ROM 4:1 - Bawm Common Language Bible Version

¹ Asi chun, Abraham, taksa dân ah hawng kan thlâktu nih chun zei me a tawng mi chu, zei kan sim lai ne?

ROM 4:1 ပူးပေါင်းရင်းမြစ်များ

ISAI 51:2

Nan thlâktu, Abraham leh Sari thawk hen thlâk nan si mi kha dawn u. Abraham ka kawh liauah fa nei lo hen a um le, sikhawmsele mal ka sâwm le, fa tla ka pêk; thlâk tam tak nei hen ka siam.

MATHAI 3:9

‘Abraham hawng kan thlâktu asi lo mazei?’ ti hen a sung-û tir lah u; Pathian nih hi bang lung tla hi Abraham thlâk tla ah a changtir kho, ka nan ti na hi.

LUK 3:8

Nan umdân hen nan rim ta tak ti zauhtir u; chun nan lakah, ‘Abraham chu kan pa asi,’ ti lah u; Pathian nih hi bang lung tla hi Abraham thlâk ah a dirh kho, ka nan ti na hi.

JOHAN 8:33

Chun, annih nih chun a sinah, “Abraham thlâk tla kan si, âu sal khawm ah kan um dahlo rih; Sal an suah na lai,’ zeitin zia na ti mi mesi?” an ti le an sâng.

JOHAN 8:53

Kan thlâktu Abraham ngâk hen na rokual dauh mazei? Anih khawm a thi rawh, khuavâng tla khawm an thi rawh; âu ah me nâ rêl?” an ti.

JOHAN 8:56

Nan thlâktu Abraham kha, ka ni muh ding asi ruangah thungâi â lâwm tâwn; chun a muh le, â lâwm,” a ti le, a sâng.

THILTI 13:26

“Unau le tla, Abraham thlâk tla, nan lakah Pathian ṭihtu tla, kanmah tla sinah hin hi bang ruangsuaknak thu hi hawng kan kuat rawh asi hi.

ROM 1:3

Anih chu taksa lei thu ah chun David thlâk ah suak asi le,

ROM 3:5

Sikhawmsele, kan a replonâk nih hin Pathian repnâk chu dawh khun hen a langhtir chun zeise kan sim lai? Pathian nih mi a rêp hen mi replo asi mazei? Minung ti dân hâwi hen ka sim asi.

ROM 4:16

Churuangah, zângfahnâk hen asi khonâk ding hen lungnâk ruangah asi hi, thlâk tla zawzawng nih chun thutiam chu anna tingnâk ding hen. Dân nei mi tla cho nih an tawng awtlo le, Abraham neih hâwi lungnâk nei tla khawm nih an tawng bâk lai. Mithi tla nungtirtu leh thil a um ding um lo tla um hâwi hen simtu a lung mi Pathian mitmuh ah chun Abraham chu kan ektê thlarau pa asi. “Chi tam tak tla pa ah ka nan siam,” ti rîn hâwi khan.

ROM 6:1

Zeise kan sim lai rawh ne? Zângfahnâk chu a pung khonâk ding hen sual hen nget ma kan um awt?

ROM 7:7

Zei me kan sim lai rawh ne? Dân chu sual masi? Si lo e! Sikhawmsele, Dân ruangah theih si lah sele chu sual kan theih lo ding mi; Dân nih chun, “Uh lah,” ti lah sele chu uh hi kan theih lo ding mi.

ROM 8:31

Chubang thu lakah chun zei me kan sim lai ne? Pathian kan leiah â ṭang chun âunih me hawng kan do kho lai?

2 KORIN 11:22

Hebrai mi an si mu? Kei khawm kasi. Israel mi tla an si mu? Kei khawm kasi. Abrahm thlâk tla an si mu? Kei khawm kasi.

HEBRAI 12:9

Taksa leiah pa tla nih nun hawng kan simh le, chubang tla chu kan zah na; chu ngâk fâk dauh hen, kan nungnâk ding hen thlarau lei Pa thu thu hen kan um awtlo ma?