ROM 7:4 - Bawm Common Language Bible Version

⁴ Chun, ka unau le tla, midang, Pathian leikângah kan rah khonâk ding hen mithi lakah a thawh mi ngelchel kha nan nei khonâk ding hen, Krist taksa ruangah Dân leikângah thah hen nan hawng um rawh.

ROM 7:4 ပူးပေါင်းရင်းမြစ်များ

ISAI 54:5

Nangmah a nan siamtu a min LALPA Zeizawng tikho chu na rangah pasal hâwi asi lai. Israel Pathian thenhlimh laikulh zawzawng lâirêltu nih ruang a nan suah lai.

ISAI 62:5

Tlangvâl nih nungâk thenhlimh mo a lâk mi hâwi hen A nan siamtu nih a nan umpi lai. Pasal chu a nupi thar lakah â lâwm mi hâwi hen, Na Pathian chu na lakah â lâwm lai.

MATHAI 26:26

Chun, an ei liauah Jisu nih sang a lâk le, mal a sâwm le, a phel le; chun a ṭhiruai tla sinah a pêk le, “Lâk ule, ei u; hi hi ka taksa asi,” a ti.

MARK 4:20

Chun, tual ṭha lakah vawrh mi chu hi bang hi an si: Thu chu theih hen, tleih hen, a leh sâwmthum, sâwmruk, zâ lebang hen rah tla hi an si,” a ti.

JOHAN 15:8

Hi ruang hin ka Pa chu chawnglawmh hen a um tâwn, tam tak nan rahnâk takah hin; chuvachun ka ṭhiruai tla nan si lai.

JOHAN 3:29

Mo neitu chu mo pasal chu asi; sikhawmsele, mo pasal hâwipa dîr hen a thu theihtu chu mo pasal aw ruangah thungâi hen â lâwm tâwn; churuangah, tuhin ka lâwmnâk a rangtling rawh asi.

JOHAN 6:51

Kei hi vân thawk hen sang nung hawng ṭum chu kasi, âuzawng nih hi sang hi a ei chun zungzâl hen a nung kumza lai; asi, laikulh nungnâk ding ah ka pêk ding mi sang chu ka taksa hi asi, “ a ti.

ROM 6:11

Chu hâwi ber hen nannih khawm sual leikângah thi rawh ah a ruat ule, Pathian leikângah lam chun Krist Jisu ah nung hen a ruat u.

ROM 6:14

Sualnâk nih nan tlûnah thu a nei awtlo rawh, Dân lâirêl hen um nan si lo le, zângfahnâk lâirêl hen um nan si dauh.

ROM 6:2

Si lo e; kannih sual leikângah thi rawh mi, sual hen zeitin me kan nung kho nget lai rih?

ROM 6:22

Tuah lam chun sual lakah mi lît hen nan um le, Pathian to-aw tla nan hawng si hi, thenhlimhnâk tawng phah rê hen rah nan nei asi, chu dawnghnâk ah zungzâl nungnâk hen.

ROM 7:3

Chun, a pasal dam karah midang hen anna umh chun, “Ṭângdang pawmtâktu nu,” an ti lai. A pasal a thih lam chun dân a mi chu thlah hen a um le, chun midang nei khawmsele ṭângdang a pawmtâk mi asi lo.

ROM 7:6

Tuah lam chun hawng kan tleihtu lakah thi rawh hen, Dân lakah mi thlah hen kan um rawh, Dân rîn mi lampi li ah silo hen, Thlarau lampi ah rian kan ṭuan asi.

ROM 8:2

Krist Jisu ah nungnâk thlarau Dân nih chun sualnâk leh thihnâk Dân ah mi chu hawng kan suah rawh asi.

1 KORIN 10:16

Malsâwmnâk hâi Pathian sinah lâwmthu ka sim tâwn mi hi Krist thisen bâwmpinâk asi lo mazei?

2 KORIN 11:2

Pathian thîknâk hen asi ka nan thîk na; Krist sinah chun nungâk thenhlimh hâwi hen ka nan pêk kho na bâk ding hen, mi pakhat, Krist chu kan hual piak na ko asi.

GALATIA 3:13

Krist chu kan ruangrûl ah siat ting hen Dân siat lakah mi hawng kan suah rawh; “Thing ah thlâi mi vial chu siat ting an si,” ti hen Pathian lasui thu nih a sim ruangah.

GALATIA 5:18

Sikhawmsele, Thlarau rui a nan um chun Dân tangah nan um lo.

EPHESI 2:15

Juda tla leh Phundang tla chu pumkhat ah a siam le, an karah kardangnâk vâm chu a chimtir le, chun amah lakah chun phun nih tla chu minung thar pakhat a siam hen remnâk a siam kho lai.

PHILIPI 4:17

Thilpêk lam chu hâwl kasi lo le, rah, nanmah leikângah pungtir ding chu hâwl kasi dauh.

KOLOSA 1:10

Chun rianṭuan kip ah rah hen Pathian theih rangtlingnâk ah mavua dadauh hen lâwm tak a felfênâk leh dawnhkhonâk kip nei kho ding hen a rokualnâk chak zia hâwi vima a chaknâk kip ah chak hen, Pa, chêu ah mi thenhlimh tla ro chu bâwm bâk tlâk a hawng kan siamtu sinah chun lâwmthu simh hen zeizawng lakah amah lungâwitir ding hen Lalpa zûl tlâk hen nan um kho lai.

KOLOSA 1:6

Chu Thâwngthâng Ṭha chu laikulh zawzawngah rah hen a pung vima hâwi hen nan sinah a tleng kha. Chu hâwi ber hen, Epaphra kan to-aw hâwi duhtak lakah nan châwng hâwi hen, thungâi tak hen Pathian zângfahnâk chu nan ngâi hen nan theih ni thawk khan, nanmah lak khawm ah rah hen a pung vima tâwn asi.

KOLOSA 2:14

kan buarnâk zawzawng hawng kan ngâihdam le, batnâk lasui thupêk a rîn mi kan tlûnah um mi hawng kan kham tâwn chu a veih rawh asi, chu tak chu Kraws a khenhbêk hen a dangah a siah rawh.

KOLOSA 2:20

Laikulh thlarau tla lâirêlnâk chu Krist sinah an thih tâk rawh chun, zei rangah me laikulh ah nung ko hâwi hen, minung thutiam leh sîntirnâk,

HEBRAI 10:10

Pathian nih ti ding hen a duh mi hâwite hen Jisu Krist nih a ti ruangah amah taksa lakah mi zawzawng rangah veikhat â pêknâk nih chun sual lakah mi hawng kan thenhlimhtir asi.

1 PETER 2:24

Sual leikângah thi rawh hen, repnâk leikângah kan nung khonâk ding hen Krist ngelchel nih kraws ah khan a taksa hen kan sual tla a phurh le, amah liamnâk tla hen damtir hen nan um rawh.

THUPHUANG 19:7

lâwptlo tak hen kan um lai le, amah kan chawnglawmh lai, Dawrâ Fa nupi neih chu a zâ rawh le, a nupi khawm â tîm zet rawh,” a ti mi kha ka theih.

THUPHUANG 21:9

Chun, vânmifial pasarih tla lakah pakhat, berhbu pasarih khat phak hen rêpnâk pasarih puttu chu ka sinah a hawng le, “Hawng le, Mo, Dawrâ Fa nupi chu ka nan muhtir lai,” a ti.