ROM 6:4 - Bawm Common Language Bible Version

⁴ Churuangah, a thihnâk ah baptis kan si chun a sinah phûm bâk hen kan um; Pa rokualnâk nih mithi lakah mi Krist a thawh hâwi hen khan, kannih khawm nungnâk thar a kan um khonâk ding hen.

ROM 6:4 ပူးပေါင်းရင်းမြစ်များ

JOHAN 11:40

Jisu nih a sinah, “Na lung chun Pathian rokual zia na muh lai, ka nan ti lo mazei?” a ti.

JOHAN 2:11

Jisu nih singsiahnâk a ti masa chemnâk hi Galili ram ah Kana ah chun a ti le, a rokual zia a langhtir rawh; chun, a ṭhiruai tla nih chun amah chu an zumh rawh.

THILTI 2:24

Kha minung kha Pathian nih thihnâk phuar tla chu a sût piak le, a thawh rawh; amah chu thihnâk nih tleih pawt kho asi lo ruangah.

THILTI 2:32

Jisu chu Pathian nih a thawh nawlh asi, chu chu a theihtu kan ektê hen kan si ver asi.

ROM 6:19

Nan taksa ṭeng tla chu nâwmtâmnâk ah leh buarnâk ding hen buarnâk sal ah nanna pêk siang hâwi khan, tuah nan taksa ṭeng tla chu thenhlimhnâk ding hen repnâk to-aw ah pêk siang u.

ROM 6:3

Kan lakah Jisu ah baptis hen um mi vial tla chu a thihnâk ah baptis hen kan um ti nan theih lo ma?

ROM 6:8

Chun, Krist sinah kan thi bâk rawh chun a sinah kan nung bâk lai ti kan lung asi; Krist chu mithi lakah mi thawh hen a um le,

ROM 6:9

a thi nawlh awtlo rawh ti kan theih; thihnâk nih chun amah tlûnah thu a nei lo rawh.

ROM 7:6

Tuah lam chun hawng kan tleihtu lakah thi rawh hen, Dân lakah mi thlah hen kan um rawh, Dân rîn mi lampi li ah silo hen, Thlarau lampi ah rian kan ṭuan asi.

ROM 8:11

Sikhawmsele, mithi lakah mi Jisu thawhnawlhtu thlarau chu nanmah lakah a um chun, mithi lakah mi Krist Jisu thawhnawlhtu nih khan nanmah lakah um mi Thlarau ruangah chun, nan taksa thi kho tla chu a nungtir lai.

1 KORIN 6:14

Chun, Pathian nih Lalpa chu a thawh le, kannih khawm a thiltikhonâk hen hawng kan thawh bâk lai.

2 KORIN 13:4

Anih chu chaklonâk ruangah khenhbêk hen a um asi, sikhawmsele Pathian thiltikhonâk ruangah a nung rerêng rawh. Kannih khawm amah lakah chun kan chak lo asi, sikhawmsele nanmah leiah Pathian thiltikhonâk ruangah a sinah kan nung bâk lai.

2 KORIN 5:17

Churuang chun âuzawng Krist ah a um chun thilsiam thar a hawng si; thil li chu a vei rawh; ngâinik u! a hawng thar rawh.

EPHESI 4:17

Chun, hi hi ka sim hen Lalpa ah chun ka nan theihtir na asi: Phundang tla chu thinlung mangtlâklo put a an um hâwi hen um lah rawh ule,

EPHESI 5:8

A lânah khan mûi ah nan um le, sikhawmsele Lalpa mi tla nan si nûnah chun chêu lakah nan um rawh. Churuangah, chêu lakah um mi tla hâwi hen nan um ding asi.

KOLOSA 3:10

chu minung thar chu theih rangtlingnâk nei ding hen a siamtu bangh a siamthar hen a um liau chir asi;

KOLOSA 4:1

Hotu le tla, nannih khawm nih vân ah hotu nan nei ti theih hen, nan sal tla tlûnah a rep leh dawh tâwk chu ti u.

1 PETER 3:21

chu chu baptisma zauhtirnâk asi. Baptisma chu taksa lakah mi nâwmtâm thianhnâk chu asi loh, sia leh ṭha theihnâk hen Pathian lakah thutiam asi dauh. Chu nih chun tuah Jisu Krist thawknawlhnâk zârah ruang a nan suah na asi.

1 JOHAN 2:6

Pathian sinah kan um asi ti theihnâk chu hi hi asi, Pathian lakah ka um titu chu Jisu hâwitê hen a um ding asi.