ROM 8:1 - Bawm Common Language Bible Version

¹ Chun, tu lam chun Krist Jisu ah um tla rangah chun mawhtirnâk rêng a um lo rawh.

ROM 8:1 ပူးပေါင်းရင်းမြစ်များ

ISAI 54:17

Sikhawmsele, zei riamnâm khawm nih nganfâk a nan pêk kho lai lo; A nan phiartu tla zawzawng na sâng ver na lai. Ka to-aw tla chu ka hum na lai le, nehtu ah ka siam na lai,” a ti. Chu chu LALPA nih a sim mi asi.

EZEKIEL 18:9

Chu hâwi minung nih chun ka thupêk tla a zûl hen ka dân tla thiamthih tak hen a kil. Mirep asi ruangah a nung lai,” LALPA Zahkâi nih a ti.

JOHAN 14:20

Chu ni ah chun kei ka Pa lakah ka um mi leh, nannih keimah lakah nan um mi leh, kei nanmah lakah ka um mi nan theih lai.

JOHAN 15:4

Keimah lakah um kumza u, kei khawm nanmah lakah ka um kumza lai. Ṭeng chu grep zûn ah a um kumza lo chun amah lung hen a rah kho lo hâwi hen, nannih khawm keimah lakah nan um kumza lo chun, nan rah kho lai loh.

JOHAN 5:24

“Thungâi tak hen ka nan simh na, âuzawng ka thu theih hen, hawng ka fialtu lung nih chun zungzâl nungnâk a nei rawh, mawh hen a um lo le, thihnâk thawk hen a suak le, nungnâk ah a lût dauh asi.

ROM 16:3

Priskili leh Akuila, Krist Jisu ah ka rianṭuanpi, ka nungnâk,

ROM 16:7

Ka hâwi Juda mi, Andronika, leh Junia, ka rêngtlâpi tla kha chibai hawng ka bûk piak u; annih chu mifial tla lakah minthang tak an si le, ka ruangrûl ah Krist lakah um masa dauh an si.

ROM 5:1

Churuangah, lungnâk ruangah mawhlo a um hen, kan Lalpa Jisu Krist ruangah Pathian hen rem hen kan um.

ROM 5:16

Chun, thilpêk chu pakhat sual ruangah thil hawng um ding mi hen â bang lo; mawhtirnâk lâirêlnâk chu sual pakhat ruangah a hawng um le, mawhtirlonâk thilthawt pêk lam chu sual tam tak ruangah a hawng um dauh asi.

ROM 7:17

Chun, ka thilti hi keimah ti asi lo rawh le, sual keimah lakah a um mi nih a ti mi asi dauh.

ROM 7:20

Ka duh lo kâng chu ka ti asi chun, a titu chu kei kasi lo rawh le, sual keimah lakah a um mi chu asi dauh.

ROM 8:11

Sikhawmsele, mithi lakah mi Jisu thawhnawlhtu thlarau chu nanmah lakah a um chun, mithi lakah mi Krist Jisu thawhnawlhtu nih khan nanmah lakah um mi Thlarau ruangah chun, nan taksa thi kho tla chu a nungtir lai.

ROM 8:14

Pathian Thlarau rui hen an um mi vial tla chu Pathian fa tla an si.

ROM 8:2

Krist Jisu ah nungnâk thlarau Dân nih chun sualnâk leh thihnâk Dân ah mi chu hawng kan suah rawh asi.

ROM 8:34

âunih annih rangah mawhtir kho na lai? Jisu Krist chu thihnâk thawk hen a thawk le, Pathian vawrhlei ah to hen, Pathian sinah hawng kan sim piaktu asi lo mazei?

ROM 8:39

sângnâk tla, thûknâk tla, thilsiam dang rerêng khawm nih, kan Lalpa Krist Jisu lakah um mi Pathian dâwtnâk ah mi chu hawng kan ṭhen kho lai lo ti dik tak hen ka theih.

ROM 8:4

Taksa Dân zâwt lo hen thlarau Dân zâwt dauhtu kanmah lakah hin Dân thuruat chu lîm hen a um khonâk ding hen.

ROM 8:9

Sikhawmsele, Pathian Thlarau nanmah lakah a um tatak chun taksa ah um nan si lo le, Thlarau ah um nan si dauh. Khawmsele, âukhawm Krist thlarau nei lo mi chu amah lakah mi asi lo,

1 KORIN 1:30

Nannih lam chu amah ruangah Krist Jisu lakah chun nan um asi; anih chu Pathian sinah mi kan rangah finghnâk ah siam asi, repnâk ah, thenhlimhnâk ah, tlanhnâk tla hen.

1 KORIN 15:22

Adam lakah mi zawzawng an thi tâwn hâwi hen, Krist ah mi zawzawng nunh hen an um hi.

2 KORIN 12:2

Kristian mi pakhat âumawh ka theih le, kum leili asi rawh, vân sâng chem ah khin lâk hen a um (hi hi a hawng um tak ma, asi lo leh, muhtirnâk ma a nei ka theih lo, Pathian cho nih a theih.)

2 KORIN 5:17

Churuang chun âuzawng Krist ah a um chun thilsiam thar a hawng si; thil li chu a vei rawh; ngâinik u! a hawng thar rawh.

GALATIA 3:13

Krist chu kan ruangrûl ah siat ting hen Dân siat lakah mi hawng kan suah rawh; “Thing ah thlâi mi vial chu siat ting an si,” ti hen Pathian lasui thu nih a sim ruangah.

GALATIA 3:26

Krist Jisu lung ruangah Pathian fa tla nan si ver.

GALATIA 3:28

Chunah chun Juda mi a um kho lo le, Greek mi khawm a um kho ber lo, chunah chun to-aw a um kho lo le, to-aw lo khawm a um kho ber lo, chunah chun mipa leh nunau khawm a um kho ber lo; Krist Jisu lakah nan ektê hen pakhat nan si ruangah.

GALATIA 5:16

Chun, hi hi ka ti asi: Thlarau ah um u, chun taksa duhnâk chu nan zûl lai loh.

GALATIA 5:25

Thlarau ah nung kan si chun, Thlarau ber ah kan um nawlh lai.

EPHESI 1:1

Pawl, Pathian duhzia hen Krist Jisu mifial nih: Pathian mi tla Ephesi khua ah um mi tla, Krist Jisu ah mi zumhkâi le tla sinah chun--

PHILIPI 3:9

Krist ka ting khonâk ding leh mah repnâk (Dân lakah repnâk chu) nei lo hen, Krist lung ruangah repnâk (Lung ruangah Pathian lakah repnâk chu) nei dauh hen, amah lakah um kasi khonâk ding hen;