ROM 3:8 - Bawm Common Language Bible Version

⁸ Takhan chun, zeirang me, “Thil ṭha a hawng tlung khonâk ding hen thilsual kan ti lai,” ti hen kan sim dauh lo? Mi zeimaw mi nih an ka phiar le, simlopi an ka simtir. Chu hâwi mi le tla chu an mawh hâwi hen Pathian nih a rêp lai

ROM 3:8 ပူးပေါင်းရင်းမြစ်များ

JEREMIA 40:16

Sikhawmsele Gedaliah nih a sâng le, “Ti rîlmâl lah! Ismael thu na sim mi chu a diklo asi!” a ti.

MATHAI 5:11

“Mi nih keimah ruangah an fâi na hen, an nehsawh na hen, âwkrâwl hen sual kip hen an phiar na tikah nan thaw a suak lai.

ROM 5:20

Chun, sual a lang khun ding hen Dân a hawng um nawlh sawm. Sikhawmsele, sual a pungnâk kip ah Pathian zângfahnâk chu a pung khun tâwn.

ROM 6:1

Zeise kan sim lai rawh ne? Zângfahnâk chu a pung khonâk ding hen sual hen nget ma kan um awt?

ROM 6:15

Zeitin asi lai ne? Dân lâirêl hen um kan si lo le, zângfahnâk lâirêl hen um kan si dauh ruangah kan sual ding ma si lai?

ROM 7:7

Zei me kan sim lai rawh ne? Dân chu sual masi? Si lo e! Sikhawmsele, Dân ruangah theih si lah sele chu sual kan theih lo ding mi; Dân nih chun, “Uh lah,” ti lah sele chu uh hi kan theih lo ding mi.

2 KORIN 11:15

Churuangah a rianṭuantu tla khawm chu repnâk rianṭuantu ah a siam sawm khawmsele thilchê asi lo; chubang tla dawnghnâk chu an thilti hâwi vima asi lai.

2 KORIN 6:8

rokualnâk leh chawnglawh lonâk hen, min simsiat leh min simṭhat hen, perpettu hâwi hen, mi dik tak si ṭung hen,

JUD 1:4

Pathian thu lunglo tla a thup hen kan sinah an hawng lai le, Pathian zângfahnâk thu chu râwk hen anmah duhzia a um tum hen Jisu Krist kan Lal leh Hotu an duh lo, hi mawh hen an um ding mi tla hi a lân thawk hen Pathian lasui thu nih a sim ving rawh asi.