ROM 7:12 - Bawm Common Language Bible Version

¹² Chun, Dân chu a thenhlimh asi, thupêk khawm a thenhlimh le, â rep le, a ṭha asi.

ROM 7:12 ပူးပေါင်းရင်းမြစ်များ

NEHEMIAH 9:13

Sinai Tlângah vân thawk hen na hawng ṭum le, na mi tla sinah thu na sim le, sîntirnâk ṭha tak leh Dân ṭha na pêk na.

SAM 119:127

Na thupêk tla chu ngûn ngâk hen ka duh dauh, ngûn a ṭha chem mi ngâk hen khawm ka duh dauh.

SAM 119:137

LALPA, nang chu mirep na si le, na dân tla chu a dik.

SAM 119:140

Na thutiam tla chu a fiang a! Ka duh chiam e!

SAM 119:172

Na dân thu tla a rep ruangah, na dân thu chu la hen ka sak lai.

SAM 119:38

Na thu ngâitu tla sinah thu na tiamh na mi chu kil kho ding hen kei, na to-aw sinah hin hawng ka kiltir.

SAM 119:86

Na thupêk zawzawng tla chu zumh a kâi asi; mi tla nih nabeibâng hen an ka nehsawh, hawng ka ṭangpi rawh.

ROM 12:2

Hi laikulh dân hâwi hen um lah ule, Pathian duhzia a ṭha leh lawmh tlâk leh ṭhat rangtling chu nan theihfiang khonâk ding hen nan thinlung a thar a um hen hawng a dang dauh u.

ROM 3:31

Asi leh, lung ruangah Dân chu zeikhawm lo ah kan siam mazei? Si rîlmâl lo; Dân chu kan birhtir lehlam asi.

ROM 7:14

Dân chu thlarau lei thil asi ti kan theih asi. Kei lam chu taksa leiah mi, sual sal ah zuar rawh mi kasi.

ROM 7:16

Ka ti duhkâng chu ka ti asi chun, Dân chu a ṭha ti hen zâwt kasi lo lai mazei?

DEUTERONOMY 10:12

“Tuah Israel mi tla, LALPA nan Pathian nih a nan ngiar na mi chu ngâi u: LALPA chu sawnh ule, thu a nan pêk na mi zawng chu ti u, amah chu nan thinlung zawzawng hen dâwt ule, a nâwl zulh u,

DEUTERONOMY 4:8

Phun dang, zei ti tal rokual khawmsele, tusûn ni ah ka nan simh na mi hâwi hen dân dik an nei lo.

1 TIMOTHE 1:8

Mi nih dân hi a mang dân ding hâwitê hen a mang chun a ṭha asi ti kan theih.