ROM 7:10 - Bawm Common Language Bible Version

¹⁰ kei chu ka thi rawh. Chun, nungnâk ding hen thupêk chu thihnâk ding a hawng si ti ka theih rawh.

ROM 7:10 ပူးပေါင်းရင်းမြစ်များ

EZEKIEL 20:11

Ka thupêk tla ka pêk na le, ka dân tla ka sîntir na, a zûltu tla rangah nungnâk ding hen.

EZEKIEL 20:13

Sikhawmsele ramkaro ah an ka siarlo. A zûltu âuzawng rangah nungnâk ding mi dân leh thupêk tla chu an buar le an duh lo. Dinhni tla an nawmh dep. Ramkaro ah anmah tla chu ka thinthawknâk fâk tak theihtir leh veih dep na ding hen ka tîm rawh.

EZEKIEL 20:21

“Sikhawmsele, chu thlâk tla khawm nih an ka siarlo. Ka dân tla an buar le, ka thupêk âuzawng a zûltu rangah nungnâk ding mi chu an zûl duh lo. Dinhni tla an nawmh. Anmah tla ramkaro ah thah hep na ding hen ka thinthawknâk fâk tak theihtir na ding ka tum.

LEVITICUS 18:5

Dân ka nan pêk na mi zûl hen ti ule, chu hâwi nan ti chun nan nungnâk nan hum mi asi lai. Kei, LALPA kasi,” a ti.

ROM 10:5

Mosi nih chun “Dân ah repnâk zâwttu chu, chu repnâk ruangah chun an nung lai,” ti hen a rîn.

ROM 4:15

Dân nih chun thinthawknâk a siam tâwn le, Dân umlonâk ah lam chun buarnâk khawm a um lo.

ROM 7:9

Chun, a lan khan kei dân lo hen ka nung le, sikhawmsele thupêk chu a hawng um kâ hen sual a hawng thawk le,

2 KORIN 3:7

Mosi mêl a rokual ruangah Israel fa tla nih chun a mêl an zauh kho lo le, chu rokualnâk chu a vei duaimâi, thihnâk rianṭuannâk lung ah hawrawp a ṭialh mi men chu hâwi tluk a rokual hen a tlung chun,

GALATIA 3:12

Chun, Dân chu lungnâk ah mi asi lo, “Chu hâwi a titu chu, chu lakah chun a nung lai,” ti asi dauh.