ROM 8:3 - Bawm Common Language Bible Version

³ Taksa chaklonâk ruangah Dân nih ti kho lo mi chu Pathian nih a ti kho. Amah Fapa ngelchel taksa sual hâwi put hen sual bâwlnâk ding ah hawng fial hen, taksa lakah sualnâk um mi chu mawh a phurhtir rawh asi.

ROM 8:3 ပူးပေါင်းရင်းမြစ်များ

NUMBER 21:9

Churawhchun, Mosi nih dâr rûl a siam le, thingtluan pâr ah a thlâi. Âuzawng rûl nih a chuk na mi, chu dâr rûl chu an zauh chun an dam vima.

NUMBER 28:22

Chun, kêl chal pakhat sual thil ap rangah ap ding asi, hi hâwi hen zapi thenhlimhtir dân nan timhtuah ding asi.

MARK 15:27

Chun, amah rual hen chun rawkmang panih an khenhbêk na bâk; a vawrhlei ah pakhat, a kehlei ah pakhat.

JOHAN 1:14

Thu chu minung ah a hawng a chang le, kan lakah a um rawh. A rokual zia kan muh. Zângfahnâk leh thudik hen a khat. Hi hi rokualnâk chu asi, Pa, Fapa neihlem hâwi a sinâk chu.

JOHAN 9:24

Chun, mitchâw chu an kawh nawlh le, a sinah, “Pathian sawr rawh, kha minung lam kha chu misual asi ti kan theih,” an ti.

THILTI 13:39

Mosi dân ah mawhtir lo hen nan um kholo, Âuzawng Jisu zumhtu vial chu zeilak zawngah mawhtirlo hen an um.

ROM 3:20

Chun, Dân thilti ruangah âukhawm a mitmuh ah mawh lo hen an um lo, Dân ruangah sual theih rangtlingnâk a hawng um dangâiah.

ROM 6:6

Hi bang hi theih sele; kan minung li chu a sinah khenhbêk hen a um bâk rawh, sual put taksa chu tlâutir a um khonâk ding hen, tu thawk hen sual sal ah kan um lonâk ding hen.

ROM 7:18

Keimah lakah, chu chu ka taksa lakah tinâk asi, thil ṭha rerêng a um lo ti ka theih. Thil ṭha ti duhnâk chu keimah lakah a um narêng hen, thil ṭha tinâk lam chu a um lo.

ROM 8:32

A Fapa tak khawm zuah lo hen kan ektê ruangrûl ah pêktu nih chun thil zawzawng khawm a thawt hen hawng kan pêk sih awtlo masi? Pathian mi thîm tla chu âunih phiar lai?

ROM 9:3

Ka unau le tla, taksa leiah ka phun tla ruangah kei hi Krist sinah mi dangtir kho rê hen anmah ruangah siat phurh hen um rê sele ka ti asi.

2 KORIN 5:21

Amah lakah chun Pathian repnâk kan hawng si khonâk ding hen sual rerêng nei lo Jisu chu Pathian nih kanmah ruangah sual ah a siam.

GALATIA 3:13

Krist chu kan ruangrûl ah siat ting hen Dân siat lakah mi hawng kan suah rawh; “Thing ah thlâi mi vial chu siat ting an si,” ti hen Pathian lasui thu nih a sim ruangah.

GALATIA 3:21

Asi lo leh, Dân nih chun Pathian thutiam tla chu a kham mazei? Si lo e; Dân, mi nungtir khotu pêk hen a um rawh chun, repnâk chu Dân ruangah um ngelchel ding asi.

PHILIPI 2:7

minung tla hâwi a hawng suak hen, to-aw hâwi hen â siam le, amah leh amah â nâutir dauh rawh.

HEBRAI 10:12

Krist lam chu sual rangah zungzâl bâwlnâk pakhat cho a ap nûnah Pathian vawrhlei ah a to rawh.

HEBRAI 10:14

Thil ap pakhat nih chun sual lakah mi a thenhlimhtir na rawh mi chu zungzâl rangah a rangtlingtir na rawh.

HEBRAI 2:14

Chun, ngâksia tla hi taksa leh thisen nei mi tla an si ruangah Jisu ngelchel khawm anmah hâwi minung taksa put asi bâk. A thihnâk ruangah

HEBRAI 2:17

Chun, mi tla rangah thutluangvawrnâk siam ding hen Pathian lei thu tla lakah bâwlpu lalchem siherhnâk nei kho mi leh zumhkâi tak asi khonâk ding hen zeizawng ah a unau tla hâwi hen a hawng um mi chu a rangah a herh rerêng asi.

HEBRAI 4:15

Bâwlpu lalchem kan chak lo zia hawng kan theihpi phanh lo mi neitu kan si lo, kanmah hâwi hen thu zeizawng ah lêmnâk tawng rawh mi, sual lam chu sual lo mi, neitu kan si dauh.

1 PETER 2:24

Sual leikângah thi rawh hen, repnâk leikângah kan nung khonâk ding hen Krist ngelchel nih kraws ah khan a taksa hen kan sual tla a phurh le, amah liamnâk tla hen damtir hen nan um rawh.