ROM 4:2 - Bawm Common Language Bible Version

² Abraham chu thilti ruangah mawh lo asi chun putso ding a nei asi. Pathian leikâng lam chun a nei lo asi.

ROM 4:2 ပူးပေါင်းရင်းမြစ်များ

GENESIS 12:18

Churawhchun, lalchem nih Abram sinah mi a fial le, “Zei rangah ka lakah hi hâwi hen thil na ti? Na nupi asi mi zei rangah na hawng ka simh lo?

GENESIS 12:20

Lalchem nih a mi tla chu thu a pêk le, chu ram thawk hen Abram chu a nupi leh a neih zawzawng hen an suaktir rawh.

EZEKIEL 8:9

Anih nih ka sinah, “Va lût le, khinah sualnâk thil fihnungkâi an ti mi khi zauhnik,” a ti.

ROM 15:17

Chun, Pathian leikângah Krist Jisu ah putso ding ka nei asi.

1 KORIN 1:29

Pathian mâika ah âukhawm anna putso kho lai loh.

1 KORIN 1:31

Churuangah, Pathian lasui thu nih, “Â putso mi vial nih Lalpa putso seh,” ti hen, a sim hâwi khan.

1 KORIN 4:7

Nang âunih me a nan ti bîk? Na ting lo mi chu zei me na nei? Na ting asi chun zei rangah ting lo hâwi hen na sawr phah?

1 KORIN 9:16

Thâwngthâng Ṭha sim khawmsele putso ding rerêng ka nei lo, ti ngelchel ding hen ka tlûnah â thâng asi. Thâwngthâng Ṭha sim lah sele ka tlûn a pit awt asi.

2 KORIN 11:12

Sikhawmsele, a rêlkhâwngnâk tawng duh tla lakah mi rêlkhâwngnâk chu ka sah khonâk ding hen ka ti rawh, ka ti vima lai; an putsonâk ah chun kanmah um hâwi hen an hawng um khonâk ding hen.

2 KORIN 11:30

Putso ding kasi ṭung chun ka chaklonâk lei thil tla asi ka putso awt.

2 KORIN 5:12

Nan sinah kanna simṭhat nawlh mi asi lo le, thinlung lei silo hen, langngân ko hen putsotu tla chu zeitin mawh sângnâk ding nan theih khonâk ding hen, kanmah leiah putso san an siam na hen kan sim dauh asi.

GALATIA 3:22

Sikhawmsele, Jisu Krist lungnâk ruangah thil tiam chu a lungtu tla sinah pêk asi khonâk ding hen Pathian lasui thu nih chun sual tangah zeizawng a khâr ver.

EPHESI 2:9

Thil ṭha ti rang ding ah Krist Jisu ah chun siam a um hen amah kut suak kan si le,

PHILIPI 3:9

Krist ka ting khonâk ding leh mah repnâk (Dân lakah repnâk chu) nei lo hen, Krist lung ruangah repnâk (Lung ruangah Pathian lakah repnâk chu) nei dauh hen, amah lakah um kasi khonâk ding hen;

JOSUA 24:2

Josua nih zapi minung zawzawng sinah, “Hi hi asi, LALPA Israel Pathian nih a sim mi chu: ‘A lânah an thlâk natu tla chu Eufretis tiva râl leiah an um le, pathian dang tla an sawnh. Chu lakah mi pakhat chu Terah asi, amah chu Nahor leh Abraham pa asi.