ROM 3:11 - Bawm Common Language Bible Version

¹¹ Âukhawm theihthiam rerêng an um lo, âukhawm Pathian sawnh rerêng an um lo.

ROM 3:11 ပူးပေါင်းရင်းမြစ်များ

SAM 53:2

Pathian nih vân thawk hen minung tla chu a fing mi leh amah sawnhtu an um rêng mawh ti hen a zauh na.

SAM 53:4

“An theih lo menmaw? Hi thilsual titu tla nih an theih loh masi? Ka mi tla râwk ding hen an um le, ka sinah khawm thla an cham lo,” Pathian nih a ti.

SAM 94:8

Ka mi tla, chu hâwi tluk hen nan mâwl kho zia? Zei tikah nan theihthiam awt?

THUFING LASUIBU 1:22

“Mi â tla! Zei chan riamruam me â hen nan um kumza awt? Theihnâk thu tla nihsanh nuam ti hen zei chan riamruam me nan um awt? Na sîn awtlo nget rih ma?

THUFING LASUIBU 1:7

Theihnak nei ding hen LALPA chu na zah masa chem ding asi. Simh ngâilo mi tla nih finghnâk khawm an siarlo le, sîn ding khawm an duh lo.

ISAI 27:11

Thing ṭeng tla chu a uai hen a kiak le, nunau tla nih tih ding ah an khawmh. Mi le tla nih theihthiamnâk zeikhawm an nei lo ruangah, Pathian an siamtu nih an lakah siherhnâk leh khuaruatnâk zeikhawm a langh lo.

ISAI 31:1

Aigupta ah ṭangpi ding sâwm hen va kaltu tla chu an vân a duai! Aigupta râltuk kawrsen tam tak chaknâk rang tla, kari tla leh, kawrsen lakah anna ngauh. LALPA, Israel Pathian thenhlimh lakah a ngauh hen a sinah ṭangpi an deih lo.

ISAI 55:6

Tuah a nâi tek liauah LALPA leiah a her ule, a sinah thlacham u.

ISAI 65:1

LALPA nih, “Ka mi tla thlachamnâk sâng ding ka râlring kumza le, sikhawmsele thla an cham lo. Anmah rangah an hawng ka muh ding hen ka râlring kumza, sikhawmsele an tum lo. ‘Hinah ka um ka nan ṭangpi na lai,’ ti hen sâng ding ka râlring khawm ah phun tla nih ka sinah thla an cham lo.

ISAI 9:13

LALPA Zeizawng tikho nih Israel tla chu rêp na menza khawmsele, amah leikângah rim hen an kîr dahlo rih.

JEREMIA 4:22

LALPA nih, “Ka mi tla chu an mâwl tuk le; an hawng ka theih loh. Ngâksia â hâwi an si le; zeikhawm theihthiamnâk an nei lo. Thilsual ti chu an thiam thlo le, sikhawmsele thil ṭha ti ding an tumh loh,” a ti.

HOSEA 4:6

Ka mi tla chu an hawng ka theih lo ruangah an vânduai asi. Nannih bâwlpu tla, hawng ka theih ding nan duh lo hen kan sîntir na nâk khawm nan duh lo, churuangah nannih khawm kan nawng na, nan fapa tla khawm bâwlpu siding hen kan theih na awtlo rawh.

HOSEA 7:10

Israel mi tla zumhnâk chu anmah zolanghtu asi. Chubang zawzawng thil a hawng tlung khawm ah kei, LALPA, an Pathian sinah an hawng kîr lo.

MATHAI 13:19

Âuzawng nih Ram thu chu nâ nih a theih hen, a ngaihtawnh dân a theih lêm lo chun Setan chu a hawng kal le, a thinlung ah vawrh chia chu a suh ving tâwn. Chu minung chu lam vâu ah vawrh mi chu asi.

ROM 1:22

Mifing ah anna ruat le, sikhawmsele, mi â ah an hawng a chang;

ROM 1:28

Chun, Pathian theih an duh lo ruangah thil dawh lo tla ti ding hen a duh lo kâng thinlung neih siang hen Pathian nih a hawitâk na rawh.

ROM 3:10

Pathian lasui thu nih: ‘Âukhawm mirep tak rerêng an um lo, pakhat khawm an um lo;

ROM 3:12

Amah lo leiah an pial ver le, zeikhawm chawhchân lo hen an um ver: âukhawm thil ṭha ti rerêng an um lo, pakhattê men an um lo.

ROM 8:7

Taksa duhkâng chu Pathian donâk asi ruangah chu chu Pathian Dân hen a um lo le, um khawm a um kho lo asi.

TITA 3:3

Kannih khawm a lânah â tak leh ê-aw ngâilo leh perpet mi leh, duhnâk leh lawmhnâk kip leikângah pial mi leh sual leh nahsuah mang hen um mi leh fihnungkâi leh a huat tawnh mi tla kan si ruangah.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.