ROM 5:5 - Bawm Common Language Bible Version

⁵ Chun, Thlarau Thenhlimh kan sinah hawng kan pêk mi nih khan Pathian dâwtnâk chu kan thinlung ah a khattir rawh ruangah lungumnâk nih chun a mualphotir lo.

ROM 5:5 ပူးပေါင်းရင်းမြစ်များ

JOB LASUIBU 27:8

Pathian nih an nungnâk a lâk piak na tikah Pathian neilotu tla nih zei lungumnâk an nei?

SAM 119:116

Na thutiam hâwi hen chaknâk hawng ka pêk le; ka nung lai, Ka lungumnâk lakah hin lungdawng hen hawng ka siam lah.

ISAI 49:23

Lalchem tla chu na rangah pa hâwi an si lai le; lalnu tla chu nu hâwi an si lai. Na mâika ah an hawng kûn hen a nan zah lai; thinlung nâu tak hen a nan zah zia an langh lai. Chu tikah kei LALPA kasi mi leh keimah ṭangpinâk ngâktu tla chu pakhat khawm lungdawng hen an um lai lo ti na theih lai,” a ti.

EZEKIEL 36:25

Tî thiang ka nan theh na lai le, nan milem zawzawng leh thil dang a nan nawmhtir natu zawzawng lakah mi ka nan thiangtir na awt.

THILTI 10:45

Chun, fêmtan tla lakah lungtu tla, Peter zûltu vial nih chun Thlarau Thenhlimh pêk mi chu Phundang tla lakah khawm tawih asi ruangah thungâi chê an ti.

THILTI 2:17

‘Pathian nih ni madung tla ah chun, mi zawzawng tlûnah ka Thlarau ka tawih lai le, nan fapa tla leh nan fanu tla nih ka thu an sim lai, nan tlangvâl tla nih muhtirnâk an muh lai, chun tar tla nih mang tla an manh lai.

THILTI 2:33

Pathian vawrhlei ah chawnglawmh hen a um le, Thlarau Thenhlimh tiamh mi chu Pa sinah thawk hen a tawng le, nan muh leh nan theih mi hi a hawng tawih asi hi.

ROM 1:7

Churuangah nannih Rom khua ah um mi tla, Pathian nih a dâwt mi tla leh amah mi tla siding hen kawh mi tla zawzawng sinah ka rîn asi: Pathian kan Pa leh, Lalpa Jisu Krist sinah thawk hen zângfahnâk leh remnâk nan sinah um seh.

ROM 8:28

Chun, Pathian dâwttu amah ruat hâwi hen a kawh mi tla rangah chun ṭhatnâk ding hen zeizawng hen a ṭuan piak na tâwn ti kan theih.

ROM 9:33

Pathian lasui thu nih: “Zauhnik, Zion ah chun tlûknâk lung leh khamnâk lungpi ka siah le, âuzawng amah lungtu vial chu an lungdawng lai loh,” ti hen a sim hâwi khan.

1 KORIN 8:3

Sikhawmsele, âuzawng nih Pathian a dâwt chun, chu tak chu amah theih asi.

2 KORIN 1:22

Anih chu hawng kan singsiahtu leh kan thinlungah Thlarau Thenhlimh hawng kan pêktu asi ber.

2 KORIN 13:14

Lalpa Jisu Krist zângfahnâk leh Pathian zângfahnâk leh Thlarau Thenhlimh kawmhnâk chu nan ektê sinah um seh.

2 KORIN 3:18

Chun, kannih chu kan ektê hen mêl khuh lo hen thlalang hâwi hen Lalpa rokualnâk cherh hen, rokualnâk thawk hen rokual vima hen, chu banghpi hâwi a um ding hen dangtir hen kan um tâwn, Lalpa Thlarau lakah mi kanna ting hâwi vima hen.

2 KORIN 4:6

Jisu Krist mêl ah chun Pathian rokual zia chêu chu hawng kan pêk ding hen, “Mûi lakah mi chêu a hawng chêu lai,” titu Pathian nih chun kan thinlung tla hi a hawng cherh rawh ruangah.

GALATIA 4:6

Chun, fa nan si ruangah Pathian nih a Fapa Thlarau chu “Abba, ka Pa” ti a auh hen, kan thinlung ah a hawng fial.

GALATIA 5:22

Thlarau rah lam chu zângfahnâk, lâwptlonâk, remnâk, dawnhkhonâk, vêlneihnâk, ṭhatnâk,

EPHESI 1:13

Amah lakah nannih khawm thudik chu nan ruangsuahnâk Thâwngthâng Ṭha chu nan ngâi hen, lung khawm nan lung nûnah amah lakah Thlarau Thenhlimh tiamh hen chun singsiah hen nan um kha.

EPHESI 4:30

Chun, Pathian Thlarau Thenhlimh chu lungzûrtir lah u, tlanhnâk ni rang ding ah chu hen chun singsiah hen nan um kha.

PHILIPI 1:20

tu khawm ah nungnâk ruangah mawh thihnâk ruangah mawh ka taksa ah Jisu chawnglawmh hen a um dauh awt ti ka lungumnâk leh ka duhnâk hâwi vima hen.

1 THESALONIKA 4:8

Churuangah, a siarlotu nih chun minung a siarlo asi lo le, Pathian, a Thlarau Thenhlimh a nan pêk tâwn natu siarlo mi asi dauh.

2 THESALONIKA 2:16

Chun, kan Lalpa Jisu Krist ngelchel leh Pathian kan Pa, hawng kan zângfahtu leh a siherhnâk hawng kan pêk mi thinlung dik lungumnâk ṭha pêktu nih chun nan thinlung tla chu an lungngamh na hen,

2 TIMOTHE 1:12

Churuang chem asi, hi bang thil khawm hi ka tuar mi chu; sikhawmsele ka ningzak lo; ka lung mi Pathian chu ka theih, a sinah ka kiltir mi chu, chu Ni rang ding ah chun ṭha dek hen a kil kho ti dik tak hen ka theih ber.

1 JOHAN 4:19

Pathian nih a hawng kan zângfah masa ruangah kan zângfah asi.