ROM 2:7 - Bawm Common Language Bible Version

⁷ Thil ṭha ti rarâm hen, rokualnâk leh chawnglawmhnâk leh thi kho lo mi nungnâk hâwltu tla sinah chun zungzâl nungnâk a pêk lai.

ROM 2:7 ပူးပေါင်းရင်းမြစ်များ

JOB LASUIBU 17:9

Mi zahkâi hen anna ruat mi tla chu, an dik hen anna ruat dadauh.

SAM 27:14

Lungdawng lo hen LALPA chu zumh le, amah lakah a ngauh rawh. LALPA chu zumh rawh.

SAM 37:3

LALPA lakah a ngauh le, thil ṭha ti rawh; ram ah chun um le, him rawh.

SAM 37:34

LALPA lakah lungum le, a thupêk tla zûl rawh; ram an pêk mi hen thangṭhat an lawhtir lai, chun misual tla nar an si mi na muh lai.

EZEKIEL 18:17

Sual thilti a duh lo le, a pung ding duh hen tangka a lângtir na lo. Ka dân tla a zûl le, ka thupêk tla a pawm. A pa sual ruangah chu minung chu a thi lai lo le, sikhawmsele a nung ngelchel lai.

MATHAI 25:46

Chun, chubang chu zungzâl rêpnâk ah an kal lai; mirep tla lam chu zungzâl nungnâk ah an kal lai,” a ti.

LUK 21:19

Nan felfênâk nih nan nungnâk a hum lai.

LUK 8:15

Tual ṭha lakah chî a tlâ mi lam chu hi bang tla hi an si; thinlung rep leh ṭha hen thu an theih le, an chîng thlir le, felfê tak hen an rah tâwn.”

JOHAN 4:36

A âttu nih lawh a tawng tâwn le, zungzâl a nung tiang um ding hen rah a khawmh tâwn, a tuhtu leh a âttu anna lâwm vevê khonâk ding hen.

JOHAN 5:44

Nannih chawnglawmh tawng lawmhtu tla, zeitin me nan lung kho lai? Pathian cho thawk hen a suak mi chawnglawmhnâk chu nan hâwl lo mi.

ROM 2:10

Sikhawmsele, thil ṭha titu vial sinah chun rokualnâk tla, chawnglawmhnâk tla, lungngamnâk tla Pathian nih a pêk na lai le, Juda tla sinah pêk asi masa lai le, chun Phundang tla sinah khawm pêk asi lai.

ROM 6:23

Sual man chu thihnâk asi; Pathian thilthawt pêk lam chu kan Lalpa Jisu Krist ruangah chun zungzâl nungnâk asi.

ROM 8:18

Tu liau tuarnâk tla hi, hi nûnah kan tlûnah rokualnâk langhtir ding mi hen chun tahṭhimh tlâk ah ka ruat lo.

1 KORIN 15:42

Mithi thawh nawlhnâk khawm chu hâwi ber asi. Thû kho hen tuh hen a um le, thû kho lo a thawh hen a um; nâu tak a tuh hen a um le, rokual tak a thawh hen a um.

1 KORIN 15:50

Unau le tla, taksa leh thisen nih hin Pathian Ram chu a luah kho lai loh; thû kho nih hin thû kho lo chu a luah kho lai loh ti ka sim asi.

1 KORIN 15:58

Churuangah, ka unau duhtak le tla, bir tak hen, changh kho lo rê hen, Lalpa rian ṭhanemngâi tak a ṭuan kumza hen um u, nan ṭuan hamhnâk chu Lalpa ah chun a thawt dahlo ti nan theih asi.

GALATIA 6:9

Chun, thil ṭha ti neng lo ding; kanna dâithlanh lo chun a tikah kan ât awt ruangah.

EPHESI 6:24

Kan Lalpa Jisu Krist chuai lo hen a zângfahtu zawzawng tla sinah dâwtnâk um seh.

KOLOSA 1:27

Chubang na sinah chun chu thuthup rokualnâk chawng zia chu Pathian nih theihtir a duh rerêng asi; chu thuthup chu Krist nanmah lakah um mi rokualnâk lungumnâk san chu asi;

1 TIMOTHE 1:17

Lalchem, zungzâl hen um mi, râwk kho lo, muh kho lo, Pathian tak cho chu zungzâl chawnglawmh leh rokual hen um seh! Amen.

2 TIMOTHE 1:10

Sikhawmsele ruang hawng kan suahtu Jisu Krist a hawng kalnâk nih tu ah a langhtir rawh. Krist nih chun thihnâk thiltikhonâk chu veih hen, Thâwngthâng Ṭha hen nungnâk thi kho lo mi chu a langhtir rawh.

HEBRAI 2:7

Anih chu vânmifial tla ngâk hen nâu dauh hen na siam rih le, rokualnâk leh chawnglawmhnâk na pêk.

HEBRAI 6:12

Nanna dâithlanh ding ka nan duh na loh, a lung mi tla leh felfê mi tla leh Pathian thutiam anna ting rawh mi tla hâwi hen nan um ding hen ka nan duh dauh na.

HEBRAI 6:15

Chun, felfê tak hen a tuar ver nûnah thutiam chu Abraham nih a tawng taktê.

1 JOHAN 2:25

Amah Jisu Krist nih pêk ding hen hawng kan tiamh mi chu zungzâl nungnâk asi.