ROM 7:18 - Bawm Common Language Bible Version

¹⁸ Keimah lakah, chu chu ka taksa lakah tinâk asi, thil ṭha rerêng a um lo ti ka theih. Thil ṭha ti duhnâk chu keimah lakah a um narêng hen, thil ṭha tinâk lam chu a um lo.

ROM 7:18 ပူးပေါင်းရင်းမြစ်များ

GENESIS 6:5

LALPA nih tual ah mikip zeiliau zawng ah an sual zia leh an thinlung dawn a ṭhat lo zia a muh le,

GENESIS 8:21

Bâwlnâk rim nih LALPA chu a lawmhtir le, a thinlung hen, “Minung chu an thilti leh an ngâksiatê thawk hen an thinlung dawn a sual zia ka theih mi asi ruangah tual chu siat ka barh lai lo rawh. Tutan ah ka ti mi hâwi hen zeiliau khawm ah thil nung zawzawng tla ka veih lai lo rawh.

JOB LASUIBU 14:4

Zei thil tal minung a nâwm mi thawk hen chun thil thiang a suak dah loh.

JOB LASUIBU 25:4

Pathian mitmuh ah âu rep leh thenlimh hen um kho?

SAM 119:173

Na thupêk tla ka zûl ruangah, hawng ka ṭangpi ding hen a tîm kumza.

SAM 119:176

Dawrâ tlâu hâwi hen ka vâi le, churuangah hawng le, hawng ka zauh, Na to-aw hi, na dân thu chu ka thlawrhthlâu lo ruangah.

SAM 119:32

Theihthiamnâk tam dauh na ka pêk awt ruangah lâwm tak hen na dân thu ka zûl lai.

SAM 119:40

Na thupêk tla zûl ding ka duh le; na rep ruangah nungnâk thar hawng ka pêk.

SAM 119:5

Na sîntirnâk zumhkâi tak kil ding hen ka lungum thlo!

SAM 51:5

Ka suak tîr thawk hen sual lakah ka um le; ka suak ni thawk hen sual lakah ka um.

ISAI 64:6

Kan ektê hen misual kan si; kan thilti ṭha chem khawm a nâwm mi hep asi. Kan sual ruangah thingnah a uai mi thli nih a sêm ving mi hâwi kan si.

MATHAI 15:19

Thinlung ah hin dawnnâk sual tla, mi thahnâk tla, ṭângdang pawmnâk, duhnâk, fîrnâk, phiarnâk, simsiatnâk tla a hawng suak tâwn.

LUK 11:13

Chuvachun, nannih misual men nih nan fa tla thil ṭha pêk ding dân nan theih chun, nan Pa vân ah mi nih chun amah deihtu tla chu Thlarau Thenhlimh a pêk tam khun lai!” a ti.

JOHAN 3:6

Taksa ah a suak mi chu taksa asi, Thlarau ah a suak mi chu Thlarau asi.

ROM 13:14

Lal Jisu Krist râlthuam hen chun a thuam dauh ule, nan taksa duhnâk zawh ding hen zeikhawm a siam lah u.

ROM 7:15

Thil ka ti mi hi a ngaihnâk ka theih lo. Ka ti tâwn mi hi ka thilti duhzia asi lo, ka thil huatkâng tak chu ka ti dauh tâwn asi.

ROM 7:19

Ṭhatnâk ti ka duh mi hi ka ti lo le, sualnâk ti ding ka duh lo mi hi ka ti dauh tâwn.

ROM 7:25

Jisu Krist kan Lalpa ruangah Pathian sinah lâwmthu kan sim asi. Chun keimah tak nih chun ka thinlung hen Pathian dân rian ka ṭuan tâwn, ka taksa lam nih chun sualnâk dân rian a ṭuan tâwn.

ROM 7:5

Taksa ah kan um liau khan Dân ruangah duhnâk sual a hawng suak mi tla nih chun, kan taksa ṭeng tla ah thihnâk rê a rah ding hen a ṭuan tâwn.

GALATIA 5:17

“Taksa nih hin Thlarau lei donâk a duh tâwn, Thlarau khawm nih taksa lei donâk a duh tâwn; thilti nan tum mi tla chu nan ti kho lonâk ding hen chubang tla chu â kalh asi.

GALATIA 5:24

Chun, Krist Jisu mi le nih chun taksa chu a sual dawnnâk leh a duhnâk tla hen an khenhbêk rawh.

PHILIPI 2:13

amah lawmhkâng rangah ti tum ding leh ti ding hen nanmah lakah ṭuantu chu Pathian asi ruangah.

PHILIPI 3:12

Ka ting rawh ka ti mi lam chu asi lo le, rangtling kasi khawm ka ti mi si lo, “Krist nih a ka tleih san chu ka tleih kho lai mawh,’’ ti hen a ṭhâwl hen ka ṭhâwl dauh asi.

TITA 3:3

Kannih khawm a lânah â tak leh ê-aw ngâilo leh perpet mi leh, duhnâk leh lawmhnâk kip leikângah pial mi leh sual leh nahsuah mang hen um mi leh fihnungkâi leh a huat tawnh mi tla kan si ruangah.

1 PETER 4:2

Churawhchun, tu thawk hen chun minung duh dân silo hen, taksa ah nan um kar zawng chu Pathian duhzia hen nan um ding asi.