ROM 2:9 - Bawm Common Language Bible Version

⁹ Minung thilsual titu tla tlûnah hamhnâk leh ngaihsiatnâk fâk tak a um lai le, Juda tla tlûnah a um masa lai le, chun Phundang tla tlûnah khawm a um lai.

ROM 2:9 ပူးပေါင်းရင်းမြစ်များ

2 CHRONICLES 6:23

LALPA, vân thawk hen nang hawng le, na to-aw tla chu lâirêl piak na. A sual mipa chu rêp le, a sual lo mi chu âwltir.

SAM 32:10

Misual chu tuar ding mi asi le, sikhawmsele LALPA lakah ngauh mi chu a dâwtnâk dawnglo hen a hum na.

THUFING LASUIBU 11:23

Mi ṭha tla thil duhnâk lakah chun thil ṭha a hawng suak tâwn le, misual tla nih an duh mi an tawng ni ah mikip an thinrun.

EZEKIEL 18:4

Mikip nungnâk chu ka tâ asi le, nu leh pa leh fa tla nungnâk khawm keimah kut ah a um. Thilsual titu chu a thi lai.

EZEKIEL 22:31

Churuangah an tlûnah ka thinthawknâk ka thlah thlap lai le, an thilti ruangah mei hâwi hen ka veih na awt,” a ti. LALPA Zahkâi nih a sim.

AMOS 3:2

“Hi tual tlûnah phun zawzawng lakah nanmah cho hi kan theih na hen kan zauhkhenh na mi chu nan si, chu hâwi mi nan si ruang chun nan sual tla ṭihnung a kâi hen ka nan rêp na san chu asi,” a ti.

MATHAI 16:26

Mi nih laikulh hi a pum hen a ting sele, a nungnâk dawk sele, a rangah zei a ṭhatnâk a um lai? Asi lo leh, mi nih a nungnâk rûlah zei me a pêk lai?

LUK 24:47

amah min hen rimnâk thu leh sual ngaihdamnâk thu Jerusalem thawk hen phun kip sinah an sim lai,’ ti hen.

THILTI 11:18

Chun, chubang thu chu an theih hen an dâisip rawh, “Chu hâwi asi chun Pathian nih Phundang tla nung ding hen rim a siang rawh ma chu!” ti hen, Pathian an sawr rawh.

THILTI 13:26

“Unau le tla, Abraham thlâk tla, nan lakah Pathian ṭihtu tla, kanmah tla sinah hin hi bang ruangsuaknak thu hi hawng kan kuat rawh asi hi.

THILTI 20:21

Juda tla leh Greek tla sinah khawm Pathian leiah thinlung lêttirnâk thu leh kan Lalpa Jisu Krist leiah lungnâk thu ka theihtir tâwn kha.

THILTI 26:20

a tîrah Damaska khua mi tla sinah, chu nûnah chun Jerusalem khua mi tla sinah, Juda ram kip mi tla sinah, Phundang tla sinah khawm rim min put tlâk hen thilti, rim hen, Pathian leiah anna hernâk ding hen ka sim dauh tâwn asi.

THILTI 28:17

Chun, ni thum nûnah Pawl nih chun Juda tla hotu dauh vial a pumh na le; chun an hawng a pûm le, an sinah, “Ka unau Israel le tla, mi zawzawng leh kan thlâktu dân lakah ka ti lo khawm ah Jerusalem khua thawk hen Rom mi tla kut ah an hawng ka tângtir asi.

THILTI 28:28

“Chun, Pathian ruangsuahnâk thu hi Phundang tla sinah kuat asi ti theih u, annih lam nih chun ngâi khawm an ngâi lai,” a ti.

THILTI 3:26

Pathian nih a to-aw chu a ruat le, nan sual tla hertâk tir chiau ding hen mal a nan sâwm na ding hen nanmah sinah a hawng fial masa chem asi hi,” a ti.

ROM 1:16

Thâwngthâng Ṭha ah zumhnâk rangtling ka nei: âuzawng a lungtu zawng rangah ruangsuah ding hen Pathian thiltikhonâk asi, a tîrah Juda tla rangah asi le, chun Phundang tla rangah khawm asi.

ROM 10:12

Juda leh Phundang tla chu zeikhawm ah anna dang lêm lo, Lalpa pakhat an ektê tlûnah Lalpa asi le, a lamtu vial tla tlûnah ṭhatnâk tam tak a nei.

ROM 2:10

Sikhawmsele, thil ṭha titu vial sinah chun rokualnâk tla, chawnglawmhnâk tla, lungngamnâk tla Pathian nih a pêk na lai le, Juda tla sinah pêk asi masa lai le, chun Phundang tla sinah khawm pêk asi lai.

ROM 8:35

Krist dâwtnâk lakah thawk hen âunih me hawng kan ṭhen kho lai? Hamhnâk nih mawh, ngaihsiatnâk nih mawh, nehsawhnâk nih mawh, pâmnâk nih mawh, takkaronâk nih mawh, ṭihnungkâinâk nih mawh, nâmsâu nih mawh hawng kan ṭhen kho lai ma?

ROM 9:24

Chu zângfahnâk bêl tla chu Juda tla lak mi cho silo hen, Phundang tla lakah mi khawm kawh an si.

GALATIA 3:28

Chunah chun Juda mi a um kho lo le, Greek mi khawm a um kho ber lo, chunah chun to-aw a um kho lo le, to-aw lo khawm a um kho ber lo, chunah chun mipa leh nunau khawm a um kho ber lo; Krist Jisu lakah nan ektê hen pakhat nan si ruangah.

KOLOSA 3:11

chu lak chun Greek mi leh Juda mi, fêmtan leh tan lo phundang tla, Skuthia mi tla, sal tla, sal lo tla khawm a um lo; Krist chu zeizawng si dauh hen zeizawng ah a um ber asi.

2 THESALONIKA 1:6

Lalpa Jisu, Pathian theihlo mi leh kan Lalpa Jisu Thâwngthâng Ṭha lunglo mi tlûnah lehrûl sam hen a vânmifial chak tak tla hen, meialh lakah vân thawk hen â langh tikah a nan hamhtir natu tla chu hamh hen lehrûl sam leh nannih hamhtuartu tla hi kanmah tla hen dinhnâk ah rulh bâk ding chu Pathian rangah thil rep tak asi.

1 PETER 4:17

Lâirêlnâk dawmh ding hen tik chu a hawng tlung rawh, chun Pathian mi tla chu lâirêl piak masa ding asi. Kanmah lakah â dawmh chun Pathian thawk hen Thâwngthâng Ṭha lunglotu tla dawnghnâk chu zei hâwi dek asi lai?