ROM 7:5 - Bawm Common Language Bible Version

⁵ Taksa ah kan um liau khan Dân ruangah duhnâk sual a hawng suak mi tla nih chun, kan taksa ṭeng tla ah thihnâk rê a rah ding hen a ṭuan tâwn.

ROM 7:5 ပူးပေါင်းရင်းမြစ်များ

MATHAI 15:19

Thinlung ah hin dawnnâk sual tla, mi thahnâk tla, ṭângdang pawmnâk, duhnâk, fîrnâk, phiarnâk, simsiatnâk tla a hawng suak tâwn.

JOHAN 3:6

Taksa ah a suak mi chu taksa asi, Thlarau ah a suak mi chu Thlarau asi.

ROM 1:26

Churuang chun Pathian nih ningzakkâi tak a hur siang hen a hawitâk na. Nunau tla tiang khawm nih an umdân an suakpi mi chu dân lo hâwi a um ding hen anna dangtir dangâiah.

ROM 3:20

Chun, Dân thilti ruangah âukhawm a mitmuh ah mawh lo hen an um lo, Dân ruangah sual theih rangtlingnâk a hawng um dangâiah.

ROM 4:15

Dân nih chun thinthawknâk a siam tâwn le, Dân umlonâk ah lam chun buarnâk khawm a um lo.

ROM 5:20

Chun, sual a lang khun ding hen Dân a hawng um nawlh sawm. Sikhawmsele, sual a pungnâk kip ah Pathian zângfahnâk chu a pung khun tâwn.

ROM 6:13

Nan taksa ṭeng tla khawm replonâk ruakhâu rang ding ah sualnâk ah pêk siang lah u; khawmsele, mithi lakah mi nung nawlh hâwi hen Pathian sinah a pêk ule, nan taksa ṭeng tla khawm chu repnâk ruakhâu rang ding ah Pathian sinah pêk siang dauh u.

ROM 6:19

Nan taksa ṭeng tla chu nâwmtâmnâk ah leh buarnâk ding hen buarnâk sal ah nanna pêk siang hâwi khan, tuah nan taksa ṭeng tla chu thenhlimhnâk ding hen repnâk to-aw ah pêk siang u.

ROM 6:21

Tuah nan thil zahpi mi lakah hin, kha liau khan rah zei me nan tawng tâwn? Khabang thu dawnghnâk kha thihnâk asi tâwn asi.

ROM 6:23

Sual man chu thihnâk asi; Pathian thilthawt pêk lam chu kan Lalpa Jisu Krist ruangah chun zungzâl nungnâk asi.

ROM 7:23

Sikhawmsele, ka taksa ṭeng tla lakah hin dân dang a um ti ka theih, chu nih chun ka thinlung dân a do le, ka taksa ṭeng tla lakah sualnâk dân a um mi sinah chun sal ah hawng ka ruai tâwn.

1 KORIN 15:56

Thihnâk tûr chu sual asi le, sual thiltikhonâk chu Dân thu chu asi.

2 KORIN 10:3

Taksa ah um khawmsele taksa do hâwi hen kanna do lo le,

GALATIA 3:10

Dân thilti a um mi vial tla chu siatbarh hen an um ruangah, “Dân lasuibu ah thurîn zawzawng hâwi hen ti ding a um lotu zawzawng chu siatbarh hen um seh,!” ti hen Pathian lasui thu nih a sim ruangah.

GALATIA 5:24

Chun, Krist Jisu mi le nih chun taksa chu a sual dawnnâk leh a duhnâk tla hen an khenhbêk rawh.

EPHESI 2:11

Churuangah, a lânah nannih taksa ah Phundang, taksa kut hen siam, “fêmtan” an ti mi tla nih “fêmtan lo” an ti na mi tla, kha liau khan,

EPHESI 2:3

Chubang lunglo fa tla lakah chun kannih khawm a lân chun taksa leh thinlung duhkâng ti hen, kan taksa duhnâk tla hâwi hen kan um ver le, midang tla hâwi ber hen Pathian thinrunhnâk tuar ding hen suak mi rêng kan si kha.

KOLOSA 3:5

Chun, nan taksa ṭeng tual a um tla hi thah u, duhnâk, nâwmtâmnâk, hurnâk, duhnâk sual, duhlei hamkah tla hi, hamkahnâk hi ruksawnhnâk asi;

TITA 3:3

Kannih khawm a lânah â tak leh ê-aw ngâilo leh perpet mi leh, duhnâk leh lawmhnâk kip leikângah pial mi leh sual leh nahsuah mang hen um mi leh fihnungkâi leh a huat tawnh mi tla kan si ruangah.

JEM 1:15

Chun, duhnâk nih chun fa a pâwi le, sual a ring tâwn. Chun, chu sual chu a hawng ṭhang rawh chun thihnâk a ring tâwn.

JEM 4:1

Nan lakah donâk leh elnâk tla hi a zei thawk hen a hawng suak mi me si? Nan taksa ṭeng lakah donâk siam tâwntu chu nan duhnâk thawk hen a hawng suak mi si lo mazei?

1 JOHAN 3:4

Âuzawng thilsual titu vial nih dân a buar tâwn, sual chu dân buarnâk asi.