ROM 5:10 - Bawm Common Language Bible Version

¹⁰ Mêlma kan si liau men ah a Fapa thihnâk ruangah Pathian hen rem rawh mi kan si chun rem hen kan um rawh nûnah hin a nungnâk ruangah ruangsuah hen kan um ngelchel lai.

ROM 5:10 ပူးပေါင်းရင်းမြစ်များ

2 CHRONICLES 29:24

Lalchem nih thu a pêk mi hâwi hen bâwlpu tla nih mi zapi le sual veihnâk ding bâwlnâk ding hen kêl tla an thah le, mâichâm tlûnah an thlêt le, Israel mi zawzawng duahphung thil ap leh sual ruang thil ap an pêk.

EZEKIEL 45:20

Chu thla a ni sarih ni ah chun âuzawng mah nih tum ruang silo hen mawh theihlo ruangah sual mi tla ruangah chu hâwi ber hen nan ti lai. Chu hâwi hen Biakin chu thenhlimh tak hen nan kil ding asi.

DANIAL 9:24

“Hun sarih, kum sâwmsarih chu sual lo thlo hen khuapi thenhlimh leh na mi tla an um ding mi a sâwt kar zawng Pathian nih a ruat mi zat asi. Sualnâk chu ngaihdam asi lai le, repnâk chu birhtir asi lai, chu tikah langhnâk leh simhkannâk chu a dik lai rawh, Biakin thenhlimh khawm ap nawlh asi lai rawh.

LEVITICUS 6:30

Sikhawmsele zei thî tal Puanin sungah lûtpi mi sual thiangnâk ding ah mang mi chu, chu ran chu an ei ding asi lo; duah ding asi.

JOHAN 14:19

Sâwtlotê ah laikulh nih a ka muh lai lo rawh; sikhawmsele nannih nih chun nan ka muh lai; keimah ka nung ruangah nannih khawm nan nung bâk lai.

JOHAN 5:26

Pa nih amah lakah nungnâk a nei hâwi hen, Fapa khawm amah lakah nungnâk a neitir;

JOHAN 6:40

Chun, hi hi ka Pa duhzia asi, âuzawng Fapa muh hen, zumhtu zawng nih zungzâl nungnâk nei sele; chun, kei nih ni dawnghnâk ah chun annih chu ka thawh na lai,” a ti.

JOHAN 6:57

Pa nung mi nih chun hawng ka fial le, Pa ruangah nung kasi hâwi hen, âuzawng hawng ka eitu chu keimah ruangah anih khawm a nung lai.

ROM 11:28

Thâwngthâng Ṭha lei dawn chun nanmah tla rangah mêlma an si le, thîm leikâng thu ruat lam chun thlâktu tla ruang khan duhtak tla an si.

ROM 5:11

Chu cho khawm asi lo le, tuah remnâk hawng kan tingtirtu kan Lalpa Jisu Krist ruang chun Pathian ah kanna lâwm asi.

ROM 5:6

Kan chak lo liau khan, a tik takah Krist chu misual ruangrûl ah a thi rawh ruangah.

ROM 8:32

A Fapa tak khawm zuah lo hen kan ektê ruangrûl ah pêktu nih chun thil zawzawng khawm a thawt hen hawng kan pêk sih awtlo masi? Pathian mi thîm tla chu âunih phiar lai?

ROM 8:34

âunih annih rangah mawhtir kho na lai? Jisu Krist chu thihnâk thawk hen a thawk le, Pathian vawrhlei ah to hen, Pathian sinah hawng kan sim piaktu asi lo mazei?

ROM 8:7

Taksa duhkâng chu Pathian donâk asi ruangah chu chu Pathian Dân hen a um lo le, um khawm a um kho lo asi.

2 KORIN 5:20

Chun, Krist ruangrûl ah rêl kan si le, Pathian nih kanmah mang hen a nan ngiar chiam na ti kho asi. “Pathian hen hawng a rem u,” ti hen Krist ruangrûl ah ka nan ngiar na asi.

2 KORIN 5:21

Amah lakah chun Pathian repnâk kan hawng si khonâk ding hen sual rerêng nei lo Jisu chu Pathian nih kanmah ruangah sual ah a siam.

EPHESI 2:16

Kraws ah Krist thihnâk zârah phun nih tla chu taksa pumkhat ah siam hen Pathian hen a remtir asi, chu kraws nih chun remlonâk chu a thah ruangah.

EPHESI 2:3

Chubang lunglo fa tla lakah chun kannih khawm a lân chun taksa leh thinlung duhkâng ti hen, kan taksa duhnâk tla hâwi hen kan um ver le, midang tla hâwi ber hen Pathian thinrunhnâk tuar ding hen suak mi rêng kan si kha.

HEBRAI 2:17

Chun, mi tla rangah thutluangvawrnâk siam ding hen Pathian lei thu tla lakah bâwlpu lalchem siherhnâk nei kho mi leh zumhkâi tak asi khonâk ding hen zeizawng ah a unau tla hâwi hen a hawng um mi chu a rangah a herh rerêng asi.

HEBRAI 7:25

Chun, amah lakah Pathian sinah hawng kal mi tla chu a dawngh tiang hen ruang a suah kho asi, anmah tla rangah thlacham piak hen zungzâl hen a nung kumza ruangah.

1 JOHAN 2:1

Ka fa le, thilsual nan ti lonâk ding hen hi bang thu hi nan sinah ka hawng rîn asi. Chun, âuzawng nih thilsual a ti chun, Pa sinah simpitu Jisu Krist mirep chu kan nei asi,

1 JOHAN 4:10

Zângfahnâk ka ti mi hi, kanmah nih Pathian kan zângfah ka ti mi silo le, amah nih hawng kan zângfah le, kan sual tla ngaihdamnâk ding hen a Fapa a hawng fial ka ti dauh asi.

THUPHUANG 1:18

a nung mi chu kasi, ka thi le, sikhawmsele, ngâinik, zungzâl rangah ka nung nawlh rawh asi. Thihnâk leh mithi khua tlûnah thuneihnâk chu ka nei ber asi.