ROM 6:3 - Bawm Common Language Bible Version

³ Kan lakah Jisu ah baptis hen um mi vial tla chu a thihnâk ah baptis hen kan um ti nan theih lo ma?

ROM 6:3 ပူးပေါင်းရင်းမြစ်များ

MATHAI 28:19

Chuvachun, kal ule, phun kip lakah mi ṭhiruai tla ah siam na ule, Pa leh Fapa leh Thlarau Thenhlimh min hen baptis na ule, thu ka nan pêk na mi zawzawng zâwt ding hen sîntir na u.

THILTI 19:5

Chun, chu thu chu an theih kâ hen Lalpa Jisu min hen baptis an si rawh.

THILTI 2:38

Chun, Peter nih chun an sinah, “Rim ule, nan sual tla ngaihdamnâk ding hen Jisu Krist min hen baptis hen um chiau u, chun Thlarau Thenhlimh pêk mi hi nan tawng lai.

THILTI 8:16

Chu lânah chun an lakah âu tlûn khawm ah Thlarau Thenhlimh a hawng tlung lo rih le, Lalpa Jisu min hen baptis an si cho asi.

ROM 6:16

Si lo e; âu sin zawng ah an thu zâwt ding hen to-aw ah nan lût chun, thihnâk rê hen sual to-aw mawh, repnâk rê hen thu zâwt to-aw mawh, a thu zâwt hen to-aw nan si ti nan theih lo mazei?

ROM 6:8

Chun, Krist sinah kan thi bâk rawh chun a sinah kan nung bâk lai ti kan lung asi; Krist chu mithi lakah mi thawh hen a um le,

ROM 7:1

Asi chun, unau tla, Dân nih chun mi a dam kar zawzawng a tlûnah lâi a rêl tâwn ti nan theih lo masi? Dân theih mi tla sinah ka sim asi hi.

1 KORIN 10:2

an ektê hen sûm lakah tisumsumriat ah khawm Mosi sinah baptis hen an um ver.

1 KORIN 12:13

Kan ektê hen, Juda mawh, Phundang mawh, sal mawh, sal lo mawh taksa pumkhat a um ding hen Thlarau pumkhat cho ah baptis hen kan um chiau le, Thlarau pakhat cho hawng kan dintir chiau fâwn.

1 KORIN 15:29

Chu hâwi asi lo chun, mithi ruangrûl ah baptis si mi tla chu zeitin me an ti na lai? Mithi tla chu thawh hen an um lo chun zei rangah me thih ruangrûl ah baptis an si tâwn ne?

1 KORIN 3:16

Pathian in nan si ti leh Pathian Thlarau nanmah lakah a um kumza ti nan theih lo mazei?

1 KORIN 5:6

Nanna zûmnâk hi a ṭhalo. Thilnu tâwmtê nih sang tlang chu a pum hen a zunh hep tâwn ti nan theih lo masi?

1 KORIN 6:19

Asi chun, nan taksa chu nan sungah um Pathian sinah mi nan tawng mi Thlarau Thenhlimh in asi ti nan theih lo masi? Mah tâ khawm nan si lo le, man hen châwk nan si rawh asi.

1 KORIN 6:9

Asi chun, mirep lo tla nih chun Pathian Ram an luah lai loh ti nan theih lo masi? Perpet hen um lah u; pung-le-lêng mang tla mawh, ruk sawnh tla mawh, ṭângdang pawmtâktu tla mawh, mi hur tla mawh, tawkua hur tla mawh,

1 KORIN 9:13

Zarh thil timhtuahtu tla nih chun Pathian Biakin ah mi thil an ei mi leh mâichâm ṭuantu tla nih chun mâichâm ah tingvo an nei ti nan theih lo mazei?

1 KORIN 9:24

Tekzuam tla chu an ektê hen an tek le, sikhawmsele pakhat cho nih lâwmman a tawng ti nan theih lo mazei? Nan tawng khonâk ding hen chu hâwitê hen tek u.

2 KORIN 13:5

Lungnâk ah chun nan um mawh nanmah ngelchel a nik tâwn u; nanmah ngelchel a zauhfiang u. Asi lo leh, nanmah lakah Jisu Krist chu a um ti nanmah tak nih nan theihfiang lo mazei? Duh lo mi nan si lêm lo chun.

GALATIA 3:27

Nan lakah Krist ah baptis si rawh mi vial tla kha Krist hen nanna thuam rawh ruangah.

JEM 4:4

Nannih mi zumhkâilo tla, laikulh hâwikawmh sinâk hi Pathian mêlma asi ti nan theih lo ma? Âuzawng laikulh hâwikawmh si a duh mi vial chu Pathian mêlma ah â siam tâwn asi.

1 PETER 3:21

chu chu baptisma zauhtirnâk asi. Baptisma chu taksa lakah mi nâwmtâm thianhnâk chu asi loh, sia leh ṭha theihnâk hen Pathian lakah thutiam asi dauh. Chu nih chun tuah Jisu Krist thawknawlhnâk zârah ruang a nan suah na asi.