ROM 4:11 - Bawm Common Language Bible Version

¹¹ Chun, fêmtan lo hen a um liauah lungnâk ah repnâk a tawng ti theihnâk fêmtan singsiahnâk chu â ting le, chu repnâk chu an rangah ruat a sinâk ding hen fêmtan lo tla lakah lungtu zawzawng thlarau pa asi khonâk ding hen.

ROM 4:11 ပူးပေါင်းရင်းမြစ်များ

GENESIS 17:24

Abraham chu fêmtan asi liauah chun kum sâwmkua leh kum kua mi asi.

SAM 47:9

Abraham thlâk Pathian mi tla hen phun lâirêltu tla anna pûm, kawrsen zawzawng ngâk hen thiltikho chu amah asi; thunei tak hen lâi a rêl.

EXODUS 12:13

Kawtkâ tung ah mi thisen chu nan umnâk singsiahnâk asi lai. Aigupta ram ka rêp tikah thisen ka muh chun ka nan kanh na lai le, nganfâk kan pêk na lo ding hen.

EXODUS 31:13

“Sabbath ka dinhni hi ulh u. Nannih leh keimah karah hi nûnthâi zawzawng khawm ah, Kei, LALPA nih keimah minung ah ka nan siam na mi ti zauhtirnâk asi.

EXODUS 31:17

Hi hi Israel mi zapi leh keimah karah singsiahnâk um kumza ding mi chu asi. Kei, LALPA nih tual leh vân ni ruk sungah ka siam le, a ni sarihnâk ah ka rianṭuan chu Ka dinhtâk ruangah,” a ti.

EZEKIEL 20:12

Anmah leh keimah karah remnâk singsiahnâk Dinhni ulh ding hen kei, LALPA nih thenhlimh tak hen ka siam ti theihtir na ding hen.

EZEKIEL 20:20

Dinhni tla thenhlimh tak hen ulh ule, thudântuk kan siam mi singsiahnâk leh kei, LALPA nan Pathian kasi theihnâk asi lai.

MATHAI 16:16

Chun, Simon Peter nih, “Mesia, Pathian nung Fapa chu na si, ” a ti le, a sâng.

MATHAI 8:11

Ka nan simh na, sak leh thlang thawk hen mi tam tak an hawng kal lai le, Vân Ram ah chun Abraham tla, Isak tla, Jakob tla sinah an to lai.

LUK 19:9

Chun, Jisu nih Zakai thu a sim le, “Tusûn ah hi in ah hin ruangsuaknâk a hawng tlung rawh, anih khawm Abraham fapa asi ruangah.

JOHAN 3:33

A thu theihtirnâk pawm mi nih ‘Pathian chu a dik asi,’ ti a singsiah.

JOHAN 3:36

Âuzawng Fapa zumh mi zawng nih zungzâl nungnâk an nei rawh; sikhawmsele, âuzawng Fapa thu ngâilotu vial nih nungnâk an nei lai lo le, Pathian thinrunhnâk an tlûnah a um kumza dauh asi,” a ti.

JOHAN 6:35

Chun, Jisu nih an sinah, “Kei hi nungnâk sang chu kasi, âuzawng ka sinah a hawng kal mi chu a sungvâng lai loh, âuzawng hawng ka zumhtu chu zeitik khawm ah a tîhâl lai loh.

JOHAN 6:40

Chun, hi hi ka Pa duhzia asi, âuzawng Fapa muh hen, zumhtu zawng nih zungzâl nungnâk nei sele; chun, kei nih ni dawnghnâk ah chun annih chu ka thawh na lai,” a ti.

JOHAN 6:47

Thungâi tak hen ka nan simh na, âuzawng a lungtu nih chun zungzâl hen nungnâk a nei rawh asi.

JOHAN 8:33

Chun, annih nih chun a sinah, “Abraham thlâk tla kan si, âu sal khawm ah kan um dahlo rih; Sal an suah na lai,’ zeitin zia na ti mi mesi?” an ti le an sâng.

ROM 10:11

Pathian lasui thu nih, “Âuzawng amah lungtu vial an mualpho lai loh,” a ti asi.

ROM 10:4

Krist chu a lungtu tla vial rangah repnâk an nei khonâk ding hen Dân birhtirtu asi.

ROM 10:6

Lungnâk ah repnâk lam nih chun hi hâwi hen a sim: “Nan thinlung ah, ‘âu me vân ah kâi lai?’ mawh (chu chu tlûnlei thawk hen Krist hawng ṭumpi ding tinâk asi),

ROM 3:22

chu chu Pathian repnâk, Jisu Krist lung ruangah a lungtu vial tla sinah langhtir hen a um mi chu asi; dangnâk rerêng a um lo:

ROM 3:26

Tu liauah a rep zia a zauhtirnâk ding ah asi amah ngelchel chu mirep asi khonâk ding hen leh Jisu lungtu vial mawhtirlotu asi khonâk ding hen.

ROM 3:30

Juda tla chu an lung ruangah mawhtirlonâk ding leh Phundang tla chu an lungnâk ruangah mawhtirlotu ding thu Pathian pakhat cho asi chun Phundang tla Pathian khawm asi bâk lai ta a.

ROM 4:10

Chu chu zei hâwi hen ruat me si ne? A fêmtan nûnah ma? A fêmtan lânah? A fêmtan nûnah asi lo le, a fêmtan lânah asi dauh.

ROM 9:30

Zei me kan sim lai rawh ne? Phundang repnâk ṭhâwl lo tla nih chun repnâk an hawng phâk rawh asi-- lungnâk ruangah repnâk chu.

ROM 9:33

Pathian lasui thu nih: “Zauhnik, Zion ah chun tlûknâk lung leh khamnâk lungpi ka siah le, âuzawng amah lungtu vial chu an lungdawng lai loh,” ti hen a sim hâwi khan.

ROM 9:6

Sikhawmsele, Pathian thu chu zeikhawm lo hâwi a um asi lo le, Israel mi zawzawng tla khawm Pathian mi thîm an si ver lo.

2 KORIN 1:22

Anih chu hawng kan singsiahtu leh kan thinlungah Thlarau Thenhlimh hawng kan pêktu asi ber.

GALATIA 3:22

Sikhawmsele, Jisu Krist lungnâk ruangah thil tiam chu a lungtu tla sinah pêk asi khonâk ding hen Pathian lasui thu nih chun sual tangah zeizawng a khâr ver.

GALATIA 3:29

Chun, Krist tâ nan si chun Abraham thlah, thutiam hâwi a ro ting ding tla nan si.

GALATIA 3:7

Chun, theih u, lungnâk ah um mi tla, chu tak chu Abraham fa tla an si.

GALATIA 5:5

Kannih nih chun Thlarau zârah lungnâk hen repnâk lungumnâk kan ngâk ruangah.

GALATIA 6:16

Chun, chu dân hâwi a um mi vial tla tlûnah remnâk leh zângfahnâk um seh! Pathian phun thîm Israel tla tlûnah khawm.

EPHESI 1:13

Amah lakah nannih khawm thudik chu nan ruangsuahnâk Thâwngthâng Ṭha chu nan ngâi hen, lung khawm nan lung nûnah amah lakah Thlarau Thenhlimh tiamh hen chun singsiah hen nan um kha.

EPHESI 4:30

Chun, Pathian Thlarau Thenhlimh chu lungzûrtir lah u, tlanhnâk ni rang ding ah chu hen chun singsiah hen nan um kha.

DEUTERONOMY 30:6

LALPA nan Pathian nih nanmah leh nan thlâk tla rangah ê-aw ngâinâk thinlung a nan pêk na lai le, churawhchun nan thinlung zawzawng hen amah nan dâwt lai le, chu ram ah chun nan um kumza lai.

PHILIPI 3:9

Krist ka ting khonâk ding leh mah repnâk (Dân lakah repnâk chu) nei lo hen, Krist lung ruangah repnâk (Lung ruangah Pathian lakah repnâk chu) nei dauh hen, amah lakah um kasi khonâk ding hen;

HEBRAI 11:7

Lungnâk hen Noa chu thil a lang lo rih mi leikâng thu ah Pathian simhkannâk thu a ngâi le, Pathian thu zâwt hen a dâwngsung tla ruangsuaknâk ding hen lawng a sâi; chu nih chun laikulh chu a mawhtir rawh. Churuang chun, lungnâk ruangah repnâk chu Pathian thawk hen â ting rawh.

2 PETER 1:1

Simon Peter, Jisu Krist to-aw leh mifial thawk hen chun Jisu Krist kan Pathian leh ruangsuahtu repnâk ruangah zumhnâk sung tak kanna ting mi hâwi ting bâk mi tla sinah,

THUPHUANG 9:4

Chun, an chal ah Pathian singsiahnâk a nei lo mi minung tla cho lo chu, tual ah belh tla, thing tla leh thlâi rerêng râwk lo ding hen simh an si.