ROM 4:16 - Bawm Common Language Bible Version

^16-17 Churuangah, zângfahnâk hen asi khonâk ding hen lungnâk ruangah asi hi, thlâk tla zawzawng nih chun thutiam chu anna tingnâk ding hen. Dân nei mi tla cho nih an tawng awtlo le, Abraham neih hâwi lungnâk nei tla khawm nih an tawng bâk lai. Mithi tla nungtirtu leh thil a um ding um lo tla um hâwi hen simtu a lung mi Pathian mitmuh ah chun Abraham chu kan ektê thlarau pa asi. “Chi tam tak tla pa ah ka nan siam,” ti rîn hâwi khan.

ROM 4:16 ပူးပေါင်းရင်းမြစ်များ

ISAI 51:2

Nan thlâktu, Abraham leh Sari thawk hen thlâk nan si mi kha dawn u. Abraham ka kawh liauah fa nei lo hen a um le, sikhawmsele mal ka sâwm le, fa tla ka pêk; thlâk tam tak nei hen ka siam.

LUK 19:9

Chun, Jisu nih Zakai thu a sim le, “Tusûn ah hi in ah hin ruangsuaknâk a hawng tlung rawh, anih khawm Abraham fapa asi ruangah.

ROM 15:8

Hi hi ka sim asi: Thlâktu tla sinah thutiam tla kha birhtir ding leh a zângfahnâk ruangah Phundang tla nih Pathian an chawnglawmh khonâk ding hen, Pathian thu a dik ti theihtirnâk ding hen Krist chu fêmtan tla rianṭuan ah a hawng um le; Pathian lasui thu nih: “Churuangah, Phundang tla lakah ka nan sawr lai le, na min chawnglawmhnâk ding hen la ka sak lai,” ti hen, a sim hâwi khan.

ROM 3:22

chu chu Pathian repnâk, Jisu Krist lung ruangah a lungtu vial tla sinah langhtir hen a um mi chu asi; dangnâk rerêng a um lo:

ROM 3:30

Juda tla chu an lung ruangah mawhtirlonâk ding leh Phundang tla chu an lungnâk ruangah mawhtirlotu ding thu Pathian pakhat cho asi chun Phundang tla Pathian khawm asi bâk lai ta a.

ROM 4:11

Chun, fêmtan lo hen a um liauah lungnâk ah repnâk a tawng ti theihnâk fêmtan singsiahnâk chu â ting le, chu repnâk chu an rangah ruat a sinâk ding hen fêmtan lo tla lakah lungtu zawzawng thlarau pa asi khonâk ding hen.

ROM 5:1

Churuangah, lungnâk ruangah mawhlo a um hen, kan Lalpa Jisu Krist ruangah Pathian hen rem hen kan um.

ROM 9:8

Chu taksa dân mi fa tla chu Pathian fa an si lo, thutiam fa tla chu Abraham thlâk ah ruat an si dauh tinâk asi.

GALATIA 3:14

Chun, Abraham rangah malsâwmnâk chu Krist Jisu ah Phundang tla tlûnah a hawng um kho lai le, chun lungnâk ruangah Thlarau tiamh chu kan tawng kho lai.

GALATIA 3:16

Chun, Abraham sinah asi, thu chu tiamh hen a um mi chu, a chi thlâk tla sinah khawm. Mi tam tak thu sim mi hâwi hen, “Chi thlâk tla sinah khawm,” a ti lo le, mi pakhat thu sim mi hâwi hen, “Na chi thlâk sinah khawm” ti asi dauh, chu chu Krist chu asi.

GALATIA 3:22

Sikhawmsele, Jisu Krist lungnâk ruangah thil tiam chu a lungtu tla sinah pêk asi khonâk ding hen Pathian lasui thu nih chun sual tangah zeizawng a khâr ver.

EPHESI 2:5

kan buarnâk tla ruangah thi kan si liau khawm ah Krist rual hen hawng kan nunh bâk le, zângfahnâk hen ruangsuah nan si;

EPHESI 2:8

Lungnâk ruangah Pathian zângfahnâk hen ruangsuah nan si; chu khawm chu nanmah lakah suak asi lo le, Pathian thilpêk asi; thilti ruangah si lo, chu lo chun mi anna khâwng lebang lai.

TITA 3:7

Chuvachun, a zângfahnâk ah mawhtir lo si hen, zungzâl hen nungnâk lungumnâk hâwi vima hen rotingtu ding ah siam hen kan um kho lai.

2 PETER 1:10

Churuangah, unau tla, a nan kawh na nâk leh an thîm na nâk chu, birhtir ding hen taimâk suah khun u; chu hâwi hen nan ti chun nan tlû dah lai lo.