ROM 7:6 - Bawm Common Language Bible Version

⁶ Tuah lam chun hawng kan tleihtu lakah thi rawh hen, Dân lakah mi thlah hen kan um rawh, Dân rîn mi lampi li ah silo hen, Thlarau lampi ah rian kan ṭuan asi.

ROM 7:6 ပူးပေါင်းရင်းမြစ်များ

EZEKIEL 11:19

Thinlung thar leh dawnruatnâk thar ka pêk na lai. An thinlung ê-aw ngâilonâk lung hâwi hen a chang mi chu ka lawnh piak na lai le, thinlung ê-aw ngâinâk ka pêk na lai.

EZEKIEL 36:26

Thinlung thar leh dawnruatnâk thar ka nan pêk na lai. Lung hâwi mi nan thinlung ê-aw ngâilonâk chu ka lâk ving lai le, ê-aw ngâinâk thinlung ka nan pêk na lai.

ROM 1:9

Ka thlachamnâk lakah chun bâng lo hen nan min ka lam tâwn le, tutan hin nan sinah ka hawng kalnâk ding hen Pathian thu thu hen tlâwngnâk tik ka tawng rarâm khonâk ding hen ka deih tâwn ti a Fapa Thâwngthâng Ṭha ah ka thlarau ah a rian ka ṭuan tâwn mi Pathian chu a theihtu asi.

ROM 12:2

Hi laikulh dân hâwi hen um lah ule, Pathian duhzia a ṭha leh lawmh tlâk leh ṭhat rangtling chu nan theihfiang khonâk ding hen nan thinlung a thar a um hen hawng a dang dauh u.

ROM 6:11

Chu hâwi ber hen nannih khawm sual leikângah thi rawh ah a ruat ule, Pathian leikângah lam chun Krist Jisu ah nung hen a ruat u.

ROM 6:19

Nan taksa ṭeng tla chu nâwmtâmnâk ah leh buarnâk ding hen buarnâk sal ah nanna pêk siang hâwi khan, tuah nan taksa ṭeng tla chu thenhlimhnâk ding hen repnâk to-aw ah pêk siang u.

ROM 6:2

Si lo e; kannih sual leikângah thi rawh mi, sual hen zeitin me kan nung kho nget lai rih?

ROM 6:22

Tuah lam chun sual lakah mi lît hen nan um le, Pathian to-aw tla nan hawng si hi, thenhlimhnâk tawng phah rê hen rah nan nei asi, chu dawnghnâk ah zungzâl nungnâk hen.

ROM 6:4

Churuangah, a thihnâk ah baptis kan si chun a sinah phûm bâk hen kan um; Pa rokualnâk nih mithi lakah mi Krist a thawh hâwi hen khan, kannih khawm nungnâk thar a kan um khonâk ding hen.

ROM 7:1

Asi chun, unau tla, Dân nih chun mi a dam kar zawzawng a tlûnah lâi a rêl tâwn ti nan theih lo masi? Dân theih mi tla sinah ka sim asi hi.

ROM 7:2

Nunau pasal nei chu a pasal dam kar zawzawng Dân nih a pasal lakah phuar hen a um tâwn; sikhawmsele, a pasal chu a thih lam chun a pasal leikângah Dân a mi chu thlah hen a um tâwn.

ROM 7:4

Chun, ka unau le tla, midang, Pathian leikângah kan rah khonâk ding hen mithi lakah a thawh mi ngelchel kha nan nei khonâk ding hen, Krist taksa ruangah Dân leikângah thah hen nan hawng um rawh.

2 KORIN 3:6

Amah ber nih chun thutiam rianṭuantu ah hawng kan tlinhtir le, a lasui thu ko ah rianṭuantu si lo hen, a thlarau rianṭuantu ah asi dauh. A lasui thu ko nih chun a thah tâwn lo, thlarau lam nih chun a nungtir tâwn asi.

2 KORIN 5:17

Churuang chun âuzawng Krist ah a um chun thilsiam thar a hawng si; thil li chu a vei rawh; ngâinik u! a hawng thar rawh.

GALATIA 3:13

Krist chu kan ruangrûl ah siat ting hen Dân siat lakah mi hawng kan suah rawh; “Thing ah thlâi mi vial chu siat ting an si,” ti hen Pathian lasui thu nih a sim ruangah.

GALATIA 6:15

Siamthar nawlhnâk lo chu fêmtan hi zeikhawm asi lo. Fêmtan lo khawm zeikhawm asi lo.

EPHESI 4:24

minung thar, thudik repnâk leh thenhlimhnâk ah Pathian hâwi a siam hen khan a thuam u,” ti thu hi.

PHILIPI 3:3

Kannih Pathian Thlarau zârah Pathian sawnh leh Krist Jisu putso leh taksa tlûnah rinhsannâk ngauh lotu tla hi fêmtan tla kan si dauh asi.

KOLOSA 3:10

chu minung thar chu theih rangtlingnâk nei ding hen a siamtu bangh a siamthar hen a um liau chir asi;