ROM 5:1 - Bawm Common Language Bible Version

¹ Churuangah, lungnâk ruangah mawhlo a um hen, kan Lalpa Jisu Krist ruangah Pathian hen rem hen kan um.

ROM 5:1 ပူးပေါင်းရင်းမြစ်များ

JOB LASUIBU 21:21

Mi a thi ving nûnah, a fa tla zei hâwi an um ti hen a theihpi kho na mazei?

SAM 122:6

Jerusalem rangah remnâk um ding hen thlacham le: “Nangmah duhtu tla chu an sul-le-lam tluang kho ding hen.

ISAI 27:5

Sikhawmsele ka mi tla mêlma tla nih ka kilkâwi na mi an duh chun ka lakah remnâk siam na seh. Asi, keimah hen remnâk siam hen um na seh,” a ti.

ISAI 32:17

Mikip nih thil dik an ti ruangah himnâk leh thlangamnâk a um kumza lai rawh.

ISAI 54:13

“Keimah tak nih na mi tla chu ka sîntir na lai le sul-le-lam tluangnâk leh thlangamnâk ka pêk na lai.

ISAI 55:12

Babulon chu lâwm bû hen nan kaltâk lai le, chu khuapi lakah mi chu thlangam tak hen nan suak lai. Tlâng sâng tla leh tlâng tênâu chu la sak hen hâu an suah lai le thing tla chu lâwm hen an âu lai.

HABAKUK 2:4

Thuchah lam chu hi hi asi: ‘Misual rerêng chu zuah an si lai lo, sikhawmsele mirep lam chu Pathian lakah zumh an kâi ruangah an nung lai, ti hi,” a ti.

ZEKARIA 6:13

Amah chu a saktu ding mi leh lal sinâk hen zahnâk tawng ding mi leh a mi tla lâirêltu ding chu asi. Bâwlpu chu a laltophah sîrah dîr hen munkhat hen rian an tuan lai le, thlangam leh nuam tak hen an um lai.

LUK 19:38

“Lalpa min hen Lalchem a hawng kal mi chu a thaw a suak! Vân ah rem thu lêng seh. Pathian sinah rokualnâk um seh!” ti hen, Pathian an sawr rawh.

LUK 19:42

“Aw, nang rîlmâl nih hin tu dam liau lungngamnâk ding thu hi hawng theih râm nik le! Sikhawmsele na muh lonâk ding hen â thup dangâiah.

LUK 2:14

“Chungnung chem ah Pathian rokual tak hen um seh. Tual tlûnah a lawmh ngâi mi minung tla sinah remnâk lêng seh,” an ti.

JOHAN 14:27

“Lungngamnâk ka nan mâk na; keimah lungngamnâk ka nan pêk na; laikulh nih a pêk hâwi hen ka nan pêk na lo hi. Nan thinlung lawksawng lah seh, ṭih khawm ṭih lah seh.

JOHAN 16:33

Hi bang thu hi nan sinah ka sim rawh hi; keimah lak hin nan lungngamnâk ding hen. Laikulh ah hin hamh hen nan um tâwn; sikhawmsele, lungngam tak hen um u, laikulh ka neh rawh,” a ti.

JOHAN 20:31

Sikhawmsele, hi bang hi, Jisu chu, Mesia, Pathian Fapa asi ti nan lung khonâk ding hen leh nan lung ruangah a min hen nungnâk nan nei khonâk ding hen rîn asi.

JOHAN 5:24

“Thungâi tak hen ka nan simh na, âuzawng ka thu theih hen, hawng ka fialtu lung nih chun zungzâl nungnâk a nei rawh, mawh hen a um lo le, thihnâk thawk hen a suak le, nungnâk ah a lût dauh asi.

THILTI 10:36

Anih nih chun lungngamnâk Thâwngthâng Ṭha Jisu Krist kâ ah sim hen, Israel thlâk tla sinah thu a kuat le, (Jisu chu mi zawzawng Lalpa asi.)

ROM 1:17

Thâwngthâng Ṭha nih chun a dawmhtîr thawk hen a dawngh tiang hen Pathian ah lungnâk ruang cho ah minung chu rep hen a um ti a langhtir asi. “Mi rep chu lungnâk hen a nung lai,” ti Pathian lasui thu nih a sim hâwi khan.

ROM 1:7

Churuangah nannih Rom khua ah um mi tla, Pathian nih a dâwt mi tla leh amah mi tla siding hen kawh mi tla zawzawng sinah ka rîn asi: Pathian kan Pa leh, Lalpa Jisu Krist sinah thawk hen zângfahnâk leh remnâk nan sinah um seh.

ROM 10:10

Mi leh nih thinlung hen an lung le, repnâk an tawng tâwn; kâ hen an ṭanh le, ruangsuahnâk an tawng tâwn asi.

ROM 10:15

Fial an si lo chun zeitin thu an sim lai? “Thâwngthâng Ṭha simtu tla hawng kal chu a chê a!” ti hen Pathian lasui thu nih a sim hâwi khan.

ROM 14:17

Pathian Ram chu din leh ei thu asi lo le, repnâk tla, remnâk tla, Thlarau Thenhlimh lâwmnâk tla asi dauh.

ROM 15:13

Thlarau Thenhlimh thiltikhonâk zârah lungumnâk nan nei tam khonâk ding hen, lungumnâk Pathian nih chun nan lung ruangah lâwmnâk leh remnâk chi kip hen a nan khattir na seh.

ROM 15:33

Remnâk Pathian chu nan ektê sinah um seh. Amen.

ROM 3:22

chu chu Pathian repnâk, Jisu Krist lung ruangah a lungtu vial tla sinah langhtir hen a um mi chu asi; dangnâk rerêng a um lo:

ROM 3:30

Juda tla chu an lung ruangah mawhtirlonâk ding leh Phundang tla chu an lungnâk ruangah mawhtirlotu ding thu Pathian pakhat cho asi chun Phundang tla Pathian khawm asi bâk lai ta a.

ROM 4:5

Sikhawmsele, rianṭuan lo hen Pathian sunhsak lo hen mawhtirlotu lung dauh mi lungnâk chu amah repnâk ah ruat asi.

ROM 5:11

Chu cho khawm asi lo le, tuah remnâk hawng kan tingtirtu kan Lalpa Jisu Krist ruang chun Pathian ah kanna lâwm asi.

ROM 5:18

Chun, sual pakhat ruangah mawhtirnâk lâirêl chu mi zawzawng tlûnah a hawng um le; chu hâwi ber hen thil rep pakhat ti ruangah nungnâk tawngnâk ding ken mawhtirlonâk thilthawt pêk chu mi zawzawng tlûnah a hawng um.

ROM 6:23

Sual man chu thihnâk asi; Pathian thilthawt pêk lam chu kan Lalpa Jisu Krist ruangah chun zungzâl nungnâk asi.

ROM 9:30

Zei me kan sim lai rawh ne? Phundang repnâk ṭhâwl lo tla nih chun repnâk an hawng phâk rawh asi-- lungnâk ruangah repnâk chu.

GALATIA 2:16

Sikhawmsele, Dân thilti tla ruangah mi mawhtir lo hen a um lo le, Jisu Krist lung ruangah cho mawhtir lo hen a um dauh ti kan theih, kannih khawm nih Dân thilti ruangah silo hen, Krist lungnâk ruangah mawhtir lo a kan um khonak ding hen Krist Jisu chu kan lung asi. Dân thilti ruangah âukhawm mawhtir lo hen an um lai loh.

GALATIA 3:25

Sikhawmsele, tuah lungnâk a hawng tlung nûnah hin dân hen ruinâk tangah kan um lo rawh.

GALATIA 5:22

Thlarau rah lam chu zângfahnâk, lâwptlonâk, remnâk, dawnhkhonâk, vêlneihnâk, ṭhatnâk,

EPHESI 2:7

Chun, tik hawng tlung ding mi lakah Krist Jisu ah kan tlûnah vêl nei hen a zângfahnâk neih fâk zia chu a zauhtir kho lai.

PHILIPI 3:9

Krist ka ting khonâk ding leh mah repnâk (Dân lakah repnâk chu) nei lo hen, Krist lung ruangah repnâk (Lung ruangah Pathian lakah repnâk chu) nei dauh hen, amah lakah um kasi khonâk ding hen;

KOLOSA 3:15

Chun, Krist remnâk nih chun nan thinlung ah lâirêl seh, chubang hâwi siding hen taksa pumkhat ah kawh nan si rerêng asi; lâwm ding dan theih u.

1 THESALONIKA 5:23

Chun remnâk Pathian tak nih nan pum hen an thenhlimhtir na seh; chun, nan thlarau leh nan thinlung leh nan taksa chu kan Lalpa Jisu Krist a hawng kal tik chun simsâwi kawplo hen a pum hen hum hen um seh.

2 THESALONIKA 3:16

Chun, remnâk Lalpa ngelchel nih thil zeizawng ah remnâk an pêk kumza na seh. Lalpa chu nan ektê sinah um seh.

HEBRAI 13:20

Zungzâl thudântuk singsiah si mi nih a thihnâk ruangah Dawrâpu rokual tak Lalpa Jisu chu Pathian nih thihnâk lakah mi a thawh nawlh rawh.