ROM 7:23 - Bawm Common Language Bible Version

²³ Sikhawmsele, ka taksa ṭeng tla lakah hin dân dang a um ti ka theih, chu nih chun ka thinlung dân a do le, ka taksa ṭeng tla lakah sualnâk dân a um mi sinah chun sal ah hawng ka ruai tâwn.

ROM 7:23 ပူးပေါင်းရင်းမြစ်များ

SAM 142:7

Ka hamhnâk ah mi hi hawng ka suah le; na mi tla pumhnâk ah ka nan sawr lai; keimah lakah na ṭhat ruangah chun.

THUSIMTU 7:20

Tual tlûnah thil dik ti kumzatu leh palh dahlotu pakhat khawm a um lo.

ROM 6:13

Nan taksa ṭeng tla khawm replonâk ruakhâu rang ding ah sualnâk ah pêk siang lah u; khawmsele, mithi lakah mi nung nawlh hâwi hen Pathian sinah a pêk ule, nan taksa ṭeng tla khawm chu repnâk ruakhâu rang ding ah Pathian sinah pêk siang dauh u.

ROM 6:19

Nan taksa ṭeng tla chu nâwmtâmnâk ah leh buarnâk ding hen buarnâk sal ah nanna pêk siang hâwi khan, tuah nan taksa ṭeng tla chu thenhlimhnâk ding hen repnâk to-aw ah pêk siang u.

ROM 7:14

Dân chu thlarau lei thil asi ti kan theih asi. Kei lam chu taksa leiah mi, sual sal ah zuar rawh mi kasi.

ROM 7:21

Chun, hi dân hi ka hawng theih rawh; thil ṭha ti ka duh liauah sualnâk ka lakah a hawng um tâwn asi.

ROM 7:25

Jisu Krist kan Lalpa ruangah Pathian sinah lâwmthu kan sim asi. Chun keimah tak nih chun ka thinlung hen Pathian dân rian ka ṭuan tâwn, ka taksa lam nih chun sualnâk dân rian a ṭuan tâwn.

ROM 7:5

Taksa ah kan um liau khan Dân ruangah duhnâk sual a hawng suak mi tla nih chun, kan taksa ṭeng tla ah thihnâk rê a rah ding hen a ṭuan tâwn.

ROM 8:2

Krist Jisu ah nungnâk thlarau Dân nih chun sualnâk leh thihnâk Dân ah mi chu hawng kan suah rawh asi.

GALATIA 5:17

“Taksa nih hin Thlarau lei donâk a duh tâwn, Thlarau khawm nih taksa lei donâk a duh tâwn; thilti nan tum mi tla chu nan ti kho lonâk ding hen chubang tla chu â kalh asi.

HEBRAI 12:4

Sual do hen thih phah rê hen nanna ṭang lo rih.

JEM 3:2

Kan ektê hen kan sual tâwn. Mi, a thusim ah palh dahlo mi chu mi rangtling asi, a taksa pum khawm vêng kho mi asi.

JEM 4:1

Nan lakah donâk leh elnâk tla hi a zei thawk hen a hawng suak mi me si? Nan taksa ṭeng lakah donâk siam tâwntu chu nan duhnâk thawk hen a hawng suak mi si lo mazei?

1 PETER 2:11

Duhtak le tla, khual leh khualtlâwng mi nan si ruangah thlarau do tâwntu taksa duhnâk tla bângtâk ding hen ka nan ngiar na asi.