ROM 3:3 - Bawm Common Language Bible Version

³ Mi zeimaw mi nih lungnâk nei lo khawmsele zei me â ti le? An lunglonâk nih chun Pathian zumhkâi zia zeikhawm lo ah a siam lêm mazei?

ROM 3:3 ပူးပေါင်းရင်းမြစ်များ

SAM 84:7

An kal liau chun an chak dadauh le, Pathian tla Pathian chu Zion ah an muh lai.

ISAI 55:11

Chu hâwi hen thu ka sim mi chu a um lai le, ka tum mi thil chu pakhat khawm a tlawlhnâk a um lai lo; Ti ding hen ka hawng fial mi thil zeizawng chu ti asi lai.

NUMBER 23:19

Pathian chu minung hâwi hen âwkrâwl thusim mi asi lo; Minung hâwi hen thinlung dang lemang mi asi lo. Thu a tiamh rawh mi chu a ti vima; A sim mi chu a ti ngelchel.

MATHAI 24:35

Tual leh vân a vei lai le, ka thu lam chu a vei lai lo.

JOHAN 1:16

A rangtlingnâk kanna ting chiau, zângfah nûnah zângfah singsuannâk hen,

ROM 10:16

Sikhawmsele, Thâwngthâng Ṭha chu an ektê hen an lung ver lo. Isai nih, “Lalpa kan thusim âunih me lung?” a ti ruangah.

ROM 11:29

Pathian nih a thilthawt pêk ah leh a kawhnâk ah chun a thinlung a lêt dahlo.

ROM 9:6

Sikhawmsele, Pathian thu chu zeikhawm lo hâwi a um asi lo le, Israel mi zawzawng tla khawm Pathian mi thîm an si ver lo.

2 KORIN 3:18

Chun, kannih chu kan ektê hen mêl khuh lo hen thlalang hâwi hen Lalpa rokualnâk cherh hen, rokualnâk thawk hen rokual vima hen, chu banghpi hâwi a um ding hen dangtir hen kan um tâwn, Lalpa Thlarau lakah mi kanna ting hâwi vima hen.

2 THESALONIKA 1:3

Unau tla, nanmah leikâng thu ah Pathian sinah lâwmthu sim kumza ding rêng kan si; chu chu â dawh rêng asi, nan lungnâk thu thungâi ṭhanglian hen, nan ektê hen nanna zângfah tawnhnâk chu a pung khun ruangah;

2 TIMOTHE 2:13

Kannih zumhtlâklo hen um kumza khawmsele, anih chu zumhtlâk hen a um kumza asi, amah leh amah a phehtâk kho lêm lo,” ti hi.

HEBRAI 4:2

Thâwngthâng Ṭha an sinah sim asi hâwi hen kan sin khawm ah sim asi. Sikhawmsele, an thu theih nih chun anmah tla a ṭhatvaktir lêm lo, an thu theih chu an lung tak lo ruangah.

1 SAMUEL 15:29

Israel lakah thuneitu Pathian chu a âwkrâwl awtlo le, a thu khawm a lêt lai lo. Minung asi lo ruangah a thinlung a lêt ding asi lo,” a ti.