ROM 5:2 - Bawm Common Language Bible Version

² Amah ruang ber ah hi zângfahnâk ah hin bir tak hen kan dîrnâk ah hin lungnâk hen kan lût rawh. Churawhchun, Pathian rokualnâk lungum hen lâwm hen kan um.

ROM 5:2 ပူးပေါင်းရင်းမြစ်များ

SAM 17:15

Thilsual ka ti lo ruangah kei lam nih chun kan muh lai, chun, ka meng tikah na ka umpinâk nih lâwm hen ka khat lai.

SAM 73:24

Na remruatnâk hen na ka rui le, a dawnghnâk ah chun chawnglawmhnâk hen na ka ting lai.

THUFING LASUIBU 14:32

Misual tla nih an thilti hen anmah niamnâk ding hen thil an ti le, sikhawmsele, mi ṭha lam chu an rangtlingnâk hen anna hum.

HABAKUK 3:18

dawrâ rual tla thi hep hen, ran siahnâk lâwng tleng khawmsele, ka lâwm hen lâwptlo tak hen ka um kumza lai.

MATHAI 25:21

Anih nih chun a sinah, ‘To-aw ṭha leh zumhkâi, na ti zia a ṭha, tâwmtê tlûnah zumh na kâi le, tam tak tlûnah ka nan umtir lai; na pu lâwmnâk ah lût rawh,’ a ti.

JOHAN 10:7

Chun, Jisu nih an sinah a sim nawlh le, “Thungâi tak hen ka nan simh na, kei hi dawrâ kawtkâ chu kasi.

JOHAN 10:9

Kei kawtkâ chu kasi; âuzawng keimah lakah a lût mi chu ruangsuah hen a um lai le, a lût hen a suak lai, ei ding a tawng lai.

JOHAN 14:6

Jisu nih a sinah, “Keimah hi lampi leh thutak leh nungnâk kasi; keimah lakah kal lo mi chu âukhawm Pa sinah an tlung lai loh.

JOHAN 5:24

“Thungâi tak hen ka nan simh na, âuzawng ka thu theih hen, hawng ka fialtu lung nih chun zungzâl nungnâk a nei rawh, mawh hen a um lo le, thihnâk thawk hen a suak le, nungnâk ah a lût dauh asi.

THILTI 14:27

Chun, an tlung nûnah kawhmi tla chu an pumh na le, Pathian nih anmah tla mang hen thil a ti mi zawng tla leh phundang tla rangah lungnâk inkhâr a awng piak na zia tla chu an sim.

ROM 11:20

Hi hi a dik asi: An lunglonâk ruangah khiak hen an um le; nang na lungnâk ruangah na dîr asi.

ROM 12:12

Lungumnâk leikângah chun a lâwm ule, hamhtuar leikângah chun felfê ule, thlachamnâk leikângah chun thlacham kumza ule;

ROM 14:4

Midang to-aw simsâwitu chu âu me na si? A dîr leh a tlûk chu amah hotu rang asi. Sikhawmsele, anih khawm dîrtir hen a um lai, Lalpa nih chun a dîrtir kho asi.

ROM 15:13

Thlarau Thenhlimh thiltikhonâk zârah lungumnâk nan nei tam khonâk ding hen, lungumnâk Pathian nih chun nan lung ruangah lâwmnâk leh remnâk chi kip hen a nan khattir na seh.

ROM 2:7

Thil ṭha ti rarâm hen, rokualnâk leh chawnglawmhnâk leh thi kho lo mi nungnâk hâwltu tla sinah chun zungzâl nungnâk a pêk lai.

ROM 3:23

mi zawzawng nih thilsual an ti ver le, Pathian rokualnâk anna ting kho lo rawh.

ROM 5:5

Chun, Thlarau Thenhlimh kan sinah hawng kan pêk mi nih khan Pathian dâwtnâk chu kan thinlung ah a khattir rawh ruangah lungumnâk nih chun a mualphotir lo.

ROM 8:1

Chun, tu lam chun Krist Jisu ah um tla rangah chun mawhtirnâk rêng a um lo rawh.

ROM 8:24

Lungumnâk hen asi ruangsuah hen kan um mi hi; sikhawmsele, muh kho ko lungumnâk hi lungumnâk asi lo. Mi nih a muh kho ko mi chu zei rangah a lungum nget tâwn?

1 KORIN 15:1

Chun, unau le tla, Thâwngthâng Ṭha ka nan simh na mi kha ka nan theihtir nawlh na lai.

2 KORIN 3:18

Chun, kannih chu kan ektê hen mêl khuh lo hen thlalang hâwi hen Lalpa rokualnâk cherh hen, rokualnâk thawk hen rokual vima hen, chu banghpi hâwi a um ding hen dangtir hen kan um tâwn, Lalpa Thlarau lakah mi kanna ting hâwi vima hen.

2 KORIN 4:17

Kanna hamhnâk nêptê, tu mitthlep sung cho ah um ding mi nih hin rokualnâk cherkhet zungzâl rang ding hawng kan siam piak dadauh asi.

EPHESI 2:18

Krist zârah Thlarau munkhat ah Pa sinah, Juda leh Phundang nih lût khonâk kan nei vevê asi.

EPHESI 3:12

Krist Jisu kan lung ruangah chun amah lak berah ngamhnâk leh râlṭhatnâk ṭha tak a lût khonâk kan nei.

EPHESI 6:13

Churuangah, ni ṭhalo ah chun nan do khonâk ding hen leh nan ti thluh ver nûn khawm ah nan dîr khonâk ding hen Pathian râlthuam rangtling lâk u.

2 THESALONIKA 2:16

Chun, kan Lalpa Jisu Krist ngelchel leh Pathian kan Pa, hawng kan zângfahtu leh a siherhnâk hawng kan pêk mi thinlung dik lungumnâk ṭha pêktu nih chun nan thinlung tla chu an lungngamh na hen,

HEBRAI 3:6

Krist chu Pathian in ah thuneitu fapa asi hâwi hen zumh a kâi asi, kan lungum mi lakah kan râlṭhatnâk leh kan lungnâk bir tak hen kan tleih thlir chun Pathian in kan si.

HEBRAI 6:18

Thil panih a um: Pathian a âwkrâwl kho lo mi leh thlakthleng kho lo mi chu, kannih a sinah himnâk tawngtu tla hi kan mâilei ah lungumnâk chu bir tak tleih thlir ding hen fâk tak hen fawrh kan si.

1 PETER 3:18

Churuangah, Krist ngelchel chu nan rangah a thi le, sual tla ruangah mi zawzawng rangah veikhat a thi le, Pathian sinah hawng kan ruai ding hen mi ṭhalo ruangrûl ah mi ṭha a thi. Taksa ah chun thah hen a um le, thlarau ah chun nunh hen a um.

THUPHUANG 21:11

A chêu zia chu lungmantam, jaspar lung hâwi hi asi, kristal lung hâwi hen a lek.

THUPHUANG 21:23

Chun, chu khua nih chun a cherhtu ding hen nî a herh lo, thlâ khawm a herh lo; Pathian rokualnâk nih a cherh le, an meichêu chu Dawrâ Fa asi.

THUPHUANG 21:3

Chun, laltophah thawk hen aw-hâu fâk tak hen, “Ngâinik, Pathian bâsâ chu minung lakah a hawng um rawh, anih chu an sinah a um lai le, annih tla chu a mi le an si lai le, Pathian ngelchel chu an sinah a um lai le; an Pathian asi lai.

THUPHUANG 3:21

A nehtu vial chu ka laltophah ah ka sinah ka totir lai le, kei khawm nih ka neh le, ka Pa sinah a laltophah ah ka to hâwi hen.