ROM 7:7 - Bawm Common Language Bible Version

⁷ Zei me kan sim lai rawh ne? Dân chu sual masi? Si lo e! Sikhawmsele, Dân ruangah theih si lah sele chu sual kan theih lo ding mi; Dân nih chun, “Uh lah,” ti lah sele chu uh hi kan theih lo ding mi.

ROM 7:7 ပူးပေါင်းရင်းမြစ်များ

GENESIS 3:6

Nunau nih thing ṭha tak leh rah dawh tak chu a muh le, ei hen hawng fing ding mi chu a chê awt chiam e! ti hen a ruat. Churawhchun, a rah zeimaw mi chu a kawih le, a ei rawh. Chun, a pasal khawm zeimaw mi chu a pêk le, anih khawm a ei rawh.

2 SAMUEL 11:2

Nikhat chu sûnnilei zâu ah David chu a thawk le, a in tlûnah a va kâi, a kâi liau chun nunau tak â khawlh mi a muh, chu nunau chu thungâi a mêlṭha.

SAM 119:96

Thil zeizawng a dawng kho ti ka theih; sikhawmsele na thupêk tla a rangtling.

EXODUS 20:17

“Midang in sungah mi, a nupi mawh, a sal tla mawh, a ranrual leh a sanatung leh a neih rerêng zeikhawm ngarh lah,” a ti.

MIKAH 2:2

Phâisen an duh mi tla an lâk piak na le, in an duh mi zawng an lâk piak na.

MATHAI 5:28

Kei lam nih chun, âuzawng nunau duhnâk nei hen zauhtu vial chu a thinlung ah ṭângdang a pawmtâk ving rawh ti ka nan simh na.

LUK 12:15

Chun, an sinah, “Thiamthih ule, ngarhnâk rerêng lakah chun a vêng u, neih leh siah hi minung dam san asi lo,” a ti.

LUK 20:16

A zauhtu tla chu a veih na lai le, dûm chu midang a pêk lai,” a ti. Chun, chu chu an theih le, “Chu ngâi chu tlung lah seh! ” an ti.

THILTI 20:33

Âu tangka khawm, ngûn tla, nipuan tla ka ngarh dahlo kha.

ROM 13:9

Hi bang, “Ṭângdang pawmtâk lah, mi thah lah, fîr lah,” ti leh, thupêk dang um mi rerêng tla hi. “Nangmah na dâwt hâwi hen na zâwlbâwm tla na dâwt ding asi,” ti nih hin a put ver asi.

ROM 3:20

Chun, Dân thilti ruangah âukhawm a mitmuh ah mawh lo hen an um lo, Dân ruangah sual theih rangtlingnâk a hawng um dangâiah.

ROM 3:5

Sikhawmsele, kan a replonâk nih hin Pathian repnâk chu dawh khun hen a langhtir chun zeise kan sim lai? Pathian nih mi a rêp hen mi replo asi mazei? Minung ti dân hâwi hen ka sim asi.

ROM 4:1

Asi chun, Abraham, taksa dân ah hawng kan thlâktu nih chun zei me a tawng mi chu, zei kan sim lai ne?

ROM 4:15

Dân nih chun thinthawknâk a siam tâwn le, Dân umlonâk ah lam chun buarnâk khawm a um lo.

ROM 5:20

Chun, sual a lang khun ding hen Dân a hawng um nawlh sawm. Sikhawmsele, sual a pungnâk kip ah Pathian zângfahnâk chu a pung khun tâwn.

ROM 6:15

Zeitin asi lai ne? Dân lâirêl hen um kan si lo le, zângfahnâk lâirêl hen um kan si dauh ruangah kan sual ding ma si lai?

ROM 7:11

Sualnâk nih thupêk ruang chun dêngkhâwng tik tawng hen hawng ka bum le, thupêk chu mang hen hawng ka thah rawh asi.

ROM 7:13

Asi chun, thil ṭha chu ka rangah thihnâk a hawng si masi? Si lo e! Sualnâk chu ka rang thihnâk a hawng si dauh rawh asi. Chun, sualnâk chu sualnâk asi ti a lang khonâk ding hen, thil ṭha chu mang hen a ka thah asi. Sualnâk chu thupêk ruang khan sual fâk tak asi khonâk ding hen.

ROM 7:5

Taksa ah kan um liau khan Dân ruangah duhnâk sual a hawng suak mi tla nih chun, kan taksa ṭeng tla ah thihnâk rê a rah ding hen a ṭuan tâwn.

ROM 7:8

Sikhawmsele, sualnâk nih thupêk ruang chun a dêngkhâwng liau tawng hen, uhnâk zeizawng ka sungah a umtir. Dân lo chun sualnâk chu a thi asi.

1 KORIN 15:56

Thihnâk tûr chu sual asi le, sual thiltikhonâk chu Dân thu chu asi.

EPHESI 5:3

Sikhawmsele, mi thenhlimh tla nan si ruangah duhnâk leh nâwmtâmnâk zawzawng, hamkahnâk chu nan lakah sim hen khawm um lah seh;

DEUTERONOMY 5:21

“ ‘Mi nupi, a in, a ram, a sal, a ranrual, a sanatung mawh a neih rerêng ngarh lah, a ti.

KOLOSA 3:5

Chun, nan taksa ṭeng tual a um tla hi thah u, duhnâk, nâwmtâmnâk, hurnâk, duhnâk sual, duhlei hamkah tla hi, hamkahnâk hi ruksawnhnâk asi;

HEBRAI 7:19

Dân thu nih chun zeikhawm a rangtlingtir lo dangâiah. Lungumnâk ṭha dauh, Pathian kan naih tâwnnâk hi lûtpi hen a hawng um sek lehlam.

JOSUA 7:21

“Thil kan tleih mi Babulon kawrfual dawh tak pakhat, tangkasa kilogram nih ding, ngûn a rih lei kilogramme khing ka muh. Thungâi ka duh le ka lâk. Ka puanin kiangah ka phûm le, a tanglei ah mi tangkasa hen nan tawng lai,” a ti.