siang tak hen a nungnâk a pêk. Misual tla mun a luah le, ngaihdam an si khonâk ding hen thla a cham piak na,” a ti.

JEREMIA 50:20

Chu tik chu a hawng tlung chun Israel lakah leh Juda lakah sualnâk leh ṭhatlonâk muh asi lai lo rawh, an nungnâk ka zuah na mi tla chu ka ngaihdam na awt ruangah. Kei, LALPA nih ka sim asi,” a ti.

MATHAI 20:28

Minung Fapa hi mi nih rianṭuan piak ding hen a hawng lo le, rianṭuan ding leh mi tam tak tlanhnâk ding ah a nungnâk pêk ding hen a hawng dauh asi,” a ti.

MARK 16:19

Chuvachun, Lalpa Jisu chu an sinah thu a sim thluh rawh chun vân leiah lâk hen a um le, Pathian vawrhlei ah a to rawh.

JOHAN 14:19

Sâwtlotê ah laikulh nih a ka muh lai lo rawh; sikhawmsele nannih nih chun nan ka muh lai; keimah ka nung ruangah nannih khawm nan nung bâk lai.

JOHAN 16:23

“Chu ni ah chun nannih nih zeikhawm nan hawng ka deih lai loh. Thungâi tak hen ka nan simh na: Pa sinah zeizawng ka min hen nan deih mi chu a nan pêk na lai.

THILTI 2:24

Kha minung kha Pathian nih thihnâk phuar tla chu a sût piak le, a thawh rawh; amah chu thihnâk nih tleih pawt kho asi lo ruangah.

ROM 14:13

Churuangah, kanna sâwi lai lo rawh. Chu ngâk chun, âukhawm nih mah unau khamnâk mawh tlûknâk mawh siam lo a tum dauh u.

ROM 14:9

Krist thihnâk leh a hawng nung nawlhnâk san chu, minung leh mithi Lalpa asi khonâk hi asi.

ROM 4:25

Chu Jisu chu kan sual ruangah thi ding hen tleihtir hen a um le, kan mawhlonâk ding hen thawh hen a um.

ROM 8:1

Chun, tu lam chun Krist Jisu ah um tla rangah chun mawhtirnâk rêng a um lo rawh.

ROM 8:27

Chun, Pathian duhzia hâwi vima hen mi thenhlimh tla chu thla a cham piak na tâwn ruangah, thinlung tla zauhtu nih chun Thlarau duhzia chu a theih tâwn asi.

KOLOSA 3:1

Chun, Krist sinah thawh hen nan um bâk rawh chun, tlûnlei mi, Pathian vawrhlei ah to Krist umnâk ah thil um tla chu hâwl u.

HEBRAI 1:3

Amah chu Pathian rokualnâk hen a chêu le, amah chu Pathian tak banghnâk neitu asi, a thiltikhonâk hen laikulh chu dirh asi. Minung tla sual a thenhlimhtir nûnah Chungnungchem Thiltikhonâk Pathian vawrhlei ah vân ah a to rawh.

HEBRAI 7:25

Chun, amah lakah Pathian sinah hawng kal mi tla chu a dawngh tiang hen ruang a suah kho asi, anmah tla rangah thlacham piak hen zungzâl hen a nung kumza ruangah.

HEBRAI 9:24

Krist chu kut hen sak mi mun thenhlimh, a tak banghtu ah chun a lût lo le; tu ah Pathian mâika ah kan ruangrûl ah dîr ding hen vân ngelchel ah a lût dauh rawh.

1 PETER 3:18

Churuangah, Krist ngelchel chu nan rangah a thi le, sual tla ruangah mi zawzawng rangah veikhat a thi le, Pathian sinah hawng kan ruai ding hen mi ṭhalo ruangrûl ah mi ṭha a thi. Taksa ah chun thah hen a um le, thlarau ah chun nunh hen a um.

1 PETER 3:22

Jisu chu vân ah kal hen Pathian vawrhlei ah a to rawh. Vânmifial zawzawng tla leh vân ah thuneitu tla leh thiltikhonâk tla tlûnah lâi a rêl.

THUPHUANG 1:18

a nung mi chu kasi, ka thi le, sikhawmsele, ngâinik, zungzâl rangah ka nung nawlh rawh asi. Thihnâk leh mithi khua tlûnah thuneihnâk chu ka nei ber asi.